নহূম 3:17 - Chakma Bible

¹⁷ তর্ চুগিদারুন আর কাম্ গুরিয়্যেগুন ঝাক্ বান্যে পুগ্-যুগোর্ ঝাগ ধোক্ক্যেন, যিগুনে যার্‌কালত্ দেবাল উগুরে বৈই থান্ মাত্তর্ বেলান্ উদিলে পরেদি উড়ি যান্, কুদু যান্ কনজনে হবর্ ন-পান।

নহূম 3:17 ပူးပေါင်းရင်းမြစ်များ

যিরমিয় 51:27

“তুমি দেজ ভিদিরে বাবতা তুলো। জাদ্‌‌‌তুনো ভিদিরে শিঙে বাজঅ। তা বিরুদ্ধে যুদ্ধোত্তে জাদ্‌‌‌তুনোরে যুক্কোল্ গরঅ; তা বিরুদ্ধে অরারট, মিন্নি আর অস্কিনস রেজ্যগানিরে ডাগঅ। তা বিরুদ্ধে এক্কো সেনাপতিরে নেযঅ; পুগ্-যুগ ধোক্ক্যেন ভালোক্কুন ঘোড়া পাধেই দুয়ো।

যিহিষ্কেল 31:12

জাদ ভিদিরে বেগত্তুন্ চিৎনপুজ্যে জাদর্ মানুচ্চুনে তারে কাবি ফেলেইনে থোই যেইয়োন্। তার দাঙর্ দাঙর্ ডেলাগুন মুড়োই মুড়োই আর বেক্ কলগত্ পোজ্যন্দোই; তার ডেলাগুন ভাঙিনে দেজর্ বেক পানি গঙার ভিদিরে পড়ি আঘে। পিত্‌‌‌‌থিমীর বেক্ জাদ্‌‌‌‌তুনে তা ছাবাবোত্তুন নিগিলিনে তারে ফেলেই যেইয়োন।

নহূম 2:9

তার রূবোগানি লুদো, সোনাগানি লুদো। ইয়েনি বেক্কানি ন-ফুরেইয়্যে; ইয়েনি তার বেক্কানি ধন ভান্ডালর্ ধন-সম্পদ।

ফগদাং পেইয়্যে 9:7

সেই পুগ্-যুগ্‌কুন চাদে যুদ্ধো গুরিবাত্যে যুক্কোল্ গোজ্জ্যে ঘোড়া ধোক্ক্যেন। তারার্ মাঢাত্ সনা মুকুটো ধোক্ক্যেন এক বাবোত্যে জিনিস এলঅ, আর তারার্ মুয়ো চেঙারাগান্ এলঅ মান্‌জ্য ধোক্ক্যেন।