মার্ক 7:24 - Chakma Bible

²⁴ ইয়েনর্ পরেদি যীশু সে জাগায়ান্ ছাড়িনে সোর চাগালাত্ গেলঅ। তে এক্কান ঘরত্ সোমেল আর চেলদে যেন কেঅ হবর্ ন-পান্, মাত্তর্ তে লুগি থেই ন-পারিলো।

মার্ক 7:24 ပူးပေါင်းရင်းမြစ်များ

পত্থম 10:15

কনান দাঙর পুয়োবো নাঙান এলঅ সীদোন। সে পরেদি হেতর জর্ম ওইয়্যে।

পত্থম 10:19

সীদোন শঅরত্তুন্‌ গরারত্‌ যেবার পদথ্‌ গাজা সং আর গাজাত্তুন্‌ সদোম, ঘমোরা, অদ্‌মা আর সবোয়ীমোত্‌ যেবার পদথ্‌ লাশা সং কনানীয়গুনোর দেজর্ দুযি এলঅ।

পত্থম 49:13

সবূলূন বড়্‌গাঙ পাড়ত্‌ বজত্তি গুরিবো; তে জাহাজ্‌ছানি ভিড়েবার্‌ বন্দর অবঅ; তা দেজর্‌ দুযিগান সীদোন ইন্দি যেবঅ।

যিশাইয় 23:12

তে কোইয়্যেদে, “ও সীদোনর মানুচ্চুন্, তমার্ ফুত্তিগানি থুম্ ওইয়্যে, কিত্তে তুমি দঅ অত্যেচারিত ওইয়ো। উদো, পার্ ওইনে সাইপ্রাস দ্বিবোত্ যঅ; সিদুয়ো তুমি জিরেন্ ন-পেবা।”

যিশাইয় 42:2

তে রঅ ন-ছাড়িবো বা দাঙর্ দাঙর্ গুরি কধা ন-কবঅ; তে পধে পধে তা মুয়ো রবো ন-শুনেব।

যিহিষ্কেল 28:2

ও মান্‌‌‌‌জ্যর পুয়োবো, তুই সোরর্ শাজন্‌গুরিয়্যেবোরে কঅ, প্রভু লগেপ্রভু কোইয়্যেদে, তর্ মনর্ অহংকারে কোইয়োচ্, তুই দেবেদা; তুই সাগর ভিদিরে দেবেদা সিংহাসনত্ বুয়োই আগচ্। মাত্তর্ তুই দঅ এক্কো মানুচ্, দেবেদা নয়, যুনিয়ো তুই নিজোরে দেবেদা ধোক্ক্যেন জ্ঞানী মনে গরর্।

মথি লেখ্যে গম্ হবর্ 11:21

“অভিশাব্ পেইয়্যে কোরাসীন, অভিশাব্ পেইয়্যে বৈৎসৈদা! তমা ভিদিরে যেদক্কানি আমক্ অবার্ কাম্ গরা ওইয়্যে সিয়েনি যুনি সোর আর সীদোন শঅরত্ গরা অদঅ সালে ভালোক্ দিন আগে তারা বস্তা ফাদা পিনিনে ছেই গুলিনে পাপত্তুন্ মনানি ফিরেদাক্।

মথি লেখ্যে গম্ হবর্ 9:28

যীশু ঘরত্ সোমেলে পরেদি সেই কান্ মানুচ্চুনে তাইধু এলাক্। সেক্কে তে তারারে কলঅ, “তুমি কি বিশ্বেজ্ গরঅ যে, মুই এ কামান্ গুরি পারং?”

মার্ক 2:1

কয়েকদিন পরেদি যীশু আরঅ কফরনাহূমত্ গেলঅ। মানুচ্চুনে শুনিলাক্ তে ঘরত্ আঘে।

মার্ক 7:23

এই বেক্ ভান্ন্যেয়ানি মান্‌জ্য ভিদিরেত্তুনই নিগিলি এজে আর মান্‌জ্যরে অসিজি গরে।”

মার্ক 7:25

সিয়েনত্ এমন্ এক্কো মিলে এলঅ যিবের্ ঝিবোরে ভান্ন্যেই আত্মায় পেইয়্যে। সে মিলেবো যীশু পৌইদ্যেনে শুনিনে সেক্কে এইনে যীশুর টেঙত্ পুড়িলো।

মার্ক 7:31

ইয়েনর্ পরেদি যীশু সোর চাগালাগান্ ছাড়িনে সীদোন শঅর ভিদিরেদি গালীল সাগর কায়কুরে দিকাপলি চাগালার্ আদামানিত্ গেলঅ।

১ তীমথিয় 5:25

সেবাবোত্যেগুরি গম কামানি সাব্ গুরিনে দেগা যায়, আর যিয়েনি সাব্ নয় সিয়েনিয়ো লুগেইয়্যে ন-থায়।