মার্ক 9:12 - Chakma Bible

¹² তা জোব্পান্ অলদে, “এ কধাগান্ ঘেচ্চেকগুরি এলিয় পত্তমে এইনে বেক্কানি আগঅ ধোক্ক্যেন ফিরেই আনিবো। মাত্তর্ মান্‌‌জ্যপুয়োবো পৌইদ্যেনে কিবাবোত্যে গুরি পবিত্র বোইয়োত্ লেগা আঘে যে, তাত্তুন্ অমকদ দুঘ্‌‌‌‌ পাহ্ পুড়িবো আর মান্‌‌জ্যে তারে এলাফেলা গুরিবাক্?

মার্ক 9:12 ပူးပေါင်းရင်းမြစ်များ

গীতসংহিতা 74:22

ও গোজেন, বিচের গুরিবাত্যে তুই উঠ্ তঅ মগদ্দমাগান্ আরাম্ভ গর; বাজে-মানুচ্চুন ভুলি ন-যেইয়ো পুরো দিন্নো তরে নিইনে ঠাট্টা-তামাজা গরন্।

যিশাইয় 49:7

মান্‌জ্যে যি্বেরে ঈচ্ গত্তন আর ঘিনাইদে চোগেদি দেগদন্, যিবে শাজন্‌গুরিয়্যেগুনোর চাগর্, তারে ইস্রায়েলর সেই সুদ্ধো-সাংগ মানুচ্চো আর উদ্ধোর গুরিয়্যে লগেপ্রভু এ কধাগান কোইয়্যেদে, “রাজাগুনে তরে দেগিনে থিয়্যেবাক্, আর রাজ পুরুষ্‌চুনে তরে জু জু জানেবাক্, কিত্তে লগেপ্রভু তরে বেঈ লোইয়্যে; ইস্রায়েলর সেই সুদ্ধো-সাংগ মানুচ্চো বিশ্বেজি‌‍।”

যিশাইয় 50:6

যিগুনে মরে মাজ্যন্ মুই তারা ইদু মঅ পিঠ্‌তান পাদি দুয়োং আর যিগুনে মঅ দাড়িগানি উগুরেয়োন তারা ইদু মঅ গালান্ পাদি দুয়োং। যেক্কে মরে অগমান গরন্ আর মঅ উগুরে সেফ্ ফেলা ওইয়্যে সেক্কে মুই মঅ মুয়োন নাঢি ন-রাগাং।‌

যিশাইয় 52:14

তা চেঙারাগান আর কিয়্যেগান এদক্ বিশ্রী গুরি দিয়্যে অবঅ, সিয়েন আর কনঅ মান্‌জ্য ধোক্ক্যেন ন-থেবঅ; সেনত্তে ভালোকজনে তারে দেগিলে আমক্ অবাক্।

সখরিয় 11:13

সেক্কে লগেপ্রভু মরে কলঅ, “আহ্, কি সেই দামান্ যিয়েন তারা মর্ মূল্য ইজেবে ঠিগ্ গোজ্যন! সিগুন কুমোর ইধু ফেলেই দুয়ো।” সে পরেদি মুই সেই ত্রিশছো রূবোর্ কট্টা নিইনে লগেপ্রভুর ঘরত্ কুমোর ইধু ফেলেই দিলুং।

সখরিয় 13:7

বেগত্তুন্ খেমতাবলা লগেপ্রভু কত্তে, “ও লাম্বা ছুরিগান্, তুই মঅ গরগ্‌‌‌‌‌কোর্ বিরুদ্ধে, মঅ সমারে মানুচ্চুনোর্ বিরুদ্ধে, জাগি উদ্। গরগ্‌‌‌‌‌‌কোরে আঘাত্ গর্, সেক্কে ভেড়াগুন ছিদি পড়িবাক্; মুই ভেড়া ছঅগুনো বিরুদ্ধেয়ো মঅ আঢ্‌‌‌‌‌‌তানি তুলিম।

মালাখি 4:6

তে বাব্‌‌পুনোর মনানি তারার্ ঝি-পুয়োগুনো ইন্দি আর ঝি-পুয়োগুনোর মনানি তারার্ বাব্‌‌পুনো ইন্দি ফিরেব, যেন মুই এইনে অভিশাব্ দিইনে দেজ্‌‌চানরে ভস্ত ন-গরং।”

