মার্ক 7:22 - Chakma Bible

²² লুভি অনা, অন্যরে ক্ষতি গুরিবার্ আওজ্, ছলনা, বজং খাচ্চ্যত্, ইংসে, নিন্দে, বার্ গরানা আর মূর্খকামানি নিগিলি এজে।

মার্ক 7:22 ပူးပေါင်းရင်းမြစ်များ

২ বংশধর 32:31

দেজত্‌ যে আমক্‌ অবার্‌ চিহ্নোগান্‌ দেগা ওইয়্যে সে পৌইদ্যেনে পুযোর্‌ গুরিবাত্তে যেক্কে বাবিলো নেতাগুনে দূত পাদেয়োন সেক্কে গোজেনে তারে জগা চেবাত্তে তারে ছাড়ি গেলগোই, যেনে তা মনত্‌ কি আঘে সিয়েন্‌ ফগদাঙ্‌ অয়।

গীতসংহিতা 10:4

পাজি মানুচ্চো বার্‌‌বো গরানার্ কারনে লগেপ্রভুরে অগ্রাজ্য গরে; তা কুজুরোমির্ পিজেদি এ মনভাবপান্ এলঅ- গোজেন বিলিনে কনজন নেই।

গীতসংহিতা 119:36

ভান্ন্যেয়ন্দি মঅ মনান যেনে ন-ফিরে, তঅ কধা মজিম তুই মঅ মনান ফিরেই দে।

গম্ উপদেজ্ 12:23

উজিয়ারবলা মানুচ্ যিয়েনি হবর্ পায় সিয়েনি কোই কোই ন-বেড়ায়, মাত্তর্ বিবেচনা নেইয়্যে মানুচ্চুনে তারা কধালোই বুদ্ধি নেইদ্যেগান ফগদাং গরন।

গম্ উপদেজ্ 22:15

ঝি-পুয়োগুনো মনত্ ভুলানি যেন ন-থায়, মাত্তর্ শাজনর্ লাদিবো তাত্তুন্ দূর্ গুরি দে।

গম্ উপদেজ্ 23:6

লুভি মান্‌জ্যর হানা ন-হেয়ো; তার মংগা মংগা হানাগানি হেবাত্তে ন-চেয়ো;

গম্ উপদেজ্ 24:9

বাজে-বিবেক্ মান্‌জ্যর কুজুরোমিগানি অলঅ পাপ; মান্‌জ্যে ঠাট্টা-ঈচ্ গুরিয়্যেবোরে ঘিনেন্।

গম্ উপদেজ্ 27:22

বাজে-বিবেক্ মান্‌‌‌‌জ্যরে যুনিয়ো শোজ্যলোই হামানদিস্তালোই গুড়ি গরা অয়, তো তার ভুলানে তারে ছাড়ি ন-যেবঅ।

গম্ উপদেজ্ 28:22

যে মানুচ্চো লুভি তে তাগোয়্যে অবাত্তে হিজে-হিচ্চ্যে বাজায়, মাত্তর্ তে হবর্ ন-পায় অভাব্‌পানে তাত্তে বাজ্জেই আঘে।

উপদেশক 7:25

সেনত্তে মুই মনান্ থির্ গুরিলুং যেনে জ্ঞান আর বেক্কানির্ পিজেদি যে সল্লাগান্ আঘে সিয়েন্ জানি পারং আর পোরোক্ষ্যে আহ্ তোগেইনে চেই পারং, আর বুঝোং, পাজিগান্ অলঅ ভুলো কাম্ আর বুদ্ধিনেইয়্যেগান্ অলঅ বিচেরবুদ্ধিনেইয়্যে।

যিশাইয় 59:13

সিয়েনি অলঅ, উল্লোমী আর তরে অস্বিগের্ গরানা, আমা গোজেন ইত্তুন দূরোত্ সুরি যানা, আত্যেচার আর উল্লোমীত্তে উচ্চোমি তুলি দেনা আর মনত্তুন্ মিজে কধা নিগিলেই আনিনে সিয়েনি কনা।

যিশাইয় 59:7

তারার্ টেঙানি পাপ ইন্দি দাবা দাবা যায়; তারা নিদ্দুযি মান্‌জ্যর লো ঝোরেবাত্তে যাদিমাদি যান্। তারার চিদে চজ্জানি বেক্কানি বজং আর তারার পথ্‌‍‌‌‌‌তানিত্ ভস্ত আর সর্বনাশ থায়।

