নহূম 1:12 - Chakma Bible

¹² লগেপ্রভু কত্তে, “ও যিহূদা, যুনিয়ো আসিরিয়গুনে বলেদি ঠিগ্ আগন্ আর জনেদি বেশ্ তো তারারে মারে ফেলা অবঅ। মুই তরে দুঘ্ দৈং ঠিগ, মাত্তর্ আর্ দুঘ্ ন-দিম।

নহূম 1:12 ပူးပေါင်းရင်းမြစ်များ

২ রাজাবলী 19:35

সে রেদোত্‌ লগেপ্রভু দূত্তো নিগিলিনে আসিরিয়গুনো তাম্বুলোর্‌ এক লাখ্‌ পাজাশি আজার্‌ মান্‌জ্যরে মারে ফেলেল। তার্‌কেল্যে বেন্যে মানুচ্চুনে যেক্কে ঘুমোত্তুন উদিলাক্‌ সেক্কে দেগা গেলদে বেক্‌ জাগানিত্‌ বানা মরামানুচ্।

২ রাজাবলী 19:37

একদিন্যে যেক্কে সন্‌হেরীবে তা দেবেদাবো নিষ্রোকর মন্দিরোত্‌ পূজো গরের্‌ সেক্কে অদ্রম্মেলক আর শরেৎসর নাঙে তার্‌ দ্বিবে পুয়ো তারে লাম্বা ছুড়িলোই মারে ফেলেইনে অরারট দেজত্‌ ধেই গেলাক্‌। সন্‌হেরীবোর জাগানত্‌ তা পুয়োবো এসর-হদ্দোনে রাজা অলঅ।

যাত্রা 12:12

সেই রেদোত্ মুই মিসর দেজ ভিদিরেন্দি যেইম্‌ আর মান্‌জ্যর্‌ পত্তম পূয়োবো আহ্ য়েমানর্‌ পত্তম চেলা ছঅগুনোরে মারে ফেলেম। মুই মিসরর বেক্‌ দেব-দেবেদাগুনোরে সাজা দিম; মুই লগেপ্রভু।

যিশাইয় 10:16

সেনত্তে বেগত্তুন্ খেমতাবলা প্রভু লগেপ্রভু আসিরিয়ার্ বোলী যোদ্ধাগুনে উগুরে এক্কান ক্ষয়-নেযাইদ্যে রোগ্ পাধেই দিবো; তার জাক্‌জমক্কান তলে জোল্-জোল্যে জিলো ধোক্ক্যেন্ গুরি আগুন জ্বালা অবঅ।

যিশাইয় 17:14

সাজোন্যে অক্তত্ তারা অমকদ দোরেবাক্ আর বেন্যে পহ্‌‍‍‍র অবার্ আগেদি শেজ্ ওই যেবাক্। আমা লুদেয়্যেগুনোত্তে ইয়েন আঘে; ইয়েনই আমার লুদেয়্যেগুনোর ভাগ্য।

যিশাইয় 30:19

ও সিয়োনর মানুচ্চুন্, তুমি যিগুনে যিরূশালেমত্ বজত্তি গরঅ, তমাত্তুন্ আর কানা ন-পুরিবো। সাহায্যত্তে কানিলে তে হামাক্কায় তমারে দোয়্যে গুরিবো। তে শুনোনার্ লগে লগে জোব্ দিবো।

যিশাইয় 31:8

লগেপ্রভু কোইয়্যেদে, “মান্‌জ্যর নয় এমন্ এক্কান তলোয়ারত্ আসিরিয়া পুরিবো; সেই তলোয়ারানে তারে গিলিবো। তা মানুচ্চুনে তলোয়ার মুজুঙেত্তুন্ ধেই যেবাক্ আর তারার গাবুজ্যে পুয়োগুনোরে জোর্ গুরিনে খাদা অবঅ।

যিশাইয় 37:36

সে পরেদি লগেপ্রভুর দূত্‌তো নিগিলিনে আসিরিয়গুনোর্ তাম্বুলোর্ এক লাখ্ পাচাশি আজার্ মান্‌‌‌জ্যরে মারে ফেলেল। তার্ কেল্যে বেন্যে অক্তত্ মানুচ্চুনে যেক্কে উদিলাক্ সেক্কে দেগা গেলদে বেক জাগানিত্ বানা মরা মানুচ্।‌‍‌

যিশাইয় 51:22

তর্ প্রভু লগেপ্রভু, তর্ গোজেন, যিবে তা মানুচ্চুনোর তপ্পে থায় তে এ কধাগান কোইয়্যেদে, “চাহ্, যে গলচ্চোত্তুন্ হেইনে তুই মাত্তল্ অদে সিবে মুই তঅ আঢত্তুন্ নেযেয়োং; মর্ রাগর সেই গলচ্চোত্তুন্ তুই আর কনদিন্‌অ ন-হেবে।

যিশাইয় 7:20

সেদিন্যে প্রভু তমার্ মাঢা চুলানি, টেঙ কেশ্‌চানি আর দাড়ি মুড়ে দিবাত্তে ইউফ্রেটিস গাঙর্ উপারত্তুন্ এক্কান ক্ষুরে, অত্তাৎ আসিরিয়ার রাজারে লোড়েইনে আনিবো।‍‍

যিশাইয় 8:8

আর সিয়েন যিহূদা দেজ ভিদিরে জোড়ে এইনে পুরিবো আর উদুরে উদিনে গত্তনা সং বাড়িবো। ও ইম্মানূয়েল, আসিরিয়ার রাজা তা মেল্যে ডুয়োগানিলোই তঅ পুরো দেজ্‌ছান নাঢি ফেলেব।

দানিয়েল 11:10

তা পুয়োগুনে যুদ্ধোত্তে যুক্কোল্ ওইনে এক বিরেট্ সৈন্যদল তুবেবাক্ আর দর্‌‌‌গরেপারা বান পানি ধোক্ক্যেন উজেই যেইনে যুদ্ধো গত্তে গত্তে দোগিণো রাজার তাম্বুলান সং যেবাক্।

যোয়েল 2:19

লগেপ্রভু তারার্ কধানির জোব্ দিইনে কবঅ, মুই তমা ইধু শোজ্য, নূয়ো আংগুর-রস আর তেল পাদাঙর্, সেক্কে তুমি ভর্‌‌‌‌পুনোং গুরিনে হুজি অবা; অন্য জাদ ইধু আর কনদিন্‌অ মুই তমারে ঈচ্ গরেপারা ন-গুরিম।

নহূম 1:15

যে মানুচ্চো গম্ হবর্ আনে আর শান্তি ফগদাং গরে, উই চাহ্, মুড়ো-মুড়ি উগুরে তা টেঙানি। ও যিহূদা, তর্ পরব্‌‌পুন পালা আর মান্যেগানি বেক্কানি ছিড়ে। পাজিগুনে আর্ তরে আক্রমণ ন-গুরিবাক্; তারারে এক্কুবারে ভস্ত গুরি ফেলা অবঅ।

ফগদাং পেইয়্যে 7:16

ইগুনোর্ আর পেট্ ন-পুরিবো, তিরেচ্অ ন-পেবঅ; বেলানর্ তেজ্‌‌চান ইগুনো কিয়্যেত্ আর ন-লাগিবো,