মার্ক 8:23 - Chakma Bible

²³ যীশু সেই কান্ মানুচ্চোরে আঢত্ ধুরিনে আদামর বারেদি নেযেল। সে পরেদি মানুচ্চোর্ চোগোত্ চেফ্ দিলো আর তা কিয়্যেত্ আঢ্ দিইনে পুযোর্ গুরিলো, “তুই কি কিজু দেগর্?”

মার্ক 8:23 ပူးပေါင်းရင်းမြစ်များ

যিশাইয় 44:2

লগেপ্রভু, যিবে তরে বানেয়্যে, মা পেদত্ দাঙর্ গোজ্যে আর তরে সাহায্য গুরিবো, তে এ কধাগান কোইয়্যে, ‘ও মর্ চাগর্ যাকোব, মর্ বেঈ লোইয়্যে যিশুরূণ, তুই ন-দোরেস্;

যিশাইয় 51:18

তুই যে পুয়োগুনোরে জর্ম দুয়োচ্ তারা ভিদিরেত্তুন্ পথ দেগেবাত্তে কনজন নেই; যিদুক্কুন পুয়োরে তুই পালেয়োচ্ তারা ভিদিরেত্তুন্ তঅ আঢ্‌‍‌‌তান ধরেদে ধোক্ক্যেন কনজন নেই।

যিরমিয় 31:32

মিসর দেজত্তুন্ তারার পুরোণি মানুচ্চুনোরে মুই আঢ্‌‍‍‍‍‍‍‍‍তানি ধুরিনে নিগিলেই আনিবার অক্তত্ তারাত্তে যে সুদোমান থিদেবর্ গোজ্যং এ নূয়ো সুদোমান সেই সুদোমান ধোক্ক্যেন ন-অবঅ। মুই যুনিয়ো তারার নেগ ধোক্ক্যেন এলুং তো তারা মঅ সুদোমান ভাঙ্যন্। ‍

মার্ক 5:23

তে যীশুরে কোজোলী গুরি কলঅ, “মঅ ঝিবো মুরি যেবার্ অক্ত ওইয়্যে। তুই এইনে তা উগুরে তঅ আঢ্‌তান রাগা; সেক্কে তে গম্ ওই উদিবো।”

মার্ক 7:33

যীশু ভিড়ো ভিদিরেত্তুন্ সেই মানুচ্চোরে এক কিত্তেদি নেযেইনে তা দ্বি কানত্ নিজো আঙুলুন্ দিলো। পরেদি সেফ্ ফেলেইনে মানুচ্চোর্ জিলান্ ধুরিলো।

মার্ক 8:24

মানুচ্চো রিনি চেইনে কলঅ, “মুই মানুচ্ দেগঙর্; তারা রিনি চাদে গাজ ধোক্ক্যেন্, আরঅ আঢিয়ো বেড়াদন্।”

মার্ক 8:26

যীশু তারে তা ঘরত্ পাধেই দিবার সময়োত্ কলঅ, “বৈৎসৈদা আদামত্ ন-যেচ্।”

প্রেরিত্‌ 23:19

আজল্ সেনাপতিবো সেক্কে সেই গাবুজ্জ্যে পুয়োবোর্ আঢ্‌তানি ধুরিনে এক কিত্তেদি নেযেইনে কলঅ, “মরে তুই কি কবাত্তে চাজ্?”

প্রেরিত্‌ 9:8

যেরেদি শৌলে মাদিত্তুন্ উদিলো, মাত্তর্ চোগ্‌‌‌কুন মেলিলে পরেদি কিচ্চু ন-দেগিলো। সেক্কে তা সমাজ্জ্যেগুনে আঢ্‌‌‌তানি ধুরিনে তারে দামেস্কত্ নেযেলাক্।

ইব্রীয় 8:9

মিসর দেজত্তুন্ মুই তারার্ পূরোণি মানুচ্চুনোরে আঢত্ ধুরি নিগিলেই আনিবার অক্তত্ তারাত্যে যে বেবস্থাগান থিদেবর্ গোজ্জ্যং এ নূয়ো বেবস্থাগান সেই বেবস্থাগান ধোক্ক্যেন ন-অবঅ। তারা মর্ সেই সুদোম মজিম ন-চলন্ বিলি মুই তারা ইন্দি মনযোগ ন-দুয়োং।” প্রভু এই কধাগান কয়।

ফগদাং পেইয়্যে 3:18

সেনত্যে মুই তরে এ উপদেচ্‌‌চান দোঙর-তুই মত্তুন্ আগুনোত্ পুজ্জ্যে খাটি সনা কিনি লঅ যেন তুই থাগোইয়্যে ওই পারচ্। মত্তুন্ ধূব্ কাবর কিনিনে পিন্‌ যেন তর্ লাংদা থানার লাজ্‌চান দেগা ন-যায়। মত্তুন্ চোগোত্ দিবার মলম কিনি লঅ যেন তুই দেগচ্।