মার্ক 9:25 - Chakma Bible

²⁵ ভালোক্কুন্ মানুচ্ দাবা এত্তন্ দেগিনে যীশু সেই ভান্ন্যেই আত্মাবোরে ধমক্ দিইনে কলঅ, “ও কাল্ আর ববা আত্মাবো, মুই তরে উগুম্ দুয়োঙর্, ইবে ভিদিরেত্তুন নিগিল্; আর কনদিন্অ ইবে ভিদিরে ন-সোমেচ্।”

মার্ক 9:25 ပူးပေါင်းရင်းမြစ်များ

সখরিয় 3:2

লগেপ্রভু শদান্নোরে কলঅ, “শদান, লগেপ্রভু তরে মানা গোরোক্। যিরূশালেমানরে যিবে বেঈ নেযেয়্যে তে তরে মানা গোরোক্। এই মানুচ্চো কি আগুনোত্তুন্ নিগিলেই আন্যে তক্তা নয়?”

মথি লেখ্যে গম্ হবর্ 12:22

পরেদি মানুচ্চুনে ভুদে পেইয়্যে এক্কো মান্‌জ্যরে যীশু ইধু আনিলাক্ যিবে চোগ্ কান্ আর ববা এলঅ কিয়া তারে অসিজি আত্মায় পেইয়্যে। যীশু তারে গম্ গুরিলো।

মথি লেখ্যে গম্ হবর্ 17:18

যীশু সেই ভুদ্‌‌তোরে ধমক্ দেনার পরেদি তে পুয়োবো ভিদিরেত্তুন্ নিগিলি গেলঅ, আর পুয়োবো সেক্কেনে গম্ অলঅ।

মার্ক 9:15

মানুচ্চুনে যীশুরে দেগিনে অমকদ আমক্ ওই গেলাক্ আর দাবা যেইনে তারে ভালেদি জানেলাক্।

মার্ক 9:24

সেক্কে পুয়োবোর্ বাব্‌‌পো রঅ ছাড়িনে কলঅ, “মুই বিশ্বেজ্ গরঙর্; মঅ ভিদিরে এজঅ যে অবিশ্বেজ্ আঘে সিয়েন দূর্ গুরি দে।”

মার্ক 9:26

সেক্কে সেই ভান্ন্যেই আত্মাবো রঅ ছাড়িনে পুয়োবোরে জুরে মুজুরি ধুরিলো আর তা ভিদিরেত্তুন্ নিগিলি গেলঅ। সেক্কে পুয়োবো মরা ধোক্ক্যেন্ পুড়ি রলঅ দেগিনে ভালোক্কুনে কলাক্, “তে মুরি যেইয়্যে।”

লূকে লেখ্যে গম্ হবর্ 11:14

যীশু এক্কো ববা অসিজি আত্মারে ধাবেই দিলো। অসিজি আত্মাবো ধাবেই দেনার্ পরেদি ববা মানুচ্চো কধা কুয়ো ধুরিলো। সেক্কে মানুচ্চুনে আমক্ অলাক্,

লূকে লেখ্যে গম্ হবর্ 4:35

যীশু সেই ভান্ন্যেই আত্মাবোরে ধমক্ দিইনে কলঅ, “জুরো অ, তা ভিদিরেত্তুন্ নিগিলি যাহ্।” সেই ভান্ন্যেই আত্মাবো সেক্কে মানুচ্চোরে বেক্কুনো সংমোধ্যে সলা মারি থলঅ আর তারে কনঅ ক্ষতি ন-গুরিনে তা ভিদিরেত্তুন্ নিগিলি গেলঅ।

লূকে লেখ্যে গম্ হবর্ 4:41

বোউত্ মান্‌জ্য ভিদিরেত্তুন্ ভান্ন্যেই আত্মাগানিয়ো নিগিলি গেলঅ। সেই ভান্ন্যেই আত্মাগানিয়ে রঅ ছাড়িনে কলঅ, “তুই গোজেনর পুয়ো।” তে যে মশীহ সিয়েন তারা হবর্ পেদাক্। ইয়েনত্তে তে ধমক্ দিইনে তারার্ মুয়োনি নাঢি দিলো।

লূকে লেখ্যে গম্ হবর্ 8:29

মানুচ্চো এ কধাগান্ কলঅ কিয়া যীশু সেই ভান্ন্যেই আত্মাবোরে তা ভিদিরেত্তুন্ নিগিলি যেবাত্তে উগুম্ দিয়্যে। সেই ভান্ন্যেই আত্মাবো বার্ বার্ গুরি মানুচ্চোরে আজাবোদে ধুরিদো। যুনিয়ো সেক্কে তা আঢ্-টেঙানি শিগোল্লোই বান্ন্যে এলঅ আর তারে চুগি দিয়্যে অদঅ তুয়ো তে সেই শিগোলান্ ছিনি ফেলেদ, আর সেই ভান্ন্যেই আত্মাগানে তারে নিরিবিলি জাগাত্ লোড়েই নেযেদ।

লূকে লেখ্যে গম্ হবর্ 9:42

পুয়োবো যেক্কে এজের্ সেক্কে সেই ভান্ন্যেই আত্মাবো তারে আছাড়্ মারিনে মুযুরি ধুরিলো। সেক্কে যীশু সেই ভান্ন্যেই আত্মাবোরে ধমক্ দিলো আর পুয়োবোরে গম্ গুরিনে তা বাব ইধু ফিরেই দিলো।

প্রেরিত্‌ 16:18

তে ভালোক্ দিন সং এবাবোত্যে গুরিলো। যেরেদি পৌলে এদ্ক্ তোচ্চ্যে পেলঅ যে, তে পিজেদি ফিরিনে সেই ভান্ন্যেই আত্মাবোরে কলঅ, “যীশু খ্রীষ্টর্ নাঙে মুই তরে উগুম দুয়োঙর্, এ মিলেবো ভিদিরেত্তুন্ নিগিলি যাহ্।” আর সেক্কে সেই আত্মাবো নিগিলি গেলঅ।

যিহূদা 1:9

আজল্ স্বর্গদূত্ মীখায়েলে যেক্কে মোশির কিয়্যেগান্দোই শদান সমারে তর্ক গরের্ সেক্কে তে তার্ বিরুদ্ধে কনঅ অগমানর্ কধা কোইনে তারে দুষি গুরিবাত্যে সাহচ্‌ ন-গরে। তে বরং কোইয়্যেদে, “প্রভু যেন তরে মানা গরে।”