মার্ক 7:37 - Chakma Bible

³⁷ এ ঘটনাগান্দোই মানুচ্চুনে অমকদ আমক্ ওইনে কলাক্, “ইবে বেক্ কামানি কদক্ গমেডালে গরে। ইবে বহ্‌‌রাগুনোর্ শুনিবার বল্ আর ববাগুনোর্ কধা কবার খেমতা দে।”

মার্ক 7:37 ပူးပေါင်းရင်းမြစ်များ

পত্থম 1:31

গোজেনে তার নিজোর বানেইয়্যে বেক্কানি চেলঅ। সিয়েনি ঘেচ্ছেক্‌গুরি জদবদে দোল্‌ ওইয়্যে। এধোক্ক্যেনগুরি সাজোন্যে গেলঅ বেন্যেমাদান্ এলঅ, আর সিয়েনি অলঅ ছঅ দিনোত্‌ ।

গীতসংহিতা 139:14

মুই তরে বাঈনী গরং, কিত্তে মুই অমকদ আমক্ ওইদ্যে ধোক্ক্যেন ওইয়োং; আমক্ অবার্ তর্ বেক্ কামানি, মুই সিয়েন গমেডালে হবর্ পাং।

যিশাইয় 29:18

সেদিন্যে কান্ বরাগুনে সেই জড়া লাগেয়্যে বোইবোর্ কধা শুনিবাক্, আর ঘুর্‌ঘুজ্যে আন্ধারত্ থেইয়্যে কানুনে দেগিবাক্।

মথি লেখ্যে গম্ হবর্ 9:32

সে দ্বিজন্ মানুচ্ যেক্কে যাদন্ সেক্কে মানুচ্চুনে ভুদে পেইয়্যে এক্কো ববা মান্‌জ্যরে যীশু ইধু আনিলাক্।

মার্ক 1:27

এ ঘদনাগান্ দেগিনেই মানুচ্চুনে এদক্ আমক্ অলাক্ যে, তারা নিজো ভিদিরে কুয়ো ধুরিলাক্, “ইয়েনি কি বেপার? এ অধিকার ভরা নুয়ো শিক্ষ্যেগান বা কি? এন্‌ কি, ভুদ্‌‌‌তোরেয়ো তে উগুম দে আর তারা তা কধানি শুনোদে বাধ্য অন্।‌”

মার্ক 2:12

সেক্কেনে সেই মানুচ্চো উদিনে তা পাদিবো তুলিলো আর বেক্কুনো মুজুঙেদি বারেদি গেলঅ। ইয়েন্দোই বেক্কুনে আমক্ ওইনে গোজেনরে বাঈনী গুরি কলাক্, “আমি কনদিন্অ এবাবোত্যে ন-দেগিই।”

মার্ক 4:41

ইয়েন্দোই শিচ্চ্যগুনে অমকদ দোরেলাক্ আর নিজো ভিদিরে কুয়ো কি গরা ধুরিলাক্, “ইবে কন্না যে, বৌইয়্যের্ আর সাগরান্অ তা কধা শুনে?”

মার্ক 6:51

যীশু শিচ্চ্যগুনোর নৌকোগানত্ উদোনার্ পরেদি বৌইয়্যেরান্ থামেল। ইয়েন্দোই শিচ্চ্যগুনে অমকদ আমক্ ওই গেলাক্,

মার্ক 7:36

যীশু এ পৌইদ্যেনে কাররে ন-কবাত্তে মানুচ্চুনোরে মানা গোজ্যে। মাত্তর্ তে যেদক্ তারারে মানা গোজ্যে সেদক্ তারা সে পৌইদ্যেনে আরঅ বেশ্ গুরি কুয়ো-কি গরা ধুরিলাক্।

মার্ক 8:1

পরেদি আরঅ একদিন্যে বোউত্ মান্‌জ্যর্ ভিড় অলঅ। এই বেক্ মানুচ্চুনো ইধু কনঅ হানা ন-এলঅ বিলি যীশু তা শীচ্চ্যগুনোরে ডাগিনে কলঅ,

লূকে লেখ্যে গম্ হবর্ 23:41

আমি উচিত্ সাজা পেইর্। আমার যিয়েন্ পাওনা আমি সিয়েনই পেইর্, মাত্তর্ এ মানুচ্চো দঅ কনঅ দুচ্‌ ন-গরে।”

প্রেরিত্‌ 14:11

পৌলে যিয়েনি গুরিলো সিয়েনি দেগিনে মানুচ্চুনে লুকায়নীয় ভাষায় রঅ ছাড়িনে কলাক্, “দেবেদাগুনে মানুচ্‌ ওইনে আমা ইধু লামি এচ্চ্যন্।”