মথি লেখ্যে গম্ হবর্ 16:21

সে অক্তত্তুন্ ধুরি যীশু তা শিচ্চ্যগুনোরে গমেডালে কুয়ো ধুরিলো, মত্তুন্ হামাক্কায় যিরূশালেমত্ যাহ্ পড়িবো আর বুড়ো নেতাগুনো ইধু, আজল্ ধর্মগুরুগুনো ইধু আর ধর্ম-মাষ্টরুনোত্তুন্ বোউত্ দুঘ্ পাহ্ পড়িবো। মত্তুন্ মরা পড়িবো আর তিন দিনোত্ মরণত্তুন্ জেঈ উদো পড়িবো।

মথি লেখ্যে গম্ হবর্ 26:24

মান্‌জ্য পুয়োবো পৌইদ্যেনে পবিত্র বোইয়োত্ যেবাবোত্যেগুরি লেগা আঘে ঠিগ্ সেবাবোত্যেগুরি তে মুরি যেবঅ ঠিগ্, মাত্তর্ কি দর্‌‍গরেপারা সেই মানুচ্চো, যে মান্‌জ্য পুয়োবো লগে বেঈমানী গরে! তে মান্‌জ্যর্ জর্ম ন-অলে বরং তাত্যেই গম্ অদঅ।”

মার্ক 10:33

“শুনো, তে তারারে কলঅ, আমি যিরূশালেমত্ যের্। সিধু মান্‌‌‍জ্য পুয়োবোরে আজল্ ধর্মগুরুগুনো ইধু আর ধর্ম-মাষ্টরুনো আঢত্ ধুরি দিয়্যে অবঅ। তারা তা বিচের্ গুরিনে তারে মরণর্ যগাজ্যে বিলি থির্ গুরিবাক্ আর অযিহূদীগুনো আঢত্ দিবাক্।

মার্ক 9:13

মুই তমারে কঙর্, এলিয় পৌইদ্যেনে পবিত্র বোইয়োত্ যিয়েন লেগা আঘে সেবাবোত্যেগুরি তে লুম্মেগি, আর মানুচ্চুনে তা উগুরে যিয়েন আওজ্ সিয়েনই বেবহার গোজ্যন্।”

মার্ক 9:31

কিয়া সেক্কে তে তা শিচ্চ্যগুনোরে শিক্ষ্যে দের্। তে তারারে কোইয়্যেদে, “মান্‌‌‍জ্য পুয়োবোরে মানুচ্চুনো আঢত্ ধুরি দিয়্যে অবঅ। তারা তারে মারে ফেলেবাক্ আর তিন দিনোত্ তে জেঈ উদিবো।”

লূকে লেখ্যে গম্ হবর্ 1:76

পুয়োবো মর্, তরে দাঙর্ গোজেনর্ ভাববাদী কুয়ো অবঅ, কিয়া তুই তা পথ্‌তান্ ঠিগ্ গুরিবাত্তে তা আগে আগে আঢিবে।

লূকে লেখ্যে গম্ হবর্ 23:11

সেক্কে হেরোদ যীশুরে অগমান্ আর ঠাট্টা গুরিলো, আর তা সৈন্যগুনেয়ো সেবাবোত্যে গুরিলাক্। সে পরেদি যীশুরে রাজগীয় এক্কান পজাক্ উরেইনে তে তারে পীলাত ইধু পাধেই দিলো।

লূকে লেখ্যে গম্ হবর্ 23:39

যে দ্বিজন দুষি মান্‌জ্যরে ক্রুশোত্ টাঙা ওইয়্যে তারাত্তুন্ এক্কো যীশুরে অগমান্ গুরিনে কলঅ, “তুই নাকি মশীহ? তুই নিজোরে রোক্ষ্যে গর্ আর আমারেয়ো রোক্ষ্যে গর্।”

প্রেরিত্‌ 1:6

যেরেদি শিচ্চ্যগুনে এগত্তর্ ওইনে যীশুরে পুযোর্ গুরিলাক্, “প্রভু, এ সময়োত্ কি তুই ইস্রায়েলীয়গুনো আঢত্ রেজ্যগান ফিরেই দিবে?”

প্রেরিত্‌ 4:11

পবিত্র বোইয়োর্ কধা মজিম্ যীশু খ্রীষ্ট ‘সেই পাত্তর্‌বো, যিবেরে রাজ্ মিস্ত্রিগুনে, অত্তাৎ তুমি বাদ্ দুয়ো; আর সিবেয়ই বেক্কুনোত্তুন্ দরকারী পাত্তর্ ওই উদিলো।’