নহূম 3:1 - Chakma Bible

¹ অভিশাব্ পোড়োক্, সেই লো ঝোরেয়্যে শঅরানর্, যিয়েন মিজে আর লুদেয়্যে জিনিস্‌‌‌‌চোই ভোজ্জ্যে, যিয়েনত্ নিত্য মানুচ্-শিগের্ চলের্।

নহূম 3:1 ပူးပေါင်းရင်းမြစ်များ

গীতসংহিতা 62:10

তুমি অন্যেয় সুবিধে নিবাত্তে নির্ভর ন-গোজ্য; জুলুম গোজ্যে আয় উগুরে মিজে আশা ন-রাগেয়ো; বাড়েয়্যে ধন-সোম্বোত্তিলোই গুলোগুলি গুরি ন-থেয়ো।

যিশাইয় 17:14

সাজোন্যে অক্তত্ তারা অমকদ দোরেবাক্ আর বেন্যে পহ্‌‍‍‍র অবার্ আগেদি শেজ্ ওই যেবাক্। আমা লুদেয়্যেগুনোত্তে ইয়েন আঘে; ইয়েনই আমার লুদেয়্যেগুনোর ভাগ্য।

যিশাইয় 24:9

তারা আর গান গেই গেই আংগুর-রস ন-হেবাক্; মদখুরুনো মুয়োত্ মদ তিদে লাগিবো।

যিশাইয় 42:24

যাকোবরে কন্না লুদো হেবাত্তে দিয়্যে? আর ইস্রায়েলরে কন্না লুদেয়্যেগুনো আঢত্ তুলি দিয়্যে? তে কি লগেপ্রভু নয়, যিবের্ বিরুদ্ধে আমি পাপ গোজ্যেই? তারা তা পধেদি চলিবাত্তে ন-চান্, তা উগুমান্ ন-পালান্।

হোশেয় 4:2

আগে বানা শমক্ ভাঙানা, মিজে কধা কনা, খুন্ গরানা, চুর্ গরানা আর বেভিচের্ গরানা। তারা আইন অমান্য গরন আর লো ঝরানা উগুরে লো ঝরান্।

নহূম 2:12

সিংহ তা ছঅগুনোত্তে যদেষ্ট য়েমান্ মারিদো আর তার সিংহীগুনোত্তে গত্তনা চিবি মারিদো বোউত্ য়েমান্; তে তার্ মারে ফেলেয়্যে য়েমান্দোই তার্ থেবার জাগায়ান আর ছিনিনে কট্টা গোজ্যে য়েমান্দোই তা গাঢ্‌‌তো ভোরেদ।

নহূম 2:13

বেগত্তুন্ খেমতাবলা লগেপ্রভু কোইয়্যেদে, “ও নীনবী, মুই তঅ বিরুদ্ধে; মুই তঅ রথ্‌‌‌তানি পুড়ি ফেলেম, আর লাম্বা ছুরিগানে তর্ বোলা সিংহগুনোরে শেষ্ গুরিবো। মুই তর্ শিগেরত্তে কন কিজু এই পিত্‌থিমীত্ ফেলেই ন-রাগেম‌‌‌। তর্ হবর্ দিয়্যেগুনোর মুয়োর্ রঅগুন্ আর শুনো ন-যেবঅ।”

হবক্‌‌‌‌কূক 2:12

জাদ্‌তুনে কবাক্‌‌, অভিশাব্ দিই তারে, যে লো ঝোরেইনে শঅর্ বানায় আর অন্যেয় কাম্বোই আদামান্ থিদেবর্ গরে।