মার্ক 9:17 - Chakma Bible

¹⁷ ঝাগ ভিদিরেত্তুন্ এক্কো মানুচ্ জোব্ দিলো, “মাষ্টরবাবু, মঅ পুয়োবোরে তইধু আন্যং। কিয়া তারে ভান্ন্যেই আত্মায় পেইয়্যে আর তে কধা কোই ন-পারে।

মার্ক 9:17 ပူးပေါင်းရင်းမြစ်များ

মথি লেখ্যে গম্ হবর্ 12:22

পরেদি মানুচ্চুনে ভুদে পেইয়্যে এক্কো মান্‌জ্যরে যীশু ইধু আনিলাক্ যিবে চোগ্ কান্ আর ববা এলঅ কিয়া তারে অসিজি আত্মায় পেইয়্যে। যীশু তারে গম্ গুরিলো।

মথি লেখ্যে গম্ হবর্ 17:15

“প্রভু, মঅ পুয়োবো উগুরে দোয়্যে গর্! তে কেরেঙা রুগে অমকদ দুঘ্ পার্। প্রায়ই তে আগুনোত্ আর পানিত্ পড়ি যায়।

মথি লেখ্যে গম্ হবর্ 9:32

সে দ্বিজন্ মানুচ্ যেক্কে যাদন্ সেক্কে মানুচ্চুনে ভুদে পেইয়্যে এক্কো ববা মান্‌জ্যরে যীশু ইধু আনিলাক্।

মার্ক 10:13

পরেদি মানুচ্চুনে চিগোন্ গুরোগুনোরে যীশু ইধু আনিলাক্ যেন তে তারা উগুরে আঢ্‌‌‍তানি বাজায়্। মাত্তর্ শিচ্চ্যগুনে সে মানুচ্চুনোরে গেইল্ দিয়্যে ধুরিলাক্।

মার্ক 5:23

তে যীশুরে কোজোলী গুরি কলঅ, “মঅ ঝিবো মুরি যেবার্ অক্ত ওইয়্যে। তুই এইনে তা উগুরে তঅ আঢ্‌তান রাগা; সেক্কে তে গম্ ওই উদিবো।”

মার্ক 7:26

মিলেবো এলদে অযিহূদী আর সুর-ফৈনীকীত জোর্মেয়্যে। তে যীশু ইধু কোজোলী গরা ধুরিলো যেন তে তা ঝিবোত্তুন্ ভান্ন্যেই আত্মাগান্ দূর্ গুরি দে।

মার্ক 9:16

যীশু ধর্ম-মাষ্টরুনোরে পুযোর্ গুরিলো, “তুমি তারা লগে কি পৌইদ্যেনে সৌল্ গরর্?”

মার্ক 9:18

যেক্কেনে আত্মাবো তারে আক্রমন গরে সেক্কে আযার্ মারিনে মাদিত্ ফেলায়। তা মুয়োত্তুন্ ফেনা নিগিলে আর তে দাত্ কামারায় আহ্ দরঅ ওই যায়। মুই তঅ শিচ্চ্যগুনোরে সেই আত্মাবোরে ধাবেই দিবাত্তে কলুং, মাত্তর্ তারা ন-পারিলাক্।”

মার্ক 9:25

ভালোক্কুন্ মানুচ্ দাবা এত্তন্ দেগিনে যীশু সেই ভান্ন্যেই আত্মাবোরে ধমক্ দিইনে কলঅ, “ও কাল্ আর ববা আত্মাবো, মুই তরে উগুম্ দুয়োঙর্, ইবে ভিদিরেত্তুন নিগিল্; আর কনদিন্অ ইবে ভিদিরে ন-সোমেচ্।”

লূকে লেখ্যে গম্ হবর্ 11:14

যীশু এক্কো ববা অসিজি আত্মারে ধাবেই দিলো। অসিজি আত্মাবো ধাবেই দেনার্ পরেদি ববা মানুচ্চো কধা কুয়ো ধুরিলো। সেক্কে মানুচ্চুনে আমক্ অলাক্,

লূকে লেখ্যে গম্ হবর্ 9:38

সেক্কে ঝাগ ভিদিরেত্তুন্ এক্কো মানুচ্ রঅ ছাড়িনে যীশুরে কলঅ, “মাষ্টরবাবু, দোয়্যে গুরিনে মঅ পুয়োবোরে চাহ্। তে মর্ বানা এক্কোগুরি পুয়ো।

যোহন 4:47

যীশু যিহূদিয়াত্তুন্ গালীলোত্ এচ্চ্যে শুনিনে সেই রাজার্ চাগর্‌‌বো তা ইধু গেলঅ আর কোজোলী গুরিলো যেনে তে কফরনাহূমোত্ যেইনে তা পুয়োবোরে গম্ গরে। তা পুয়োবো সেক্কে মরং মরং ওইয়্যে।