মার্ক 9:47 - Chakma Bible

⁴⁷ তঅ চোগ্‌‌কো যুনি তরে পাপ পধেদি টানে সালে সিবে নিগিলেইনে ফেলা। দ্বিবে চোগ্‌‌‍কোই নরগত্ পড়ানাত্তুন্ বরং কানা ওইনে গোজেন রেজ্যত্ সমানা তঅ পক্ষে গম্।

মার্ক 9:47 ပူးပေါင်းရင်းမြစ်များ

পত্থম 3:6

মিলেবো যেক্কে বুঝি পারিলো, গাজ্‌চো গুলোগুন্‌ খাদে সুয়োত্ অবাক্ আর সিগুন চাদেয়ো দোল্‌ আহ্ সিয়েনবাদে জ্ঞান পেবাত্যে আওজ্ গরেদে মনঅ আঘে, সেক্কে তে কয়েক্কো গুলো পাড়িনে হেলঅ। সে গুলোগুন তে তা নেক্কোরেয়ো দিলো আর তা নেক্কোয়ো সিগুন হেলঅ।

ইয়োব 31:1

কামনা চোগেদি কনঅ গাবুজ্যে মিলে ইন্দি ন চেম্ বিলিনে মঅ চোগ্‌কুনো লগে মুই এক্কো চুক্তি গোজ্যং।

গীতসংহিতা 119:37

বাজে জিনিসোত্তুন্ তুই মঅ চোগ্‌কুন ফিরেই দে; তঅ পধেন্দি চলিবাত্তে মরে নুয়োগুরি খেমতা দে।

মথি লেখ্যে গম্ হবর্ 18:9

তঅ চোগ্‌কুনে যুনি তঅ বিশ্বেজ্‌চানরে আরেই দে সালে সিগুন উগুরেনে ফেলেই দে। দ্বি'বে চোগ্‌কোই নরগ আগুনোত্ পড়ানাত্তুন্ বরং চোখ কান্ ওইনে জিংকানিত্ সমানা তঅ পক্ষে গম্।

মথি লেখ্যে গম্ হবর্ 5:22

মাত্তর্ মুই তমারে কঙর্, যে কনজনে তা ভেইয়ো উগুরে রাগ্ গরে তে বিচেরর্ দায়ত্ পড়িবো। যে কনজনে তা ভেইয়োরে কয়, তুই বেকুব্, তে দাঙর্ তেম্মাঙর্ বিচেরর্ দায়ত্ পড়িবো। আর যে তা ভেইবোরে কয়, তুই বিবেক্ নেইয়্যে, তে নরগ আগুনো দায়ত্ পড়িবো।

মার্ক 9:43

তঅ আঢ্‌‌‍তানে যুনি তরে পাপ পধেদি টানে সালে সিয়েন্ কাবি কাবিনে ফেলেই দে। দ্বিয়েন আঢ্‌তোই নরগত্ যানাত্তুন্ বরং লুলো ওইনে জিংকানিত্ সমানা তঅ পক্ষে গম্।

লূকে লেখ্যে গম্ হবর্ 14:26

যে মঅ ইধু এবঅ তে যেন নিজোর্ বাব্-মা, মোগ্ আর পুয়ো-ছা, ভেই-বোন, এমন্‌ কি, নিজোরেয়ো মত্তুন্ বেচ্‌ কম কোচ্‌‌পেইয়্যে বিলি মনে গরে। সিয়েন ন-অলে তে মঅ শিচ্চ্য ওই ন-পারে।

যোহন 3:3

যীশু নীকদীমরে কলঅ, “মুই তমারে ঘেচ্চেক্‌গুরি কঙর্, নুয়ো গুরিনে জর্ম ন-অলে কেঅ গোজেন রেজ্যগান চেই ন-পায়।”

যোহন 3:5

জোবত্ যীশু কলঅ, “মুই তরে ঘেচ্চেক্‌গুরি কঙর্, পানি আর পবিত্র আত্মাত্তুন্ জর্ম ন-অলে কনজনে গোজেন রেজ্যত্ সোমেই ন-পারে।

গালাতীয় 4:15

মাত্তর্ ইক্কিনে নিজোরে সেই বর্ পেইয়্যে মনে গুরিবার ভাব্‌পান তমার কুধু গেলঅ? মুই তমা পৌইদ্যেনে এ সাক্ষ্যগান দি পারং যে, সম্ভব অলে সেক্কে তুমি তমার চোগ্‌কুন তুলি লোইনে মরে দিদা।