নহূম 2:12 - Chakma Bible

¹² সিংহ তা ছঅগুনোত্তে যদেষ্ট য়েমান্ মারিদো আর তার সিংহীগুনোত্তে গত্তনা চিবি মারিদো বোউত্ য়েমান্; তে তার্ মারে ফেলেয়্যে য়েমান্দোই তার্ থেবার জাগায়ান আর ছিনিনে কট্টা গোজ্যে য়েমান্দোই তা গাঢ্‌‌তো ভোরেদ।

নহূম 2:12 ပူးပေါင်းရင်းမြစ်များ

২ শমূয়েল 17:8

তুই দঅ হবর্‌ পাজ্, তঅ বাপ্পো আর তা মানুচ্চুনে যোদ্ধা। তারা ছঅ কাড়ি নেযেয়্যে ঝার্‌বো ভালুগো ধোক্ক্যেন্‌ দর্‌গরেপারা। সিয়েন বাদেয়ো তঅ বাপ্পো এক্কো জদবদে যোদ্ধা; তে তার সৈন্যদলুনো ভিদিরে রেত্‌ ন-কাদেদ।

গীতসংহিতা 17:12

তারা সিংহ ধোক্ক্যেন শিগেরত্তে পাগল, যেনে আন্দলে হাফ্‌‌দি থেইয়্যে দামাড়া সিংহ।

যিরমিয় 51:34

যিরূশালেমর মানুচ্চুনে কদন্, “বাবিল রাজা নবূখদ্‌নিৎসরে আমারে গিলি ফেল্যে, আমারে চুরমার গোজ্যে, আমারে সুদো কুমো ধোক্ক্যেন গোজ্যে। দানব ধোক্ক্যেন্ তে আমারে গিলি ফেল্যে আর আমারে গম্ গম্ হানা দিইনে তা পেট্‌‌‌‌তো ভোরেয়্যে, আর সে পরেদি আমারে এঁটোকাঁটা ধোক্ক্যেন দূর্ গুরি দিয়্যে।”

নহূম 2:11

সেই সিংহগুনো গাত্তো ইক্কিনে কুধু, যিয়েনত্ তারা তারার্ ছঅগুনোরে হাবেদাক্, যিয়েনত্ সিংহ, সিংহী আর তারার্ ছঅগুনে ন-দোরেইয়্যেগুরি থেদাক্?

নহূম 2:13

বেগত্তুন্ খেমতাবলা লগেপ্রভু কোইয়্যেদে, “ও নীনবী, মুই তঅ বিরুদ্ধে; মুই তঅ রথ্‌‌‌তানি পুড়ি ফেলেম, আর লাম্বা ছুরিগানে তর্ বোলা সিংহগুনোরে শেষ্ গুরিবো। মুই তর্ শিগেরত্তে কন কিজু এই পিত্‌থিমীত্ ফেলেই ন-রাগেম‌‌‌। তর্ হবর্ দিয়্যেগুনোর মুয়োর্ রঅগুন্ আর শুনো ন-যেবঅ।”

গণাণা 23:24

এই বেক্‌ মানুচ্চুনে থিয়্যেই উদিবাক্‌ সিংহ ধোক্ক্যেন গুরি, আর সিংহ ধোক্ক্যেন গুরি নিজোরে দেগেবাক। শিগের্‌ গোজ্যে য়েমানর্ লো আর য়েরা খেই ন-পানা সং তারা ন-জিরেবাক্‌।”