নহূম 1:13 - Chakma Bible

¹³ ইক্কিনে মুই তঅ কানাত্তুন্ তারার্ জুঙোলান্ ভাঙি দিম আর তঅ বান্যেগান্ ছিনি ফেলেম্।”

নহূম 1:13 ပူးပေါင်းရင်းမြစ်များ

গীতসংহিতা 107:14

আন্ধার আর মরণ মুয়োত্তুন্ তে তারারে নিগিলেই আনিলো; তে তারার শিগোলানি ভাঙি দিলো।

যিশাইয় 10:27

সেদিন্যে তমা কানাত্তুন্ তারার বুদিগুন্, তমা গত্তনাত্তুন্ তারার্ জুঙোলুন্ তুলি নিয়্যে অবঅ; তুমি পক্তা ওইয়ো বিলি সেই জুঙোলান্ ভাঙি পুরিবো।

যিশাইয় 14:25

মঅ দেজ্‌‌ছান ভিদিরে মুই আসিরিয়ার্ রাজারে চুর্‌‌মার্ গুরিম আর মঅ মুড়ো-মুড়িগুনো উগুরে তারে টেঙোই উড়িম্। সেক্কে মঅ মানুচ্চুনো ইত্তুন্ তা জুঙোলান্ দূর্ ওই যেবঅ আর তারার্ কানাগানিত্তুন্ তা বুধিবো সুরি যেবঅ।”

যিশাইয় 9:4

মিদিয়নর্ উদি যেবার্ দিন্নোত্ যেধোক্ক্যেন্ তুই গোজ্যস্, সেধোক্ক্যেন্ গুরি তুই চুর্‌‌মার্ গুরি দিবে সেই জুঙোলান্, যিয়েন তারা উগুরে গুয়োর্ ওই আঘে, সেই লুদিক্কো, যিবে তারারে আঘাত্ গরে, সেই জাদ্‌তো, যে তারা উগুরে অত্যেচার্ গরে।

যিরমিয় 2:20

ভালোক্ দিন আগে তুই তর্ জুঙোল্ ভাঙিনে বান্ন্যেগান ছিনি ফেল্যচ্; তুই কোইয়োচ্চ্যে, মুই তরে সেবা ন-গুরিম্। তুই পত্তি অজল্ মুড়োত্ আর ডেলা পাদায় ছিদি পোজ্যে পত্তি য়্যেল্ গাজর্ তলে বেশ্যে ধোক্ক্যেন ঘুম্ যেইয়োচ্।

যিরমিয় 5:5

সেনত্তে মুই নেতাগুনো ইধু যেইনে তারা লগে কধা কোম্; হামাক্কায় তারা লগেপ্রভুর পথ্‌তান আর গোজেনর সুদোমানি হবর্ পান।” মাত্তর্ তারায়ো এক সমারে জুঙোল্ ভাঙিনে বান্ন্যেগান্ ছিনি ফেল্যন।

লেবীয় 26:13

মুই লগেপ্রভু তমার গোজেন। মিসর দেজত্তুন্‌ মুয়ই তমারে নিগিলেই আন্যং যেনে মিসরীয়গুনোর্‌ চাগর্‌ ওইনে তমাত্তুন্‌ আরঅ থাহ্ ন-পড়ে । কানাগানর্‌ জুঙোলান্ ভাঙি ফেলেইনে মুয়ই তমা মাদাগুন উজু গুরিনে আদিবার্‌ অবস্থাত্‌ আন্যং।