যিরমিয় 17:9

মনান্ বেগত্তুন্ বেশ ঠগ্, তারে কনঅ বাবদে গম্ গরা ন-যায়। কনজনে মান্‌‍‌‍‍জ্যর্ মনানি বুঝি ন-পারে।

মথি লেখ্যে গম্ হবর্ 20:15

যিয়েন্ মর্ নিজোর্, সিয়েন মর্ হুজি মজিম্ বেবহার গুরিবার অধিকার কি মর্ নেই? নাহি মুই দোয়্যেলু বিলি তঅ চোগোত্ ইংসে লাগের্।’ ”

মথি লেখ্যে গম্ হবর্ 6:23

মাত্তর্ তঅ চোগ্‌কুন যুনি বজং অয় সালে তর্ বেক্ কিয়্যেগান আন্ধার্ অবঅ। তঅ ভিদিরে যে পহ্‌‌রান আঘে সিয়েন্ যুনি আজলে আন্ধার্ অয় সালে সে আন্ধারান্ কি সাংগাধিক্!

মার্ক 7:21

কিয়া মান্‌জ্য ভিদিরে, অত্তাৎ মনত্তুন্ ভান্ন্যেই চিন্তে, নানান্ বাবোত্যে বেভিচের্, চুর্, খুন,

মার্ক 7:23

এই বেক্ ভান্ন্যেয়ানি মান্‌জ্য ভিদিরেত্তুনই নিগিলি এজে আর মান্‌জ্যরে অসিজি গরে।”

২ করিন্হীয় 10:5

আমি মান্‌জ্যর্ মিজে যুক্তিগানি বর্‌‌বাদ গুরিই আর গোজেনরে জানিবার পধত্ মানা ইজেবে যেদক্কানি চিন্তে দেমাগ্ গুরিনে ভস্ত গুরিই; আর মনর্ পত্তি চিন্তেরে বন্দী গুরিনে খ্রীষ্টর্ বাধ্য গুরিই।

দ্বি’লম্বর বিররণ 15:9

উজিয়ার, তমার মনত্‌ এই ভান্ন্যেই চিদেগান আমল ন দুয়ো, সাত বজরত্‌, অত্তাৎ কজ্জ মাপ্‌ গরেদে বজরবো প্রায় লুম্মেগি। এই চিদেগান গুরিনে তমার সেই নাঢা ভেইবো উগুরে উল্লোমি মনভাব্‌পোই তারে সুুদো আঢে বিদেয় ন গোজ্য। যুনি সিয়েন্‌ গরঅ সালে সিয়েন্দোই তে তমা বিরুদ্ধে লগেপ্রভুর ইদু কোজোলী গুরিনে বিচের চেবঅ আর তুমি অন্যেয়ত্তে দুষি অবা।

দ্বি’লম্বর বিররণ 28:54

সেক্কে তমা ভিদিরে যে মানুচ্চো নরম খাচ্চ্যদর্ আর গম্‌ অবস্থায় মানুচ্‌ ওইয়্যে, তার্‌ মনান এধোক্ক্যেন অবদে, নিজো ভেইয়ো উগুরে, বা কোচ্‌পেইয়্যে মোগো উগুরে, বা জেদা ঝি-পূঅগুনো উগুরে তার্‌ কনঅ দোয়্যেমেয়্যে ন-থেবঅ।

দ্বি’লম্বর বিররণ 28:56

তমা ভিদিরে যে মিলেবো নরম খাচ্চ্যদর্ আর এমন্‌ গম্‌ অবস্থায় মানুচ্‌ ওইয়্যে যে তাত্তুন্‌ কনদিন মাদিত্‌ টেং ফেলা ন অয়, তার্‌ আর তার কোচ্‌পেইয়্যে নেক্কো আর ঝি-পূঅগুনো উগুরে কনঅ দোয়েমেয়্যে ন থেবঅ।

১ পিতর 2:15

গোজেনর্ আওজ্‌ ইয়েন, তুমি যেন গম কাম গুরিনে অঘা মানুচ্চুনোর বুদ্ধি-নেইয়্যে কধাবাত্তা বন্ধ গুরি দুয়ো।

১ পিতর 5:5

সেবাবোত্যেগুরি গাবুজ্জ্যেগুন, তুমি আজল্ নেতাগুনোর অধীনোত্ থাগঅ। তুমি বেক্কুনে নরম ওইনে একজন আরেকজনরে সেবা গরঅ, কিয়া পবিত্র বোইবোর কধামজিম, “গোজেনে বার্‌বোগুনোর্ বিরুদ্ধে যায়, মাত্তর্ নরম মানুচ্চুনোরে দোয়্যে গরে।”