মার্ক 9:20 - Chakma Bible

²⁰ মানুচ্চুনে সেক্কে পুয়োবোরে যীশু ইধু আনিলাক্। যীশুরে দেগিনে সেই ভান্ন্যেই আত্মাবো পুয়োবোরে অমকদ জুরে চিবি ধুরিলো। পুয়োবো মুয়োত্তুন্ ফেনা নিগিলোদে নিগিলোদে মাদিত্ গোজ্যে ধুরিলো।

মার্ক 9:20 ပူးပေါင်းရင်းမြစ်များ

মার্ক 1:26

সেই ভুদ্‌‌‌তো সেক্কে মানুচ্চোরে মুজুরি ধুরিলো আর কিজেক্ ছাড়িনে তা ভিদিরেত্তুন্ নিগিলি গেলঅ।

মার্ক 9:18

যেক্কেনে আত্মাবো তারে আক্রমন গরে সেক্কে আযার্ মারিনে মাদিত্ ফেলায়। তা মুয়োত্তুন্ ফেনা নিগিলে আর তে দাত্ কামারায় আহ্ দরঅ ওই যায়। মুই তঅ শিচ্চ্যগুনোরে সেই আত্মাবোরে ধাবেই দিবাত্তে কলুং, মাত্তর্ তারা ন-পারিলাক্।”

মার্ক 9:19

সেক্কে যীশু কলঅ, “অবিশ্বেজি মানুচ্চুন! আর কয়দিন মুই তমা সমারে থেইম্? কয়দিন তমারে সোজ্য গুরিম্? পুয়োবোরে মইধু আন।”

মার্ক 9:21

যীশু তা বাব্‌‌পোরে পুযোর্ গুরিলো, “কয়দিন অলঅ তার্ এবাবোত্যে ওইয়্যে?” মানুচ্চো কলঅ, “চিগোনত্তুন্ ধুরি।

মার্ক 9:26

সেক্কে সেই ভান্ন্যেই আত্মাবো রঅ ছাড়িনে পুয়োবোরে জুরে মুজুরি ধুরিলো আর তা ভিদিরেত্তুন্ নিগিলি গেলঅ। সেক্কে পুয়োবো মরা ধোক্ক্যেন্ পুড়ি রলঅ দেগিনে ভালোক্কুনে কলাক্, “তে মুরি যেইয়্যে।”

লূকে লেখ্যে গম্ হবর্ 4:35

যীশু সেই ভান্ন্যেই আত্মাবোরে ধমক্ দিইনে কলঅ, “জুরো অ, তা ভিদিরেত্তুন্ নিগিলি যাহ্।” সেই ভান্ন্যেই আত্মাবো সেক্কে মানুচ্চোরে বেক্কুনো সংমোধ্যে সলা মারি থলঅ আর তারে কনঅ ক্ষতি ন-গুরিনে তা ভিদিরেত্তুন্ নিগিলি গেলঅ।

লূকে লেখ্যে গম্ হবর্ 8:29

মানুচ্চো এ কধাগান্ কলঅ কিয়া যীশু সেই ভান্ন্যেই আত্মাবোরে তা ভিদিরেত্তুন্ নিগিলি যেবাত্তে উগুম্ দিয়্যে। সেই ভান্ন্যেই আত্মাবো বার্ বার্ গুরি মানুচ্চোরে আজাবোদে ধুরিদো। যুনিয়ো সেক্কে তা আঢ্-টেঙানি শিগোল্লোই বান্ন্যে এলঅ আর তারে চুগি দিয়্যে অদঅ তুয়ো তে সেই শিগোলান্ ছিনি ফেলেদ, আর সেই ভান্ন্যেই আত্মাগানে তারে নিরিবিলি জাগাত্ লোড়েই নেযেদ।

লূকে লেখ্যে গম্ হবর্ 9:39

তারে এক্কো ভান্ন্যেই আত্মায় ধোজ্যে আর তে আদিক্ক্যেগুরি রঅ ছাড়ি উদে। সেই আত্মাবো তারে যেক্কে মুযুরি ধরে সেক্কে তা মুয়োত্তুন্ ফেনা নিগিলে; সে পরেদি তে তারে অমকদ দুঘ্ দিইনে ঘা ঘা গুরিনে ইরি দে।

লূকে লেখ্যে গম্ হবর্ 9:42

পুয়োবো যেক্কে এজের্ সেক্কে সেই ভান্ন্যেই আত্মাবো তারে আছাড়্ মারিনে মুযুরি ধুরিলো। সেক্কে যীশু সেই ভান্ন্যেই আত্মাবোরে ধমক্ দিলো আর পুয়োবোরে গম্ গুরিনে তা বাব ইধু ফিরেই দিলো।

যোহন 8:44

শদানে তমা বাপ্ আর তুমি তার্ পুয়ো-ছা; সেনত্তে তুমি তা আওজ্‌চান্ পুরেবাত্তে চঅ। শদানে পৌইল্যাত্তুন্ ধুরি খুনী। তে কনদিন্অ সত্যত্ বজত্তি ন-গরে, কিয়া তা ভিদিরে সত্য নেই। তে যেক্কে মিজে কধা কয় সেক্কে তে সিয়েন্ নিজোত্তুন্ কয়, কিয়া তে মিজে কধা মাদিয়্যে আর বেক্‌ মিজে কধার্ জর্ম তা ভিদিরেত্তুন্ ওইয়্যে।

১ পিতর 5:8

নিজোরে দোঙেই রাগঅ আর সজাক্ থাগঅ, কিয়া তমার শত্রু শদানে গুজুরি উঠ্যে সিংহ ধোক্ক্যেন গুরি কারে হেই ফেলেব তারে তোগেইনে বেড়ার্।