মার্ক 9:29 - Chakma Bible

²⁹ যীশু কলঅ, “তবনা ন-গোজ্যে গুরি আর কনঅ মতে এবাবোত্যে ভান্ন্যেই আত্মা ধাবেই দিয়্যে ন-যায়।”

মার্ক 9:29 ပူးပေါင်းရင်းမြစ်များ

দানিয়েল 9:3

সেনত্তে মুই উবোস্ থেইনে, বস্তা পাদা পিনিনে আর ছেই মিগিনেই কোজোলী আর আওজে প্রভু গোজেন ইধু তবনা গুরিলুং।

মথি লেখ্যে গম্ হবর্ 12:45

যেরেদি সেই ভুদ্‌তো যেইনে নিজোত্তুন্ বেশ্ বজং আরঅ সাত্তো ভুত সমারে আনে আর সিয়েনত্ সোমেইনে বজত্তি গরা ধরে। সেক্কে সে মানুচ্চোর্ পত্তম্ দজাত্তুন্ শেজ্ দজাগান্ আরঅ বজং ওই উদে। এ কালর্ পাজি মানুচ্চুনোর অবস্থায়ো সেবাবোত্যে অবঅ।”

মথি লেখ্যে গম্ হবর্ 17:20

যীশু তারারে কলঅ, তমার কম্ বিশ্বেজর কারনে ন-পারিলা। মুই তমারে ঘেচ্চেকগুরি কঙর্, যুনি এক্কো সোজ্য বীজি ধোক্ক্যেন্ বিশ্বেজ্অ তমার্ থেদঅ সালে তুমি এ মুড়োবোরে কধা, ইয়োত্তুন সুরিনে উবোত্ যাহ্, আর সেক্কে সিবে সুরি যেবঅ। তমার পক্ষে কিচ্চু আগাত্যে ন-অবঅ।

মথি লেখ্যে গম্ হবর্ 17:21

তবনা আর উবোস্ বাদে এবাবোত্যে ভুদোরে নিগিলে দি ন-পারে।

মার্ক 9:28

ইয়েনর্ পরেদি যীশু ঘর ভিদিরে গেলঅ। সেক্কে শিচ্চ্যগুনে ভিদিরে ভিদিরে তারে পুযোর্ গুরিলাক্, “আমি তারে কিত্তে ধাবেই ন-পারিলোং?”

মার্ক 9:30

পরেদি তারা সে জাগায়ান্ ছাড়িনে গালীল রেজ্যর্ ভিদিরেদি গেলাক্। তে চেইয়্যেদে যেন কেঅ হবর্ ন-পান্ যে, তে কুদু যার্,

লূকে লেখ্যে গম্ হবর্ 11:26

সেক্কে তে যেইনে নিজোত্তুন্অ বেশ্ বজং অন্য আরঅ সাত্তো ভান্ন্যেই আত্মা লগে গুরি আনে আর সিধু সোমেইনে বজত্তি গরা ধরে। সিয়েনর্ কারনে সেই মানুচ্চোর্ পত্তম্ দযাত্তুন্ শেজ্ দযাবো আরঅ বজং অয়।”

প্রেরিত্‌ 14:23

তারা পত্তি মন্ডলীত্ আজল্ নেতাগুনোরে কামত্ অদে অদে লাগেলাক্ আর যে প্রভু উগুরে তারা বিশ্বেজ্ গোজ্জ্যন্, তবনা গুরিনে আর উবোচ্‌ থেইনে সেই প্রভু আঢত্ মন্ডলী মানুচ্চুনোরে তুলি দিলাক্।

১ করিন্হীয় 9:27

মুই বরং কিয়্যেগানরে দুঘ্ দিইনে নিজো অধিনোত্ রাগেয়োং, যেন অন্যগুনো ইধু গম্ হবর্ প্রচার গরানার্ পরেদি মুই নিজে বক্‌শিজ্‌ পেবার অযোগ্য ওই ন-পরং।

২ করিন্হীয় 11:27

খ্রীষ্টর্ সেবা গুরিবাত্যে যেইনে মুই দুঘোত্অ জদবদে কাম গোজ্জ্যং। মুই ভালোক্ রেত্ জাগি রোইয়োং, পেট পরায় আর পানি তিরেজে দুঘ্ পেইয়োং, উবোস্ থেইয়োং, জারে আর কাবর-চুগরর্ অভাবে দুঘ্ পেইয়োং।

২ করিন্হীয় 12:8

প্রভুরে মুই তিন বার্ কোজোলি গোজ্জ্যং যেন তে মত্তুন্ সিবে দূর্ গরে।

২ করিন্হীয় 6:5

কদক্ আমারে পিদে ওইয়্যে, কদক্ জেলোত্ দিয়্যে ওইয়্যে, কদক্ দাংগা-হাংগামা আমা উগুরেদি যেয়্যে, কদক্ কাম গোজ্জ্যেই, কদক্ রেত্ আমি ঘুম্ ন-যেইনে কাদেয়্যেই আর কদক্‌‌বার্ ন-হেইনে থেইয়্যেই।

ইফিষীয় 6:18

পবিত্র আত্মালোই পরিচালিত ওইনে মনে-পরাণে নিত্য তবনা গরঅ। ইয়েনত্যে সজাগ্ থেইনে গোজেনর্ বেক্‌ মানুচ্চুনোত্যে আমিঝে তবনা গরানাত্ থাগঅ।

যাকোব 5:15

বিশ্বেজ্‌‌বলা তবনাগানে সেই অসুখ্যে মানুচ্চোরে গম গুরিবো; প্রভুই তারে গম গুরিবো। তে যুনি পাপ গুরি থায় সালে গোজেনে তারে ক্ষেমা গুরিবো।