নহূম 3:6 - Chakma Bible

⁶ মুই তঅ উগুরে আদংকাজর্ ফেলেম, তরে ঘিনেইদ্যে চোগেদি রিনি চেইম্ আর তরে ঈচ্ গরেদে মান্‌‌জ্য ধোক্ক্যেন গুরিম।

নহূম 3:6 ပူးပေါင်းရင်းမြစ်များ

ইয়োব 30:19

সে পরেদি তে মরে পুদোত্ ফেলেই দিলো। মুই দঅ ধূল্যে আর ছেইয়ো ধোক্ক্যেন্ ওই যেইয়োং।

ইয়োব 30:8

তারা এলাক্কে অপদাত্ত আর দুন্নাম হেইয়্যে; দেজত্তুন্ তারারে ধাবেই দিয়্যে ওইয়্যে।

ইয়োব 9:31

তো তুই কাদা চুরুঙোত্‌ মরে ভরেই দিবে; সেক্কে মঅ কাবড়্‌-চুগোরানিয়ে মরে ঘিনেব।

যিরমিয় 51:37

বাবিলান অবঅ এক্কান ভস্ত ওইয়্যে কুর্, শিয়েলুনোর্ থেবার জাগা আর ঠাট্টা-মশকারির্ জাগা। সিয়েনত্ কনজন বজত্তি ন-গুরিবাক্; তা অবস্থা দেগিনে মানুচ্চুনে আমক্ অবাক্।

আবিলেচ্ 3:16

তে পাত্তর্‌লোই মঅ দাত্‌তুন ভাঙি দিয়্যে আর ধূল্যেলোই মরে মিগি দিয়্যে।

যিহিষ্কেল 16:37

সিয়েনত্তে মুই তর্ সেই বেক্ লাঙেগুনোরে এগত্তর্ গুরিম যিগুনো সমারে তুই ফুত্তি গোজ্যস্। যিগুনোরে তুই কোচ্‌পেইয়োচ্ আর যিগুনোরে ঈচ্ গোজ্যস্ তারারে বেক্কুনোরে মুই এগত্তর্ গুরিম। মুই চেরোকিত্তেত্তুন্ তঅ বিরুদ্ধে তারারে এগত্তর্ গুরিম আর তারা মুজুঙোত্ তর্ বেক্ কাবড়-চুগোড়ানি খুলি দিম যেনে তারা তর্ লাংটা-বাংটাগান দেগন্।

নহূম 1:14

ও নীনবী শঅরান, লগেপ্রভু তঅ পৌইদ্যেনে কত্তে, “তঅ নাঙান্ রোক্ষ্যে গুরিবাত্তে তইধু কনঅ মানুচ্ ন-থেবাক্। তঅ দেব-দেবেদাগুনোর্ মন্দিরোত্ যিদুক্কুন আরুগ্ আর মূত্তি আগন্ সিগুন মুই ভস্ত গুরি ফেলেম। তুই অপদাত্ত বিলি মুই তঅ গোরান্ যুক্কোল্ গুরিম।”

হবক্‌‌‌‌কূক 2:16

তুই সর্মানর্ বদলে লাজে পরিপূরোণ অবে। এবেরা তর্ পালা। তুই মদ হেইনে লাংটা-বাংটা অ। লগেপ্রভুর ডেন্ আঢর্ রাগর্ গলস্‌‌‌‌‌ছো তন্দি এজের্; অসর্মানে তঅ সর্মানান্ ঢাগা যেবঅ।

সফনিয় 2:15

ইয়েনই সেই নিচিদে থেইয়্যে শঅর্ যিয়েন গমেডালে আঘে। তে মনে মনে কইদ্যে, “মুয়ই আগং, মুই বাদে আর কনজন নেই।” তে কিবাবোত্যেগুরি ভস্ত ওই গেলঅ, ঝার্‌বো য়েমানুনোর আশ্রয়র জাগা অলঅ! যিগুনে তা কায়কুরেদি যেবাক্ তারা ঠাট্টা-মশ্‌‌‌‌কারি গুরিবাক আর তারার্ বুজ্যে আঙুল্ দেগেবাক্।‌‌

মালাখি 2:3

তমাত্যে মুই তমা বংশধরুনোরে সাজা দিম; তমা পরবর্ উৎসর্বর য়েমানুনোর্ কাজরানি মুই তমা মুয়োত্ লিবি দিম আর সেই কাজরান্ সুমুত্তো তমারে দূর্ গুরি দিয়্যে অবঅ।”

মালাখি 2:9

তুমি মঅ পধেদি ন-চলঅ বরং রীদি-সুদোম পৌইদ্যেনে মানুচ্চুনো সমারে তুমি এক মোক্ক্যে ওইয়ো। সেনত্তে বেক্ মানুচ্চুনো মুজুঙোত্ মুই তমারে ঈচ্ গরে পারা আর অসর্মান অই পারা গুরিম।”

১ করিন্হীয় 4:13

যেক্কে তারা আমারে নিন্দে গরন্ সেক্কে নম্র গুরিনে আমি তারারে জোব্ দিই। এজঅ সং আমি জগদর্ কাজরঅ ধোক্ক্যেন্, দুনিয়েত্ কাঙেলেত্যে ওইনে আঘিই।

১ করিন্হীয় 4:9

মারে ফেলা অবঅ বিলি যিগুনোরে মিছিলো শেজদি রাগা অয়, মর্ মনে অয় গোজেনে আমারে, অত্তাৎ প্রচারগ্‌কুনোরে ঠিগ্ সেধোক্ক্যেন বেক্কুনো শেজত্ থোইয়্যে। আমি গোদা পিত্‌থিমীয়ান ইধু, অত্তাৎ স্বর্গদূত আর মানুচ্চুনো ইধু যেন ঠাট্টা হেইয়্যে মানুচ্ ওইয়্যেই।

ইব্রীয় 10:33

কনঅ কনঅ সময় বেক্কুনো মুজুঙোত্ অগমান্ আর অত্যেচার সোজ্জ্য গুরিনে তুমি থেঝেরা গরা খেইয়্যে ওইনে দুঘ্ পেইয়ো; যিগুনো উগুরে সেবাবোত্যে বেবহার গরা ওইয়্যে তারা সমারে দুঘ্ পেইয়ো;

যিহূদা 1:7

সদোম, ঘমোরা আর তারার্ কায়কুরে বেক্‌ শঅরর্ মানুচ্চুনেয়ো ঠিগ তারা ধোক্ক্যেন পর্‌‌‌‌পাগোল্যে, এন্‌ কি, অমকদ পর্‌‌‌‌পাগোল্যে এলাক্। যিগুনে উমরর্ আগুনোত্ পুড়ি যেবার সাজা পেবাক্ ইগুনে সিগুনোর্ চিহ্নো ওই আঘন্।