নহূম 2:10 - Chakma Bible

¹⁰ তারে লুদো অর্, খালি গরা অর্ আর ভস্ত গরা অর্। তা মানুচ্চুনোর মনানি গলি যেইয়্যে, আঢু গিলেগুন দগ্‌‌দগাদন্; তারার্ কমরত্ আর জোর্ নেই, তারার পত্তিজনর্ রাঙা-কালা মু ওই যেইয়্যে।

নহূম 2:10 ပူးပေါင်းရင်းမြစ်များ

পত্থম 1:2

পিত্‌থিমীর উগুরেদিগানত্ সেক্কেয়ো কনঅ চিহ্নো পাহ্ ন যায়, আর সিয়েন ভিদিরে জেদা পরাণবলা কিচ্ছু ন-এলাক্; সিয়েন উগুরেদিগান এলঅ আন্ধারে ঢাক্ক্যে গভীন্‌ পানি। গোজেন আত্মাগান সে পানিগান উগুরে আদা-উদো গুরিদো।

গীতসংহিতা 22:14

মরে পানি ধোক্ক্যেন্ গুরি ঢালি দিয়্যে ওইয়্যে, মর্ বেক্ আড়র্ জড়াগুন্ খুলি যেইয়োন, মঅ মনান্ মুমো ধোক্ক্যেন্ ওইনে মঅ ভিদিরেদিগান গুলি পড়ের্।

যিশাইয় 14:23

মুই তারে কুদুক্-কাদাগর্ জাগায়ান্ আর পানি জাগায়ান্ গুরি দিম্। ভস্ত অনা চোরোন্ দরালোই মুই তারে ছুরি দিম্। মুই বেগত্তুন্ খেমতাবলা লগেপ্রভু এ কধাগান্ কঙর্।”

যিশাইয় 21:3

মুই পেট সুলোনিলোই অমকদ দুঘ্ পাঙর্, মিলেগুনোর পুয়ো পুদোনা ধোক্ক্যেন পিড়েয় মরে ধোজ্যে। মুই এমন্ পিড়ে পাঙর্, ন-শুনোঙর্ এমন্ দরাঙর, ন-দেগঙর্।

যিশাইয় 24:1

চঅ, লগেপ্রভু পিত্‌থিমীগানরে এক্কুবারে খালি গুরিবাত্যে আর ভস্ত গুরিবাত্যে যার্। তে তার্ উগুরে ভাগ্‌কান উল্ল্যে ফেলেইনে তা আদাম্মেগুনোরে ছিদি দিবো।

যিরমিয় 30:6

তুমি পুযোর্ গুরি চঅ, মরদে কি পেদত্ পুয়ো রাগেই পারে? সালে কিত্তে মুই পত্তি বোলী মরদরে পুয়ো পুদোনার পীড়ে ভোগ গোজ্যে মিলে ধোক্ক্যেন পেদ উগুরে আঢ্ রাগাদে আর বেক্কুনোর মুয়োনি মরা ধোক্ক্যে রাঙা-কালা মু দেগঙর্?

যিরমিয় 49:23

দামেস্ক পৌইদ্যেনে লগেপ্রভু কোইয়্যেদে, “হমাৎ আর অর্পদে দরে থির্‌‍‍‌‌‌‌‌নেইয়্যে ওইয়্যে, কিত্তে তারা ভান্ন্যেই হবর্ শুন্নোন্। তারা আশানেইয়্যে ওইয়োন, থির্ নেইয়্যে সাগর ধোক্ক্যেন ওলোঝোলো ওইয়োন্।

যিরমিয় 51:62

সে পরেদি কবে, ‘ও লগেপ্রভু, তুই এ জাগায়ান ভস্ত গুরিবার কধা কোইয়োচ্, সিয়েনত্ মানুচ্ বা য়েমান কনজনে সিয়েন ভিদিরে বজত্তি ন-গুরিবাক্; ইয়েন উমরত্তে মানুচ্ নেইয়্যে ওই থেবঅ।’

যিরমিয় 8:21

মঅ মানুচ্চুনে ভাঙি পোজ্যন্ বিলিনে মুইয়ো ভাঙি পোজ্যং; মুই চিৎপরা কাঙর্ আর অমকদ দরানে মরে ধোজ্যে।

