নহিমিয় 1:4 - Chakma Bible

⁴ এ কধানি শুনিনে মুই বজিনে কানা ধুরিলুঙ্‌। কয়েকদিন ধুরিনে মুই আবিলেচ্‌ খেলুঙ্‌ আর উবোস্‌ থেলুং আর স্বর্গর গোজেনর ইদু তবনা গুরিলুং।

নহিমিয় 1:4 ပူးပေါင်းရင်းမြစ်များ

২ শমূয়েল 12:16

সেক্কে দায়ূদে পূঅবোত্তে গোজেন ইদু কোজোলী গরা ধুরিলো। তে উবোস্‌ থেলঅ আর তা ঘরত্‌ যেইনে মাদিত্‌ ঘুম যেইনে রেত্তো কাদেল।

২ বংশধর 6:13

তে পাচ্ আঢ লাম্বা, পাচ্ আঢ্ পাদাজ্যে আর তিন আঢ্ অজল্‌ এক্কান্‌ পিদলর্‌ মাচাং বানেইনে উদোন সংমোধ্যে রাগেল। তে সেই মাচাঙান উগুরে উদিনে বেক্‌ ইস্রায়েলীয়গুনো মুজুঙোত্‌ আদু পাদিলো আর দ্বিয়েন আঢ স্বর্গ ইন্দি বাবেইনে কলঅ,

ইষ্রা 1:2

পারস্যের রাজা কোরসে এই কধাগান কোইয়্যেদে, স্বর্গর গোজেন লগেপ্রভু পিত্‌থিমীর পুরো রেজ্যগান্ মরে দিয়্যে আর যিহূদা দেজর্ যিরূশালেমত্ তাত্তেই এক্কান ঘর বানেবাত্যে মরে নেযা ওইয়্যে।

ইষ্রা 10:1

ইষ্রা যেক্কে গোজেন ঘর মুজুঙোত্ উবোত্ পুন্দুরী ওইনে তবনা গরের্ আর পাপ স্বীগের্ গরের্ আর কানের্ সেক্কে ইস্রায়েলীয়গুনোর মরদ্, মিলে আর পুয়ো-ঝিগুনোর এক্কো দাঙর্ দল তাইধু এগত্তর্ ওইয়োন। তারায়ো অমকদ কান্নোন্।

ইষ্রা 9:3

এ কধাগান শুনিনে মুই মনত্ দুঘে মর্ উজ্যে কাবড়ানি ফাদি ফেলেলুং আর মর্ মাঢাবো চুলানি আর দাড়িগানি ছিনিনে আমক্ ওইনে বোই রলুং।

ইষ্রা 9:5

সে পরেদি সাজোন্যে অক্তত্ উৎসর্বর সময়োত্ মুই মন মরা ওয়্যে দুঘোত্তুন্ ফিরিলুং আর সেই ফাদি যেইয়্যে কাবড় সুমুত্তো আঢু পাদিনে মর্ গোজেন লগেপ্রভুর মুজুঙোত্ দ্বি আঢ্ বাবেই দিইনে এই তবনাগান গুরিলুং,

নহিমিয় 2:20

মুই জোবত্‌ তারারে কলুঙ্‌, “স্বর্গর গোজেনে আমারে ফোলেই দিবো। আমি, তার্‌ চাগরুনে, আরঅ দেবাল গাদেবং, মাত্তর্‌ যিরূশালেমত্‌ তমার্‌ কনঅ সোম্পোত্তি, কনঅ্‌ দাবি বা কনঅ অধিকার নেই।”

নহিমিয় 2:4

রাজা মরে কলদে, “তুই কি চাজ্‌?” সেক্কে মুই স্বর্গর গোজেনর ইদু তবনা গুরিলুঙ্‌।

গীতসংহিতা 102:15

সেক্কে লগেপ্রভুর নাঙান্ শুনিনে অন্য বেক জাদ্‌তুনে দোরেবাক্; তর্ বাঈনী দেগিনে পিত্‌থিমীর বেক রাজাগুনোর মনত্ দর্‌বুক্ লাগিবো।

গীতসংহিতা 136:26

তুমি স্বর্গর্ গোজেনরে ভালেদি জানঅ; - তার কোচ্‌পানাগান উমরত্তে থিদেবর্ গোজ্যে।

গীতসংহিতা 137:1

বাবিলো গাঙানি পারত্ বোইনে আমি যেক্কে সিয়োন কধা ইদোত্ তুলিদোং সেক্কে আমার চোগো পানি পড়িদো।

দানিয়েল 10:2

সে সময় মুই দানিয়েল তিন সাপ্তা ধুরি আবিলেচ্ গোজ্যং।

দানিয়েল 2:18

তে তারারে কোজোলী গুরিলো যেন তারা সেই হবর্ ন-পেইয়্যে বেপারান্ জানিবাত্তে স্বর্গর গোজেন ইধু দোয়্যে ভিক্ষ্যে চেলঅ, যেনে তে আর তা সমাজ্যেগুন বাবিলোর অন্য সল্লাদিয়্যেগুনো লগে মারা ন-পড়ন্।

দানিয়েল 9:3

সেনত্তে মুই উবোস্ থেইনে, বস্তা পাদা পিনিনে আর ছেই মিগিনেই কোজোলী আর আওজে প্রভু গোজেন ইধু তবনা গুরিলুং।

যোনা 1:9

জোবত্ যোনা কলঅ, “মুই এক্কো ইব্রীয়। মুই স্বর্গর্ গোজেন লগেপ্রভুর উবোসনা গরং। তেয়ই সাগর আর মাদি বানেয়্যে।”

সফনিয় 3:18

লগেপ্রভু কত্তে, “ঠিগ্ পরব্‌পুন পালেই ন-পারিনে তর্ যে মানুচ্চুনে দুঘ্ গোজ্যন তারারে মুই এগত্তর্ গুরিম। তারা দঅ অসর্মানর বুধি বুয়োদন্।‌‌

রোমীয় 12:15

যিগুনে ফুত্তি গরন্ তারা সমারে হুজি অ; যিগুনে কানন্ তারা সমারে কানঅ।