মার্ক 8:22 - Chakma Bible

²² পরেদি যীশু আর তা শিচ্চ্যগুনে বৈৎসৈদা আদামত্ গেলাক্। সিদুগো মানুচ্চুনে এক্কো কান্ মান্‌জ্যরে যীশু ইধু আনিলাক্ আর মানুচ্চো কিয়্যেত্ আঢ্‌‌তানি রাগেবাত্তে যীশুরে কোজোলী গরা ধুরিলাক্।

মার্ক 8:22 ပူးပေါင်းရင်းမြစ်များ

মথি লেখ্যে গম্ হবর্ 11:21

“অভিশাব্ পেইয়্যে কোরাসীন, অভিশাব্ পেইয়্যে বৈৎসৈদা! তমা ভিদিরে যেদক্কানি আমক্ অবার্ কাম্ গরা ওইয়্যে সিয়েনি যুনি সোর আর সীদোন শঅরত্ গরা অদঅ সালে ভালোক্ দিন আগে তারা বস্তা ফাদা পিনিনে ছেই গুলিনে পাপত্তুন্ মনানি ফিরেদাক্।

মথি লেখ্যে গম্ হবর্ 14:36

সেক্কে মানুচ্চুনে পীড়েল্যেগুনোরে যীশু ইধু আনিলাক্ আর তারে কোজোলী গুরিলাক্ যেন সেই পীড়েল্যেগুনে তা কাবড়র কণাবো বানা ধুরি পারন্; আর যিগুনে তারে ধুরিদাক্ তারা গম্ অদাক্।

মথি লেখ্যে গম্ হবর্ 8:15

যীশু তা আঢ্‌তান ধুরিলো আর সেক্কে তা জ্বরান্ গম্ অলঅ। সেক্কে তে উদিনে যীশুর হানা-দানার বেবস্থা গরা ধুরিলো।‍‍

মথি লেখ্যে গম্ হবর্ 8:3

যীশু আঢ্ বাড়েইনে তারে ধুরিনে কলঅ, “মুই সিয়েনই চাং, তুই সিজি অ।” সেক্কেনে মানুচ্চোর্ ফারাঙি পীড়েগান গম্ ওই গেলঅ।

মথি লেখ্যে গম্ হবর্ 9:29

পরেদি যীশু তারার্ চোগ্‌কুন ধুরিনে কলঅ, “তুমি যেবাবোত্যে বিশ্বেজ্ গোজ্য তমা উগুরে সেবাবোত্যে ওক্।”

মার্ক 2:3

এমন্ সময়োত্ কয়েক্কো মানুচ্ এক্কো বেসৎ-পীড়েল্যেরে তাইধু আনিলাক্। চের্‌‌জন মান্‌‌জ্যে তারে বুয়োই আনিলাক্,

মার্ক 3:10

তে বোউত্ মান্‌‌‌‌জ্যরে গম্ গোজ্যে বিলি পীড়েল্যেগুনে তারে ধুরিবাত্তে ঠেলাঠিলি গত্তন্।

মার্ক 6:45

যীশু ইয়েনর্ পরেদি তা শিচ্চ্যগুনোরে উগুম্ দিলো যেন তারা নৌকোত্ উদিনে তা আগে আগে সাগরর্ অন্য পারত্ বৈৎসৈদা আদামত্ যান্, আর ইন্দি তে মানুচ্চুনোরে পাধেই দিয়্যে ধুরিলো।

লূকে লেখ্যে গম্ হবর্ 10:13

“অভিশাব্‌ পেইয়্যে কোরাসীন! অভিশাব্‌ পেইয়্যে বৈৎসৈদা! যেদক্কানি আমক্ অবার্ কাম তমা ইধু গরা ওইয়্যে সিয়েনি যুনি সোর আর সীদোন শঅরত্ গরা অদঅ, সালে তারা ভালোক্ দিন আগে বস্তা পিনিনে ছেইয়ো উগুরে বোইনে পাপত্তুন্ মনানি ফিরেদাক্।

লূকে লেখ্যে গম্ হবর্ 9:10

যীশু যে শিচ্চ্যগুনোরে পাধেয়্যে তারা ফিরি এলাক্ আর কি কি গোজ্যন্ বেক্কানি তারা যীশুরে কলাক্। সেক্কে যীশু তারারে লোইনে বৈৎসৈদা আদাম কায় এক্কান্ মানুচ্ নেইয়্যে জাগাত্ গেলঅ।

যোহন 1:44

ফিলিপে এলঅ বৈৎসৈদা আদামর্ মানুচ্। আন্দ্রিয় আর পিতরেয়ো সেই একই আদাম মানুচ্‌।

যোহন 12:21

তারা ফিলিপ ইধু এইনে তারে কোজোলি গুরিনে কলাক্, “এইয়্যে শুন্, আমি যীশুরে দেগিবাত্তে চেই।” ফিলিপে অলঅ গালীল রেজ্যর্ বৈৎসৈদা আদাম মানুচ্।