যিহিষ্কেল 21:7

তারা যেক্কে তরে পুযোর্ গুরিবাক্, ‘কিত্তে ভঅ নিজেস্ ফেলর্?’ তুই কবে, ‘যে হবরান্ এজের্ সিয়েনত্তে ভঅ নিজেস্ ফেলাঙর্। সে অক্তত্ বেক্কুনোর মনানি গুলি যেবঅ আর বেক্কুনোর আঢ্‌‌‌‌‌‌তানি ন-লুরিবো; বেক্কুনোর মনানি ভাঙিবো আর বেক্কুনোর আঢুগুন্ বল্‌‌‌‌‌‌পোজ্যে ওই যেবাক্। প্রভু লগেপ্রভু কোইয়্যেদে, সিয়েনি এজের্; সিয়েনি অবদে অবঅ।’”

যিহিষ্কেল 31:15

মুই প্রভু লগেপ্রভু আরঅ কঙর্, যেদিন্যে তে মরণর্ জাগাত্ লামিলো সেদিন্যে তাত্তে আবিলেচ্ গরানার চিহ্নো ইজেবে সেই গভীন্ পয়নালাবো মুই নাঢি দিলুং; মুই তার বেক্ গঙারান থামেই দিলুং, সেক্কে তার বেক্ পানিগান বন্ধ ওই গেলঅ। ইয়েনত্তে মুই লেবাননরে আবিলেচ্ গোরেলুং আর ঝারর্ পত্তি গাজ্ শুগেই গেলঅ।

দানিয়েল 5:6

তা মুয়োন কালা ওই গেলঅ আর তে এদক্ দোরেলদে যে, তা কমরত্ ধুরিলো আর আঢুগিলেগুন গির্‌গিরে ধুরিলাক্।‌‌‌‌‌‌

যোয়েল 2:6

তারারে দেগিনে জাদ্‌‌তুনো মনত্ অমকদ যন্ত্রনা অর্; বেক্কুনো মুয়োনি রাঙা-কালা ওই যেইয়্যে।

নহূম 2:2

যুনিয়ো ভস্তগুরিয়্যেগুনে ইস্রায়েলরে মানুচ্ নেইয়্যে গোজ্যন্ আর তা আংগুর খেত্‌তানি চৌইদ্যেল্ গুরি দৈন্ তো লগেপ্রভু ইক্কিনে যাকোবর, অত্তাৎ ইস্রায়েলর আগর্ সয়-সাগোজ্যে ফিরেই দিবো।

নহূম 3:7

মান্‌জ্যে তরে দেগিনে মুয়োন্ ফিরেবাক্ আর কবাক্, ‘নীনবীগান ভস্ত ওই যেইয়্যে, কন্না তাত্তে আবিলেচ্ গুরিবো?’ মুই তত্তে কুদু বুঝেইয়্যে মানুচ্ তোগেইনে পেইম্?”

সফনিয় 3:6

লগেপ্রভু কত্তে, মুই জাদ্‌তুনোরে শেজ্ গুরি দুয়োং; তারার্ অজল্ চুগিদার ঘরানি ভস্ত ওই যেইয়্যে। মুই তারার্ পথ্‌‌‌তানি মানুচ্ নেইয়্যে গোজ্যং; কনজনে সিন্দি আর ন-যান। তারার্ বেক শঅরানি ভস্ত ওই যেইয়্যে; সিয়েনিত্ কনজন নেই, কনজনে বজত্তি ন-গরন্।

যিহোশূয় 2:11

ইয়েনি শুনিনে আমা মনর্‌ বেক্‌ আজা-ভরসানি ফুরেই যেইয়্যে আর তমা দরে বেক্কুনে সাহস্‌ আরেই ফেলেয়োন্‌। তমা গোজেন লগেপ্রভু স্বর্গর আর পিত্‌থিমীর গোজেন।

যিহোশূয় 7:5

শঅরর্‌ গেদো ইত্তুন্ অয় শঅরর্‌ মানুচ্চুনে ইস্রায়েলীয়গুনোরে লোড়েইনে শবারীম সং নেযেলাক্‌ আর শবারীমর কামা জাগানত্‌ তারার্‌ ছত্রিশজনরে মারে ফেলেলাক্‌। সেক্কে ইস্রায়েলীয়গুনোর মনবল এক্কুবারে ভাঙি পড়িলো।