মার্ক 9:13 - Chakma Bible

¹³ মুই তমারে কঙর্, এলিয় পৌইদ্যেনে পবিত্র বোইয়োত্ যিয়েন লেগা আঘে সেবাবোত্যেগুরি তে লুম্মেগি, আর মানুচ্চুনে তা উগুরে যিয়েন আওজ্ সিয়েনই বেবহার গোজ্যন্।”

মার্ক 9:13 ပူးပေါင်းရင်းမြစ်များ

মথি লেখ্যে গম্ হবর্ 11:14

যুনি তুমি এ কধাগান বিশ্বেজ্ গত্তে রাজী থাগঅ সালে শুনো-যিবের্ এবার্ কধা এলঅ এ যোহনে সেই এলিয়।

মার্ক 9:12

তা জোব্পান্ অলদে, “এ কধাগান্ ঘেচ্চেকগুরি এলিয় পত্তমে এইনে বেক্কানি আগঅ ধোক্ক্যেন ফিরেই আনিবো। মাত্তর্ মান্‌‌জ্যপুয়োবো পৌইদ্যেনে কিবাবোত্যে গুরি পবিত্র বোইয়োত্ লেগা আঘে যে, তাত্তুন্ অমকদ দুঘ্‌‌‌‌ পাহ্ পুড়িবো আর মান্‌‌জ্যে তারে এলাফেলা গুরিবাক্?

মার্ক 9:14

যীশু আর সেই তিনজন শিচ্চ্য অন্য শিচ্চ্যগুনো ইধু ফিরি এইনে দেগিলাক্, তারা চেরোকিত্তে বোউত্ মানুচ্ তুবেয়োন আর কয়েক্কো ধর্ম-মাষ্টর তারা সমারে কধা তর্কাতর্কি বাজেয়োন্।

লূকে লেখ্যে গম্ হবর্ 1:17

ভাববাদী এলিয় ধোক্ক্যেন্ মনভাব্ আর খেমতালোই তে প্রভুর আগেদি এবঅ। তে বাবঅ মনান্ পুয়োবো ইন্দি ফিরেব আর অবাধ্য মানুচ্চুনোর্ মনভাব্ বুদুলিনে গোজেন ভক্ত মানুচ্চুনোর মনভাব ধোক্ক্যেন্ গুরিবো। এবাবোত্যেগুরি তে প্রভুত্তে এক দল মান্‌জ্যরে পুরোপুরি গুরিনে যুক্কোল্ গুরিবো।”

প্রেরিত্‌ 7:52

এমন্‌ কনঅ ভাববাদী আঘে কি, যিবেরে তমা পূরোণি মানুচ্চুনে অত্যেচার্ ন-গরন্? এমন্‌ কি, যিগুনে সেই গম্ মান্‌‌জ্যর্, অত্তাৎ খ্রীষ্ট এবার্ কধাগান আগে কোইয়োন তারারেয়ো তারা মারে ফেল্ল্যন্। আর ইক্কিনে তুমি যীশুরে শত্রুগুনো আঢত্ ধুরি দিইনে তারে খুন্ গোরেইয়ো।