মার্ক 7:27 - Chakma Bible

²⁷ যীশু জোবত্ কলঅ, “আগে পুয়ো-ঝিগুনে পেট ভুরিনে খাদোক্, কিয়া পুয়ো-ঝিগুনোর হানা লোইনে কুগুরো মুজুঙোত্ ফেলানা গম্ নয়।”

মার্ক 7:27 ပူးပေါင်းရင်းမြစ်များ

মথি লেখ্যে গম্ হবর্ 10:5

যীশু সেই বারজনরে এই বেক্ উগুমানি দিইনে পাধেল, তুমি অযিহূদীগুনো ইধু বা শমরীয়গুনোর্ কনঅ আদামত্ ন-যেয়ো,

মথি লেখ্যে গম্ হবর্ 7:6

যিয়েন পবিত্র সিয়েন কুগুরোরে ন-দুয়ো। শুগোরো মুজুঙোত্ তমা মুক্তাবো ন-ছিত্য। অয়ত তারা সিগুন তারার্ টেঙত্ তলে ঊরিবাক্ আর ফিরিনে তমারে কট্টা কট্টা গুরি ছিনি ফেলেবাক্।

মার্ক 7:26

মিলেবো এলদে অযিহূদী আর সুর-ফৈনীকীত জোর্মেয়্যে। তে যীশু ইধু কোজোলী গরা ধুরিলো যেন তে তা ঝিবোত্তুন্ ভান্ন্যেই আত্মাগান্ দূর্ গুরি দে।

মার্ক 7:28

সেক্কে সে মিলেবো কলঅ, “প্রভু, তুই ঠিগই কোইয়োচ্, মাত্তর্ পুয়ো-ঝিগুনোর হানাত্তুন্ যেদক্কানি পড়িনে টেবিলো তলে পড়ে সিয়েনি দঅ কুগুরে খায়।”

প্রেরিত্‌ 22:21

সেক্কে প্রভু মরে কলঅ, তুই যাহ্, মুই তরে দূরোত্ অযিহূদীগুনো ইধু পাধেম্।

রোমীয় 15:8

ইদোত্ রাগেচ্, গোজেন কধাগান যে সত্য সিয়েন ফগদাং গুরিবাত্তে খ্রীষ্ট যিহূদীগুনোর্ সেবাগুরিয়্যে ওইয়্যে। ইয়েনর্ উদ্দেশ্যগান্ এলঅ, পূরোণি মানুচ্চুনো ইধু গোজেনে যেদক্কানি এগেম্ গোজ্জ্যে সিয়েন যেন পুরোয় আর তার্ দোয়্যে-মেয়্যের্ কারনে অযিহূদীগুনে তারে বাঈনী গরন্। এ পৌইদ্যেনে পবিত্র বোইবোত্ লেগা আঘে, ইয়েনত্যে অন্য জাদ্‌তুনো ইধু মুই তর্ বাঈনী গুরিম আর তরে নাঙ্ গিনিম্।

ইফিষীয় 2:12

মনত্ রাগেয়ো, আগে তুমি খ্রীষ্টত্তুন্ জুদো এলা; জাদ্ ইজেবে ইস্রায়েলীয়গুনোর যে অধিকার তুমি সে অধিকারর্ বারেদি এলা; গোজেনে ইস্রায়েল জাদত্যে যে কয়েক্কান এগেম্‌বলা বেবস্থা গোজ্জ্যে তা সমারে তমার্ কনঅ উদো লোলি ন-এলঅ; তমার্ কনঅ আজা ন-এলঅ; আর এ জগদত্ তুমি গোজেন নেইয়্যে এলা।