মার্ক 7:21 - Chakma Bible

²¹ কিয়া মান্‌জ্য ভিদিরে, অত্তাৎ মনত্তুন্ ভান্ন্যেই চিন্তে, নানান্ বাবোত্যে বেভিচের্, চুর্, খুন,

মার্ক 7:21 ပူးပေါင်းရင်းမြစ်များ

পত্থম 6:5

লগেপ্রভু দেগিলোদে পিতথিমীত্‌ মান্‌জ্যর্ ভান্ন্যেইয়ানি অমকদ বাড়ি যেইয়্যে, আর তারা মনর্ বেক্‌ চিদে-সজ্জানি নিত্য বানা ভান্ন্যেইয়ন্দি লুঙি পোজ্যে।

পত্থম 8:21

লগেপ্রভু সে উৎসর্বর বাজ্‌ পেইনে হুজী অলঅ আর মনে মনে কলঅ, “মান্‌জ্যর কারনে আর কনদিন্‌ মুই মাদিগানরে অভিশাব্ ন-দিম, কিত্তে চিগোনত্তুন্ ধুরি দঅ-মান্‌জ্যর মনানি ভান্ন্যেয়ন্দি। এবেরা যেবাবোত্যে মুই বেক্‌ জেদা পরান্‌বলাগুনোরে‌‌ শেজ্ গোজ্যং সেবাবোত্যেগুরি আর কনদিনঅ ন-গুরিম।

ইয়োব 14:4

অসিজিত্তুন্‌ কি কনজনে সিজি কিজু বানেই পারন্‌? কনজনে ন-পারন্‌।

ইয়োব 25:4

সালে গোজেন ইদু মানুচ্চুনে কি নিদ্দুযি ওই পারন্? মিলেগুনো পেদত্তুন্ যে জর্মেয়্যে তে কি সোলিড্ ওই পারে?

গীতসংহিতা 119:36

ভান্ন্যেয়ন্দি মঅ মনান যেনে ন-ফিরে, তঅ কধা মজিম তুই মঅ মনান ফিরেই দে।

গীতসংহিতা 14:1

যিগুনোর্ মনানি বাজে তারা মনে গরন্দে গোজেন বিলিনে কনজন নেই। তারার্ খাচ্চ্যত্‌তানি বর্‌বাদ ওই যেইয়্যে, তারার্ কামানি জঘন্য; গম্ কাম্ গরন এবাবোত্যে কনঅ মানুচ্ নেই।

গীতসংহিতা 14:3

তে দেগিলোদে, বেক্কুনে গম পদত্তুন্ সুরি যেইয়োন্, বেক্কুনে একসমারে বজং ওই যেইয়োন; গম কাম্ গরন এবাবোত্যে কনজন নেই, একজনঅ নেই।

গীতসংহিতা 53:1

যিগুনোর বিবেক্ মরা তারা মনে গরন্দে গোজেন বিলিনে কনজন নেই। তারার্ খাচ্চ্যত্তানি বর্‌বাদ্ ওই যেইয়্যে, তারার্ কামানি জঘন্য; গম্ কাম গরন্ এধোক্ক্যেন কনজন নেই।

গীতসংহিতা 53:3

তে দেগিলোদে বেক্কুনে ঠিগ্ পদত্তুন্ সুরি যেইয়োন, বেক্কুনে একসমারে ভান্ন্যেই ওই যেইয়োন; গম্ কাম গরন্ এবাবোত্যে কনজন নেই, একজন্‌অ নেই।

গম্ উপদেজ্ 15:25

লগেপ্রভু বাড়্‌বো গুরিয়্যেগুনোর ঘরানি ভাঙি ফেলায়, মাত্তর্ তে রানিমিলে দুযিগান ঠিগ্ রাগায়।

গম্ উপদেজ্ 4:23

বেক্কানিত্তুন্ তঅ মনানরে বেশ্ চুগি দিইনে রাগেচ্, কিত্তে মনত্তুন্ তঅ জিংকানিগানর বেক্কানি নিগিলি এজে।

যিশাইয় 59:13

সিয়েনি অলঅ, উল্লোমী আর তরে অস্বিগের্ গরানা, আমা গোজেন ইত্তুন দূরোত্ সুরি যানা, আত্যেচার আর উল্লোমীত্তে উচ্চোমি তুলি দেনা আর মনত্তুন্ মিজে কধা নিগিলেই আনিনে সিয়েনি কনা।

যিশাইয় 59:7

তারার্ টেঙানি পাপ ইন্দি দাবা দাবা যায়; তারা নিদ্দুযি মান্‌জ্যর লো ঝোরেবাত্তে যাদিমাদি যান্। তারার চিদে চজ্জানি বেক্কানি বজং আর তারার পথ্‌‍‌‌‌‌তানিত্ ভস্ত আর সর্বনাশ থায়।

যিরমিয় 16:12

মাত্তর্ তুমি তমা পুরোণি মানুচ্চুনোত্তুন বেশ্ ভান্ন্যেই গুরি চোল্য। চঅ, তুমি পত্তিজনে মর্ কধামজিম ন-চলিনে কিবাবোত্যে গুরিনে তমা ভান্ন্যেই মনর্ এক কুপ্পে গুরি চলর্।

যিরমিয় 17:9

মনান্ বেগত্তুন্ বেশ ঠগ্, তারে কনঅ বাবদে গম্ গরা ন-যায়। কনজনে মান্‌‍‌‍‍জ্যর্ মনানি বুঝি ন-পারে।

যিরমিয় 4:14

ও যিরূশালেম, তঅ মনানত্তুন্ ভান্ন্যেয়ানি ধোই ফেলা যেনে তুই উদ্ধোর্ পাজ্। আর কয়দিন তুই ভান্ন্যেই চিন্তে মনত্ জমা রাগেবে?

