নহূম 1:10 - Chakma Bible

¹⁰ তুমি মাদি ফেগঅ ভিদিরে দলামজা ওই যেবা আর মদ হেইনে মাত্তল্ অবা; তুমি নাড়া ধোক্ক্যেন পুড়ি যেবা।

নহূম 1:10 ပူးပေါင်းရင်းမြစ်များ

২ শমূয়েল 13:28

অবশালোমে তা মানুচ্চুনোরে এ উগুমান দিলো, “চঅ, আংগুরো-রস হেইনে যেক্কে অম্নোনর মনান্‌ বেশ্ হুজি ওই উদিবো সেক্কে মুই তমারে কোম, ‘অম্নোনরে মার,’ আর তুমি তারে মারে ফেলেবা। তুমি ন-দোরেয়ো। মুই দঅ তমারে সে উগুমান দুয়োঙর্‌। তুমি সাহস গরঅ আর বোলী অ।”

গীতসংহিতা 118:12

মো পুগো ধোক্ক্যেন তারা মরে ঘিরিনে ধোজ্যন্; কাদা-ঝুবো আগুনো ধোক্ক্যেন্ যাদিমাদি তারা মিলেই যেয়োন্। লগেপ্রভুর নাঙে মুই তারারে ঘেচ্চেক্‌গুরি শেজ্ গুরি দিম।

গীতসংহিতা 68:2

ধূমো ধোক্ক্যেন গুরি তুই তারারে উড়েই দে; আগুনো মুজুঙোত্ গলেদে মুম ধোক্ক্যেন পাজিগুনে গোজেনর মুজুঙোত্ ভস্ত ওই যাদোক্।

যাত্রা 15:7

যিগুনে তর্‌ বিরুদ্ধে ঠিয়্যেলাক্‌ তর্‌ দাঙর্‌ মহিমায় তুই তারারে তলেদি ফেলেই দিলে; তর্‌ পাদেয়্যে জোল্‌জোল্যে রাগ্‌‌‌কানে দার্‌বো ধোক্ক্যেন তারারে পুড়ি ফেলেল।

যাত্রা 5:12

সেনত্যে মানুচ্চুনে দার্‌বো বদলে নাড়া তোগেবাত্তে মিসর্‌ দেজর্ বেক্‌ জাগানিত্‌ ছিদি পড়িলাক্।

যিশাইয় 27:4

তা উগুরে মর্ রাগ নেই। আহ্, কাদা ঝুব্‌পুনে আর কাদা ঝারানিয়ে যেন মঅ বিরুদ্ধে থিয়েইয়্যে!‍‍‍ সালে মুই তারারে টেঙোই উরিম্ আর সিয়েনি বেক্কানি পুড়ি ফেলেই দিম্।

যিশাইয় 47:14

তারা নাড়া ধোক্ক্যেন; আগুনানে সিয়েনিরে পুড়ি ফেলেব। তারা আগুনো খেমতার আঢত্তুন্ নিজোরে রোক্ষ্যে গুরি ন-পারন্। এ আগুনান এমন আঙারার্ আগুন নয় যিয়েনর মুজুঙোত্ বোইনে কনজনে আগুন পুয়োই পারন্ বা যিয়েনত্তুন্ পহ্‌র পেই পারন্। ‌‌‍

যিশাইয় 5:24

সেনত্তে আগুনো জিলানে যেধোক্ক্যেন্ দার্‌‌‌বো পুড়ি ফেলায় আর আগুনো ভিদিরে শুগুনো ঘাস পুড়ি যায়, সেধোক্ক্যেন্ গুরি তারার্ গড়াগান্ পুযি যেবঅ আর ধূল্যে ধোক্ক্যেন্ তারার্ ফুলুন্ উড়ি যেবাক্; কিত্তে তারা বেগত্তুন্ খেমতাবলা লগেপ্রভুর্ উগুম এলাফেলা গোজ্যন্ আর ইস্রায়েলর সেই পবিত্র মানুচ্চোর্ কধাগানরে টেঙোই ঠেল্যন্।

যিশাইয় 56:12

বেক্কুনে কন্, “যেই, আংগুর-রস আনিই; যেই, আমি পেট্ ভরে সং মদ হেই। এচ্চ্যেত্তুন্ কেল্যে আরঅ গম্ অবঅ।”

যিশাইয় 9:18

ঘেচ্চেক্‌গুরি পাজি কামানি আগুনো ধোক্ক্যেন্ জ্বলে, সিয়েনে কাদাঝুপ আর কাদাগাজ্ পুড়ি ফেলায়। সিয়েনে ঝারর্ বেক ঘন ঝুব্‌পুন জ্বালেই দে আর সেক্কে ধূমোগানে পাক্ হেই হেই উগুরে উদে।‌‌

যিরমিয় 51:39

তারা রাগ্ গুরিলে পরেদি মুই তারাত্তে এক্কো মেইট্‌বানর্ বেবস্থা গুরিম। মুই তারারে মাত্তল্ গুরিম যেন তারা হুজিয়ে নাজি উদোন্, সে পরেদি উমরত্তে ঘুমোন্, কনদিন্‌অ ন‌‌‌-জাগন।

যিরমিয় 51:57

যিবের্ নাঙান বেগত্তুন্ খেমতাবলা লগেপ্রভু সেই রাজাবো কোইয়্যেদে, “মুই তার রাজার চাগরুনোরে, জ্ঞানী মানুচ্, শাজন্‌গুরিয়্যে, দাঙর্ পোজিশনর কামগুরিয়্যেগুন আর যোদ্ধাগুনোরে মাত্তল্ গুরিম। তারা উমরত্যে ঘুম যেবাক্; তারা আর ন-জাগিবাক্।

মীখা 7:4

তারা ভিদিরে বেগত্তুন গম্ মানুচ্চুনে কাদাঝুবো ধোক্ক্যেন, বেগত্তুন্ গম্ মানুচ্চুনে কাদা গাজর্ বেড়াত্তুন্‌অ বেশ্ বজং। তমা চুগিদারুনোর্ ফগদাং গুরিবার দিন, তমার্ সাজার দিন্নো লুম্মেগি। ইক্কিনে তমার্ বুদ্ধিনেইয়্যে অবার্ সময়।

নহূম 3:11

ও নীনবীগান, তুইয়ো মাত্তল্ ওইনে ঢুলি পড়িবে; তুই শত্রুগুনোত্তুন্ লুগেবাত্তে আশ্রয় তোগেবে।

মালাখি 4:1

বেগত্তুন্ খেমতাবলা লগেপ্রভু কত্তে, চঅ, সেদিন্নো এজের্, সিবে চুলো আগুনো ধোক্ক্যেন জুলিবো। সেদিন্যে বেক্ বাড়্‌বো গোজ্যে মানুচ্চুন আর অন্যেয়গুরিয়্যেগুনে নাড়া ধোক্ক্যেন্ অবাক্ আর পুড়ি যেবাক্। এক্কান শিঙোর্ বা এক্কান ডেলায়ো বাগি ন-থেবাক্।‌‌‌‌‌‌

১ শমূয়েল 25:36

অবীগলে যেক্কে নাবল ইদু ফিরি গেলঅ সেক্কে রাজঘরত্‌ যেবাবোত্যে চলিদো সেবাবোত্যে এক্কো হানা তা ঘরত্‌ চলের্‌। নাবলে মদ হেইনে হুজি ওই উদিলো আর পরেন্দি অমকদ মাত্তল্‌ ওই পড়িলো। সেনত্যে অবীগলে বেন্যেমাদান্ ন-অনা সং তারে কিচ্ছু ন-কলঅ।