Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




নহূম 2:13 - Chakma Bible

13 বেগত্তুন্ খেমতাবলা লগেপ্রভু কোইয়্যেদে, “ও নীনবী, মুই তঅ বিরুদ্ধে; মুই তঅ রথ্‌‌‌তানি পুড়ি ফেলেম, আর লাম্বা ছুরিগানে তর্ বোলা সিংহগুনোরে শেষ্ গুরিবো। মুই তর্ শিগেরত্তে কন কিজু এই পিত্‌থিমীত্ ফেলেই ন-রাগেম‌‌‌। তর্ হবর্ দিয়্যেগুনোর মুয়োর্ রঅগুন্ আর শুনো ন-যেবঅ।”

အခန်းကိုကြည့်ပါ။ ကော်ပီ




নহূম 2:13
33 ပူးပေါင်းရင်းမြစ်များ  

আসিরিয়ার রাজা লাখীশত্তুন্‌ তর্তনরে, রব্‌সারীসরে আর রব্‌শাকিরে বিরাট একদল সৈন্যলোই যিরূশালেমত্‌ রাজা হিষ্কিয়ো ইদু পাধেই দিলো। তারা যিরূশালেমত্‌ এইনে কাবড় কাজেইয়্যে মাদ পধ পারত্‌ অজল্‌ জাগাত্‌ পুয়োরবো লগে বাস্যে পানি নাল ইদু থামেলাক্‌।


সেক্কে রব্‌শাকি তারারে কলঅ, তুমি হিষ্কিয়রে এ কধাগান্‌ কঅ, সে মহান রাজাবো, অত্তাৎ আসিরিয়ার রাজা কোইয়্যেদে, তুই কুয়ন উগুরে বিশ্বেজ্ গরর্‌?


তঅ মানুচ্চুন্দোই তু্‌ই প্রভুরে ঈচ্ গুরি কোইয়োচ্‌, তর্‌ বেক্‌ রথ্‌তানিলোই তুই মুড়োমুড়িগুনো তুগোত্, লেবাননর্ বেগত্তুন্‌ অজল্‌ তুক্কোত্‌ উঠ্যচ্‌। তুই তার্‌ বেগত্তুন্‌ লাম্বা এরস গাজছুন্‌ আর গম্‌ গম্‌ বেরস গাজছুন্‌ কাবি ফেল্যচ্‌। তুই তার্‌ গভীন্‌ ঝারর্‌ দোল্‌ জাগানিত্‌ যেইয়োচ্‌।


আসিরিয়ার রাজা সন্‌হেরীবে হবর্‌ পেলঅ, কূশ দেজর্‌ রাজা তির্হকেঃ তা বিরুদ্ধে যুদ্ধো গুরিবাত্তে নিগিল্যে। সেনত্তে তে দূত্‌তুনোরে দিইনে হিষ্কিয়ো ইদু কোই পাদেল,


তারা মান্‌জ্যর্‌ আদে বানেয়্যে পিত্‌থিমীর বেক্‌ জাদর্‌ দেবেদাগুনো পৌইদ্যেনে যিয়েনি কোইয়োন্‌ যিরূশালেমর গোজেন পৌইদ্যেনেয়ো সেধোক্ক্যেন কলাক্‌।


তে পিত্‌থিমীর বেক্ যুদ্ধোগানি বন্ধ গরে, তে ধনুগানি ভাঙে, তে সেলুন্ কট্টা কট্টা গরে, তে রথ্‌তানি আগুনোত্ পুড়ে।


ও যিরূশালেম, যুনিয়ো তুই কলগ উগুরে পাত্তর সংজাগাত্ আগচ্ তো মুই তঅ বিরুদ্ধে। তুই কোই থাচ্, তমা বিরুদ্ধে কনজনে এই ন-পারিবাক্, কনজনে তমা আশ্রয়ে সোমেই ন-পারিবাক্;


সেই হবরান অলঅ, “তুমি মিসরত্ ফগদাং গরঅ, মিগ্‌দোলত্ ফগদাং গরঅ, নোফ আর তফন্‌হেষত্ ফগদাং গুরিনে কঅ, ‘তুমি জাগা নিইনে থিয়্যেয়ো আর যুক্কোল্ অ, কিত্তে তলোয়ারানে তমা চেরোকিত্তে গজক্ গুরিবো।’


মুই বেগত্তুন্ খেমতাবলা প্রভু লগেপ্রভু কঙর্, ও বাড়্‌‌বোগুরিয়্যে, চাহ্, মুই তঅ বিরুদ্ধে, কিত্তে তর্ সাজা পেবার সময় এচ্চ্যে।‌‌


লগেপ্রভু কোইয়্যেদে, ও ভস্তগুরিয়্যে মুড়ো, তুই বেক্ পিত্‌‌‌থিমীগানর ভস্তগুরিয়্যে; মুই তঅ বিরুদ্ধে। মঅ আঢ্‌তান মুই তঅ বিরুদ্ধে বাবেইনে অজল্ মুড়োত্তুন্ তরে গোজ্যেই দিম আর তরে এক্কো পুড়ি যেইয়্যে মুড়ো বানেম্।


মুই প্রভু লগেপ্রভু কঙর্, তারার্ মিজে কধানি আর মিজে দর্শনানিত্তে মুই তারা বিরুদ্ধে।


তারে কঅ, লগেপ্রভু কোইয়্যেদে, মুই তঅ বিরুদ্ধে। মুই খাবত্তুন্ মঅ লাম্বা ছুরিগান্ নিগিলেনে তঅ ভিদিরেত্তুন গম্ আর পাজি বেক্কুনোরে মারে ফেলেম।