যিহিষ্কেল 38:10

সেদিন্যে তঅ মনত্ নানান্ চিন্তে এবঅ আরঅ তুই এক্কান কুজুরোমি মনত্ আনিবে।

মথি লেখ্যে গম্ হবর্ 15:19

মনত্তুন্ ভান্ন্যেই চিন্তে, খুন, নানান্ বাবোত্যে বেভিচের্, চুর্, মিজে মাদানা আর ইংসে-নিন্দে নিগিলি এজে।

মথি লেখ্যে গম্ হবর্ 9:4

যীশু তারার্ মন কধা কোই পারিনে কলঅ, “তুমি মনে মনে ভান্ন্যেই চিন্তে কিত্তে গরর্?

মার্ক 7:20

যীশু আরঅ কলঅ, “মান্‌জ্য ভিদিরেত্তুন্ যিয়েনি নিগিলি এজে সিয়েনিই মান্‌জ্যরে অসিজি গরে,

মার্ক 7:22

লুভি অনা, অন্যরে ক্ষতি গুরিবার্ আওজ্, ছলনা, বজং খাচ্চ্যত্, ইংসে, নিন্দে, বার্ গরানা আর মূর্খকামানি নিগিলি এজে।

লূকে লেখ্যে গম্ হবর্ 16:15

সেক্কে যীশু তারারে কলঅ, তুমি মান্‌জ্য মুজুঙোত্ নিজোরে ধার্মিক দেগেই থাগঅ, মাত্তর্ গোজেনে তমা মন কধা কোই পারে। মান্‌জ্যে যিয়েন সর্মানি মনে গরন্ গোজেন চোগোত্ সিয়েন ঘিনাইদ্যে জিনিস।

প্রেরিত্‌ 5:4

বেজিবার আগেদি ভূইয়ান কি তর্ ন-এলঅ? আর বেজানার্ পরেদিয়ো কি টেঙাগুন্ তঅ আদত্ ন-এলঅ? সালে তুই কিত্ত্যে এবাবোত্যে কাম্ গুরিবে বিলিনে থিক্ গোল্ল্যে? তুই মান্‌জ্য ইধু মিজে ন-কচ্, মাত্তর্ গোজেন ইধু মিজে কধা কোইয়োচ্।”

প্রেরিত্‌ 8:22

এ ভান্ন্যেয়ত্তুন্ তুই তর্ মনান্ ফিরে আর প্রভু ইধু তবনা গর্; সালে তঅ মনর্ এই ভান্ন্যেই চিন্তেগান অয়ত তে খেমায়ো গুরি পারে।

রোমীয় 7:5

আমি যেক্কে পাপ খাচ্চ্যদর্ অধীনোত্ এলং সেক্কে আইন-কানুনানি আমা ভিদিরে পাপর্ কামনা-বাসনা জাগেই তুলিদো আর সেই কামনা-বাসনাগান্ আমা কিয়্যেগান ভিদিরে কাম্ গত্ত; সেনত্তে আমা জিংকানিগানি মরণত্যে ফলবান অদঅ।

রোমীয় 7:8

মাত্তর্ পাপ্‌পানে সেই উগুমোর্ সুযোগে মইধু নানান্ বাবোত্যে লুভ্ জাগেয়্যে, কিয়া রীদি-সুদোম ন-থেলে পাপ্‌পান্ যেন মরা ধোক্ক্যেন্ পড়ি থায়।

কলসীয় 3:5

সেনত্যে তমা পাপ-খাচ্চ্যদ ভিদিরে যিয়েনি আঘে সিয়েনি ভস্ত গুরি ফেলঅ। সিয়েনত্ আঘেদে নানান্ বাবোত্যে সিনেলী, অসিজি, কুবাসনা, ভান্ন্যেই আওজ্ আর লুভ্ যিয়েনরে এক বাবোত্যে মূত্তি পূজোয়ো কুয়ো অয়।

তীত 3:3

আমিয়ো আগে বুদ্ধি-নেইয়্যে আর অবাধ্য এলং, ভুল্ পধেদি চলিদোং, সুগী আর নানান্ বাবোত্যে কামনা-বাসনার চাগর্ এলং। আমি অন্যরে ইংসে গুরিদোং আর ক্ষোতি গুরিবার চিন্তেলোই জিংকানি কাদেদং। নিজে অন্যগুনোত্তুন্ ঈচ্ গরা হেইয়্যে অলেয়ো আমি একজন অারেক জনরে ঘিনেদং।

যাকোব 2:4

সালে তুমি নিজো ভিদিরে কি চিগোন-দাঙর্ ভাবর্ সৃট্টি ন-গরর্ আর ভান্ন্যেই আজালোই কি বিচের্ ন-গরর্?