মার্ক 7:34 - Chakma Bible

³⁴ সে পরেদি তে আগাজ ইন্দি রিনি চেইনে ভঅ নিজেস্ ফেলেইনে মানুচ্চোরে কলঅ, “এপ্‌ফাথা,” অত্তাৎ “খুলি যাহ্।”

মার্ক 7:34 ပူးပေါင်းရင်းမြစ်များ

যাত্রা 2:23

ইয়েনর্ বোউত্‌ দিন পরেদি মিসর রাজাবো মুরি গেলঅ। ইন্দি ইস্রায়েলীগুনে তারার্‌ গোলামী খাদদে খাদদে অরান্ ওইনে কানা দোজ্যন্‌। ইয়েনত্তুন্‌ উদ্ধোর্‌ পেবাত্তে তারার্‌ এই কানা-কুদিগানি গোজেন ইধু যেইনে লুমিলো।

যিশাইয় 53:3

মান্‌জ্যে তারে ঈচ্ গরদন আর এলাফেলা গোজ্যন্; তে যন্ত্রনাত্ ভুগের্ আর পিড়েগান লগে তার পরিচয় এলঅ। মান্‌জ্যে যিবেরে দেগিলে মুয়োন্ ফিরেন তে তা ধোক্ক্যেন ওইয়্যে; মান্‌জ্যে তারে ঈচ্ গোজ্যন আর আমি তারে সর্মান ন-গুরিই।

মার্ক 1:41

মানুচ্চোরে যীশুর্ অমকদ চিত্ পুরিলো। তে আঢ্‌তান বাবেইনে তারে ধুরিনে কলঅ, “মুই সিয়েনই চাং, তুই গম্ অ।”

মার্ক 15:34

বেল্যে তিনটা সময় যীশু জুরে রঅ ছাড়িনে কলঅ, “এলোই, এলোই, লামা শবক্তানী,” অত্তাৎ “গোজেন মর্, গোজেন মর্, কিত্তে তুই মরে ফেলে যেইয়োচ্?”

মার্ক 5:41

মিলেবোর্ বয়চ এলঅ বার বজর্। যীশু মিলেবো আঢ্‌তান ধুরিনে কলঅ, “টালিথা কুম্‌,” অত্তাৎ “চিজি, তরে কঙত্তে, উঠ্।” আর সেক্কেনে মিলেবো উদিনে আঢি বেড়া ধুরিলো। সেক্কে তারা অমকদ আমক্ ওই গেলাক্।

মার্ক 6:41

যীশু সেই পাচ্চান্ রুটি আর দ্বিবে মাছ লোইনে স্বর্গ ইন্দি রিনি চেইনে গোজেনরে ভালেদি জানেল, আর মানুচ্চুনোরে দিবাত্তে রুটি ভাঙিনে শিচ্চ্যগুনো আঢত্ দিলো। এবাবোত্যেগুরি তে বেক্কুনোরে মাছ্অ ভাগ্ গুরি দিলো।

মার্ক 7:35

সেক্কে মানুচ্চোর্ কানানিয়ো খুলি গেলঅ, জিলান্ খুলি গেলঅ আর তে গমেডালে কধা কুয়ো ধুরিলো।

মার্ক 8:12

সেক্কে যীশু ভঅ নিজেস্ ফেলেইনে কলঅ, “এই কালর্ মানুচ্চুনে কিত্যে আমক্ অবার চিহ্নো তগান্? না, মুই তমারে কঙর্, কনঅ প্রমাণ ইগুনোরে দেগা ন-অবঅ।”

লূকে লেখ্যে গম্ হবর্ 18:42

যীশু তারে কলঅ, “ঠিগ্ আঘে, সিয়েনই ওক্‌। তুই বিশ্বেজ্ গোজ্যস্ বিলি গম্ ওইয়োচ্।”

লূকে লেখ্যে গম্ হবর্ 19:41

তারা যেক্কে যিরূশালেম ইধু এলাক্ সেক্কে যীশু শঅরান্ দেগিনে কানিলো ।

লূকে লেখ্যে গম্ হবর্ 7:14

সে পরেদি যীশু কায়কুরে যেইনে পালঙান্ ধুরিলো। সেক্কে যিগুনে মরাবো বুয়োই নেযাদন্ তারা থিয়্যেলাক্। যীশু কলঅ, “ও গাবুজ্যে, মুই তরে কঙর্, উঠ্।”

যোহন 11:33

যীশু মরিয়মরে আর তা সমারে যে যিহূদীগুন্ এচ্চ্যন্ তারারে কানদে দেগিনে মনান্ অমকদ যাগুলুক্ অলঅ।

যোহন 11:35

সেক্কে যীশু কানিলো।

যোহন 11:38

ইয়েন্দোই যীশুর মনান্ আরঅ যাগুলুক্ অলঅ আর কবরঅ ইধু গেলঅ। কবরান এলঅ এক্কো গাঢ্। সে গাঢ মুয়োনত্ এক্কো পাত্তর্ বোজেয়্যে এলঅ।

যোহন 11:41

সেক্কে মানুচ্চুনে পাত্তর্‌বো সোরেই দিলাক্। যীশু উগুরেদি রিনি চেইনে কলঅ, “বাবা, তুই মঅ কধাগান্ শুন্যচ্ বিলি মুই তরে ভালেদি জানাঙর্।

যোহন 11:43

এ কধাগান্ কনার্ পরেদি যীশু জোরে ডাগিনে কলঅ, “লাসার, নিগিলি আয়।”

যোহন 17:1

এই বেক্‌ কধানি কনার্ পরেদি যীশু স্বর্গ ইন্দি রিনি চেইনে কলঅ, বাবা, সময় এচ্চ্যে। তঅ পুয়োবোর্ মহিমাগান্ ফগদাং গর্ যেন পুয়োবোয়ো তঅ মহিমাগান্ ফগদাং গুরি পারে।

প্রেরিত্‌ 9:34

পিতরে তারে দেগিনে কলঅ, “ঐনিয়, যীশু খ্রীষ্ট তরে গম্ গুরিলো। উঠ্, তঅ বিচ্চোনান্ তুলি নেযা।” আর সেক্কে ঐনিয় উদিনে থিয়্যেল।

প্রেরিত্‌ 9:40

সেক্কে পিতরে তারারে বেক্কুনোরে ঘরত্তুন্ নিগিলেই দিইনে আদু পারিনে তবনা গুরিলো। পরেদি সেই মরা মিলেবো ইন্দি ফিরিনে কলঅ, “টাবিথা, উঠ্।” সেক্কে দর্কা চোগ্‌কুন মেলিলো আর পিতররে দেগিনে উদিনে বলঅ।

ইব্রীয় 4:15

আমা দাঙর্ ধর্মগুরুবো এমন্‌ কেঅ নয় যিবে আমা বল্‌পোজ্যেগানিত্যে আমা সমারে পিড়ে ন-পায়, কিয়া আমা ধোক্ক্যেন গুরি তেয়ো বেক্কানিত্তুন্ পাপ পোরোক্ষ্যে মুজুঙোত্ থিয়্যেইয়্যে অদচ পাপ ন-গরে।