সেনত্তে মুই প্রভু লগেপ্রভু কঙর্, ও সোর, মুই তর্ বিপক্কে। সাগরে যেবাবোত্যে তার তুবোলুন্ উগুরে তুলোই সেবাবোত্যেগুরি মুই তঅ বিরুদ্ধে ভালোক্কুন্ জাদরে ডাগি আনিম।


প্রভু লগেপ্রভু কোইয়্যেদে, ‘ও সীদোন, মুই তর্ বিপক্ষে; মুই তঅ ভিদিরে যিয়েনি গুরিম সেক্কে মর্ মহিমাগান ফগদাং অবঅ। মুই যেক্কে তরে সাজা দিম্ আর তঅ ভিদিরে মর্ পবিত্রতাগান ফগদাং গুরিম সেক্কে তঅ মানুচ্চুনে হবর্ পেবাক্, মুয়ই লগেপ্রভু।


সেনত্তে মুই তর্ আর তঅ গাঙানর্ বেক পানিগান বিরুদ্ধে। মুই মিগ্‌দোলত্তুন্ সিবেনী, অত্তাৎ কূশের দুযি সং মিসর দেজ্‌‌‌চানরে মানুচ্ নেইয়্যে আর ভস্তর্ জাগা গুরি দিম।


প্রভু লগেপ্রভু কোইয়্যেদে, ও মিসরর রাজা ফরৌণ, মুই তর্ বিপক্ষে। তুই নিজো গাঙ্ ভিদিরে পড়ি থেইয়্যে সেই দাঙর্ কুমোর্‌বো। তুই কোই থাচ্, নীল্ গাঙান্ তর্ আর তুই নিজোত্তে সিয়েন বানেয়োচ্।


প্রভু লগেপ্রভু কোইয়্যেদে, ও সেয়ীর মুড়োবো, মুই তর্ বিপক্ষে; মুই তঅ বিরুদ্ধে মঅ আঢ্‌তানি বাবেইনে তরে এক্কান মানুচ্ নেইয়্যে উগুজ্যে ভূইয়ো ধোক্ক্যেন বানেই রাগেম।


প্রভু লগেপ্রভু কোইয়্যেদে, ও মেশক আর তূবলর আজল্ শাজন্‌গুরিয়্যে গোগ, মুই তর্ বিপক্কে।


ও মান্‌‌‌জ্যর পুয়োবো‌, গোগর বিরুদ্ধে তুই এই আগাম্ কধানি কঅ, প্রভু লগেপ্রভু কোইয়্যেদে, ও মেশক আর তূবলর আজল্ শাজন্‌গুরিয়্যে গোগ, মুই তর্ বিপক্ষে।


সেনত্তে মুই নিজে তঅ বিরুদ্ধে, আর তঅ জাদ্‌‌‌‌তুনোর চোগো মুজুঙোত্ মুই তরে সাজা দিম্।


সিংহ তা ছঅগুনোত্তে যদেষ্ট য়েমান্ মারিদো আর তার সিংহীগুনোত্তে গত্তনা চিবি মারিদো বোউত্ য়েমান্; তে তার্ মারে ফেলেয়্যে য়েমান্দোই তার্ থেবার জাগায়ান আর ছিনিনে কট্টা গোজ্যে য়েমান্দোই তা গাঢ্‌‌তো ভোরেদ।


অভিশাব্ পোড়োক্, সেই লো ঝোরেয়্যে শঅরানর্, যিয়েন মিজে আর লুদেয়্যে জিনিস্‌‌‌‌চোই ভোজ্জ্যে, যিয়েনত্ নিত্য মানুচ্-শিগের্ চলের্।


তর্ বেক তাম্বুলানি পাগানা ফল্লোই ভরা ডোমোর্ গাজ ধোক্ক্যেন; যে কনজনে সিগুন লাড়েইলে ডোমোরুন তা মুয়োনত্ পড়িবাক্।


সিয়েনত্ আগুনানে তরে গিলিবো; লাম্বা ছুরিগানে তরে কাবি ফেলেব আর ভস্তগুরিয়্যেবো পুগ্-যুগো ধোক্ক্যেন ভস্ত গুরি ফেলেব। তুই ভস্ত গুরিয়্যে আর ঝাক্ বান্যে পুগ্-যুগো ধোক্ক্যেন সোংখ্যেদি বাড়ি উদ্।


বেগত্তুন্ খেমতাবলা লগেপ্রভু কত্তে, “ও নীনবী, মুই তঅ বিরুদ্ধে; মুই মুয়োন সং তঅ কাবড়ান্ তুলিম। তর্ লাংটাগান মুই জাদ্‌তুনোরে দেগেম আর রেজ্যগানিরে দেগেম তর্ লাজানা।‌


সেক্কে লগেপ্রভু যিহোশূয়রে কলঅ‌, “তুই তারারে ন-দোরেচ্‌, কিত্যে এযেত্যে কেল্যে মুই এই সময়ো ভিদিরে ইস্রায়েলীয়গুনোর মুজুঙোত্‌ তারারে বেক্কুনোরে শেজ্‌ গুরি দিম্‌। তুই তারার্‌ ঘোড়াগুনোরে টেঙঅ রক্কুন্‌ কাবি দিবে আর রথ্‌তানি পুড়ি দিবে।”


লগেপ্রভু যিহোশূয়রে যে উগুমান দিয়্যে যিহোশূয় শত্রুগুনো উগুরে সেধোক্ক্যেন্‌ গুরিলো। তে তারার্‌ ঘোড়াগুনোর টেঙঅ‌ রক্কুন কাবি দিলো আর রথ্‌তানি পুড়ি ফেলেল।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