মার্ক 9:31 - Chakma Bible

³¹ কিয়া সেক্কে তে তা শিচ্চ্যগুনোরে শিক্ষ্যে দের্। তে তারারে কোইয়্যেদে, “মান্‌‌‍জ্য পুয়োবোরে মানুচ্চুনো আঢত্ ধুরি দিয়্যে অবঅ। তারা তারে মারে ফেলেবাক্ আর তিন দিনোত্ তে জেঈ উদিবো।”

মার্ক 9:31 ပူးပေါင်းရင်းမြစ်များ

মথি লেখ্যে গম্ হবর্ 16:21

সে অক্তত্তুন্ ধুরি যীশু তা শিচ্চ্যগুনোরে গমেডালে কুয়ো ধুরিলো, মত্তুন্ হামাক্কায় যিরূশালেমত্ যাহ্ পড়িবো আর বুড়ো নেতাগুনো ইধু, আজল্ ধর্মগুরুগুনো ইধু আর ধর্ম-মাষ্টরুনোত্তুন্ বোউত্ দুঘ্ পাহ্ পড়িবো। মত্তুন্ মরা পড়িবো আর তিন দিনোত্ মরণত্তুন্ জেঈ উদো পড়িবো।

মথি লেখ্যে গম্ হবর্ 20:28

ইদোত্ রাগেয়ো, মান্‌জ্যপুয়োবো সেবা পেবাত্তে ন-এজে বরং সেবা গুরিবাত্তে এচ্চ্যে আর ভালোক্কুন্ মান্‌জ্যর্ উদ্ধোরর্ দাম্ ইজেবে তারা পরাণানির্ বদলে নিজো পরাণান্ দিবাত্তে এচ্চ্যে।”

মথি লেখ্যে গম্ হবর্ 26:2

“তুমি দঅ হবর্ পঅ আর দ্বিদিন্ পরেদি উদ্ধোর-পরব্, আর মান্‌জ্য পুয়োবোরে ক্রুশোত্ দিবাত্তে ধুরি দিয়্যে অবঅ।”

মথি লেখ্যে গম্ হবর্ 27:63

“বাবু, আমাত্তুন্ ইদোত্ উদের্, সেই ঠোগেয়্যেবো বাঁজি থাগদে কোইয়্যেদে, ‘মুই তিন্ দিন পরেদি জেদা ওই উদিম্।’

মার্ক 10:34

অযিহূদীগুনে তারে ঠাট্টা-মশ্‌‌‍কারি গুরিবাক্, তা কিয়্যেত্ সেফ্ ফেলেই দিবাক্, তারে অমকদ চাবুক্ মারিবাক্ আর মারে ফেলেবাক্। তিন দিনোত্ আরঅ তে জেঈ উদিবো।”

মার্ক 8:31

পরেদি যীশু তা শিচ্চ্যগুনোরে ইয়েন কোইনে শিক্ষ্যে দিয়্যে ধুরিলো, মান্‌জ্য পুয়োবোত্তুন্ বোউত্ দুঘ্ পাহ্ পুড়িবো। বুড়ো নেতাগুনে, বেগ দাঙর্ ধর্মগুরুগুনে আর ধর্ম মাষ্টরুনে তারে এলাফেলা গুরিবাক্। তারে মারে ফেলা অবঅ আর তিন দিন পরে তারে মরণত্তুন্ আরঅ জেঈ উদো পুড়িবো।

মার্ক 9:12

তা জোব্পান্ অলদে, “এ কধাগান্ ঘেচ্চেকগুরি এলিয় পত্তমে এইনে বেক্কানি আগঅ ধোক্ক্যেন ফিরেই আনিবো। মাত্তর্ মান্‌‌জ্যপুয়োবো পৌইদ্যেনে কিবাবোত্যে গুরি পবিত্র বোইয়োত্ লেগা আঘে যে, তাত্তুন্ অমকদ দুঘ্‌‌‌‌ পাহ্ পুড়িবো আর মান্‌‌জ্যে তারে এলাফেলা গুরিবাক্?

লূকে লেখ্যে গম্ হবর্ 24:26

এ দুঘ্ ভুগ্ গুরিনে কি মশীহর্ মহিমা লাভ গুরিবার্ কধা ন-এলঅ?”

লূকে লেখ্যে গম্ হবর্ 9:44

“মুই কি কোইয়োং এ কধাগান্ ভুলি ন-যেইয়ো, মান্‌জ্য পুয়োবোরে খেমতাবলা মানুচ্চুনো আঢত্ ধুরি দিয়্যে অবঅ।”

যোহন 10:18

কনজনে মঅ পরাণান্ মত্তুন্ লোই ন-যেবাক্, মাত্তর্ মুই নিজেই সিয়েন্ দিম। পরাণান্ দিবার্‌অ খেমতা মর্ আঘে। আরঅ পরাণান্ ফিরেই নেযেবার্ খেমতায়ো মর্ আঘে। এ কামান্ মুই মঅ বাবত্তুন্ পেইয়োং।”

যোহন 2:19

জোবত্ যীশু তারারে কলঅ, “গোজেন ঘরান্ তুমি ভাঙি ফেলঅ, তিন দিনো ভিদিরে আরঅ মুই সিয়েন তুলিম্।”

যোহন 3:14

মোশি যেবাবোত্যেগুরি ধূল্যেচর-চাগালাত্ সেই সাপ্পোরে অজলত্ তুল্ল্যে সেবাবোত্যেগুরি মান্‌জ্য পুয়োবোরেয়ো অজলত্ তুলো অবঅ,

২ তীমথিয় 2:12

আমি যুনি ধৈজ্জ্য ধুরিনে সোজ্জ্য গুরিই, সালে তা সমারে রাজাগিরিয়ো গুরিবোং। যুনি তারে আমি অস্বীগের্ গুরিই, সালে তে-য়ো আমারে অস্বীগের্ গুরিবো।