মার্ক 9:19 - Chakma Bible

¹⁹ সেক্কে যীশু কলঅ, “অবিশ্বেজি মানুচ্চুন! আর কয়দিন মুই তমা সমারে থেইম্? কয়দিন তমারে সোজ্য গুরিম্? পুয়োবোরে মইধু আন।”

মার্ক 9:19 ပူးပေါင်းရင်းမြစ်များ

গীতসংহিতা 78:22

কিত্তেই গোজেন উগুরে তারা বিশ্বেজ্ ন-গরন; তে যে তারারে উদ্ধোর্ গুরিবো সে কধানি তারা নির্ভর ন-গরন্।

গণাণা 14:11

লগেপ্রভু মোশিরে কলঅ, “আর কয়দিন এই মানুচ্চুনে মরে ইংসে-নিন্দে গুরিবাক? তারা ভিদিরে মুই যেদক্কানি আমক্‌ অবার্‌ চিহ্নো দেগেয়োং তার্‌ পরেদিয়ো আর কয়দিন তারা মরে অবিশ্বেজ্ গুরিবাক?

গণাণা 14:22

এই মানুচ্চুনোত্তুন্‌ একজনেয়ো সেই দেজ্‌চান্‌ চেই ন-পেবাক, যে দেজ্‌চান্‌ দিম্‌ বিলি মু্‌ই তারার্‌ পুরোণি মানুচ্চুনো ইদু শমক্‌ গোজ্যং। ইয়েনর্‌ কারণান্‌ অলঅ, এই মানুচ্চুনে মর্‌ মহিমাগান্ আর মিসরর্‌ ধূল্যেচর-চাগালাত্‌ দেগেয়্যে মর্‌ আমক্‌ অবার চিহ্নগানি দেগিনেয়ো মরে অগ্রাজ্য গোজ্যন আর দশ দশবার মরে যগা চেইয়োন। যিগুনে মরে ইংসে-নিন্দে গোজ্যন্ তারা কনজনে সেই দেজ্‌চান্‌ ন-দেগিবাক।

গণাণা 14:27

“আর কয়দিন এই পাজি জাদ্‌তুনে মর্‌ বিরুদ্ধে বক্‌বক গুরিবাক? তারার্‌ বক্‌বক্‌ গরানা মুই শুন্যং।”

মথি লেখ্যে গম্ হবর্ 17:17

জোবত্ যীশু কলঅ, “অবিশ্বেজি আর পাজি মানুচ্চুন! আর কয়দিন মুই তমা লগে লগে থেম্? কয়দিন তমারে সোজ্য গুরিম? পুয়োবোরে ইয়েনত্ মইধু আনঅ।”

মার্ক 16:14

ইয়েনর্ পরেদি যীশু তার্ এগারজন শিচ্চ্য ইধু দেগা দিলো। সেক্কে তারা হানা খাদন্। বিশ্বেজর্ অভাব আর মনানি দরমর বিলি তে তারারে গেইল্ দিলো, কিয়া তে মরণত্তুন্ জেদা ওই উদোনার্ পরেদি যিগুনে তারে দেখ্যন্ সিগুনোর্ কধানি তারা বিশ্বেজ্ ন-গরন্।

মার্ক 9:18

যেক্কেনে আত্মাবো তারে আক্রমন গরে সেক্কে আযার্ মারিনে মাদিত্ ফেলায়। তা মুয়োত্তুন্ ফেনা নিগিলে আর তে দাত্ কামারায় আহ্ দরঅ ওই যায়। মুই তঅ শিচ্চ্যগুনোরে সেই আত্মাবোরে ধাবেই দিবাত্তে কলুং, মাত্তর্ তারা ন-পারিলাক্।”

মার্ক 9:20

মানুচ্চুনে সেক্কে পুয়োবোরে যীশু ইধু আনিলাক্। যীশুরে দেগিনে সেই ভান্ন্যেই আত্মাবো পুয়োবোরে অমকদ জুরে চিবি ধুরিলো। পুয়োবো মুয়োত্তুন্ ফেনা নিগিলোদে নিগিলোদে মাদিত্ গোজ্যে ধুরিলো।

লূকে লেখ্যে গম্ হবর্ 24:25

সেক্কে যীশু তারারে কলঅ, “তুমি কিচ্চু ন-বুঝো। তমা মনানি এমন্ বাজে যে, ভাববাদীগুনে যিয়েন কোইয়োন সিয়েন তুমি বিশ্বেজ্ ন-গরঅ।

লূকে লেখ্যে গম্ হবর্ 9:41

সেক্কে যীশু কলঅ, “অবিশ্বেজি আর পাজি মানুচ্চুন্! আর কয়দিন মুই তমা লগে থেইম্ আর তমারে সোজ্য গুরিম্? তঅ পুয়োবোরে ইধু আন্।”

যোহন 12:27

“মঅ মনান্ ইক্কিনে ওলোজোলো ওইয়্যে। মুই কি এ কধাগান্ কোম্, ‘বাবা, যে সময়বো এচ্চ্যে সে সময়বোত্তুন্ মরে রোক্ষ্যে গর্’? মাত্তর্ ইয়েনত্যে দঅ মুই এ সময়ান সং এচ্চ্যং।

যোহন 20:27

পরেদি তে থোমারে কলঅ “তঅ আঙুলুন্ ইয়োত্ দিইনে মঅ দ্বিয়েন্ আঢ্ চাহ্ আর তঅ আঢ্‌তানি বাবেইনে মঅ বুগোত্ রাগা। অবিশ্বেজ্ ন-গুরিচ্ বরং বিশ্বেজ্ গর্।”

দ্বি’লম্বর বিররণ 32:20

তে কলঅ, মুই তারাত্তুন্ মুয়োন ফিরেই নেযেম, যেরেন্দি তারার দজা কি অয় দেগিবোং; কিত্যে ইগুন উগুদো পদেন্দি যেইয়্যে জাদ্, অবিশ্বেজী পুঅ।