মার্ক 9:32 - Chakma Bible

³² মাত্তর্ শিচ্চ্যগুনে যীশু কধাগানর মানেগান্ বুঝি ন-পারিলাক্ আর তারে পুযোর্ গুরিবাত্তেয়ো তারার্ দর্ লাগিলো।

মার্ক 9:32 ပူးပေါင်းရင်းမြစ်များ

মার্ক 16:14

ইয়েনর্ পরেদি যীশু তার্ এগারজন শিচ্চ্য ইধু দেগা দিলো। সেক্কে তারা হানা খাদন্। বিশ্বেজর্ অভাব আর মনানি দরমর বিলি তে তারারে গেইল্ দিলো, কিয়া তে মরণত্তুন্ জেদা ওই উদোনার্ পরেদি যিগুনে তারে দেখ্যন্ সিগুনোর্ কধানি তারা বিশ্বেজ্ ন-গরন্।

মার্ক 7:18

যীশু তারারে কলঅ, “তুমি কি অন্যগুনোত্তুন্ এদক্ অবুঝ্? তুমি কি ন-বুঝো যে, বারেত্তুন্ যিয়েনি মান্‌জ্য ভিদিরে চমে সিয়েনি তারে অসিজি গুরি ন-পারে?

মার্ক 8:33

মাত্তর্ যীশু ফিরিনে শিচ্চ্যগুনো ইন্দি রিনি চেলঅ আর পিতররে তেল্যে গুরিনে কলঅ, “মঅ কায় কুরেত্তুন্ দূর্ অ শদান্। গোজেনর যিয়েন্, সিয়েন্ তুই ন-ভাবর্, মাত্তর্ মান্‌‌জ্যর্ যিয়েন, সিয়েন-ই ভাবর্।”

মার্ক 9:10

শিচ্চ্যগুনে যীশুর উগুমান্ পালেলাক্, মাত্তর্ মরণত্তুন্ জেদা ওই উদোনার অত্তগান্ কি সিয়েন নিজো ভিদিরে কুয়ো কি গরা ধুরিলাক্।

লূকে লেখ্যে গম্ হবর্ 18:34

মাত্তর্ শিচ্চ্যগুনে ইয়েনি পৌইদ্যেনে কিচ্চু ন-বুঝিলাক্‌। সে কধাগানর্ অত্তগান্ তারা ইধু গুমোরত্ রাগা ওইয়্যে বিলি যীশু যে কি কোইয়্যে সিয়েন্ তারা ন-বুঝিলাক্।

লূকে লেখ্যে গম্ হবর্ 2:50

যীশু যিয়েনি কলঅ তা মা-বাবে সিয়েনি ন-বুঝিলাক্।

লূকে লেখ্যে গম্ হবর্ 24:45

পবিত্র বোইবো বুঝিবাত্যে তে শিচ্চ্যগুনোরে বুদ্ধি খুলি দিলো আর তারারে কলঅ, “লেগা আঘে, মশীহত্তুন্ দুঘ্ পাহ্ পুরিবো আর তিন দিনোর্ দিন্নোত্ মরণত্তুন্ জেদা ওই উদো পুরিবো।

লূকে লেখ্যে গম্ হবর্ 9:45

মাত্তর্ শিচ্চ্যগুনে সে কধাগান্ বুঝি ন-পারিলাক্। গোজেনে তারাত্তুন্ সিয়েনি গুমুরোত্ রাগেয়্যে যেন তারা বুঝি ন-পারন্। ইয়েন্দোই কনঅ কধা যীশুরে পুযোর্ গুরিবাত্তেয়ো শিচ্চ্যগুনে দোরেলাক্।

যোহন 12:16

যীশুর্ শিচ্চ্যগুনে পত্তমে ইয়েনি বুঝি ন-পারিলাক্। যেরেদি যীশুর্ মহিমাগান্ যেক্কে ফগদাং অলঅ সেক্কে তারার্ মনত্ পড়িলো পবিত্র বোইবোর্ সে কধাগান্ যীশু পৌইদ্যেনে লেগা ওইয়্যে। তারার্ আরঅ মনত্ পড়িলো মানুচ্চুনে যীশুত্যে ইয়েনি বেক্কানি গোজ্যন্।

যোহন 16:19

শিচ্চ্যগুনে যে এ পৌইদ্যেনে কিজু পুযোর্ গুরিবাত্তে চাদন্, সিয়েন্ বুঝি পারিনে যীশু তারারে কলঅ, মুই যে কোইয়োং, কয়েক্ দিন পরে তুমি আর মরে ন-দেগিবা, আরঅ কয়েক দিন পরে তুমি মরে দেগিবা, এ পৌইদ্যেনে কি তুমি নিজো ভিদিরে কুয়োকি গরর্?

যোহন 4:27

এমন্ সময় যীশুর শিচ্চ্যগুনে এইনে এক্কো মিলে সমারে যীশুরে কধা কধে দেগিনে আমক্ অলাক্। মাত্তর্ তো তারা কনজনে ন-কলাক্, “তুই কি চর্?” বা “কিত্তে তুই তা সমারে কধা কর্?”