মার্ক 6:6 - Chakma Bible

⁶ মানুচ্চুনে তারে বিশ্বেজ্ ন-গুরিলাক্ দেগিনে তে খুব আমক্ অলঅ। ইয়েনর্ পরেদি যীশু আদামে আদামে যেইনে মানুচ্চুনোরে শিক্ষ্যে দিয়্যে ধুরিলো।

মার্ক 6:6 ပူးပေါင်းရင်းမြစ်များ

যিশাইয় 59:16

তে দেগিনে আমক্ অলদে, ন্যায়বিচেরর্ তপ্পে থিয়্যেবার কনজন নেই; সেনত্তে তে তার খেমতাবলা আঢ্‌‌‌তান্দোই উদ্ধোরর্ কামানি গুরিলো আর এ কামানত্ তার ন্যায্যতাগানে তারে সাহায্য গুরিলো।

যিরমিয় 2:11

যুনিয়ো জাদ্‌‍‍তুনোর দেব-দেবেদাগুনে গোজেন নয় তো কনঅ জাদে নিজোর্ দেব-দেবেদাগুনোর পরিবত্তন্ ন-গরন; মাত্তর্ মঅ মানুচ্চুনে তারার বাঈনী গরেদে গোজেনর বদলে অপদাত্ত দেবেদাগুনোরে মানি লোইয়োন্। ‍

মথি লেখ্যে গম্ হবর্ 4:23

গালীল রেজ্যর্ বেক্ জাগানিত্ ঘুরি ঘুরি যিহূদীগুনোর নানান্ সমাজ-ঘরত্ যীশু শিক্ষ্যে দিয়্যে ধুরিলো। ইয়েনি বাদেয়ো তে স্বর্গ-রেজ্যর্ গম্ হবরানি ফগদাং গুরিবাত্তে আর মানুচ্চুনোর নানান্ বাবোত্যে পীড়ে গম্ গরা ধুরিলো।

মথি লেখ্যে গম্ হবর্ 8:10

যীশু এ কধাগান শুনিনে আমক্ অলঅ আর যিগুনে তা পিযে পিযে যাদন্ তারারে কলঅ, “মুই তমারে ঘেচ্চেকগুরি কঙর্, ইস্রায়েলীয়গুনো ভিদিরেয়ো এদক্ বিশ্বেজ্‌বলা কারঅ ভিদিরে মুই ন-দেগং।

মথি লেখ্যে গম্ হবর্ 9:35

যীশু শঅরত্ আর আদামে আদামে যেইনে যিহূদীগুনোর সমাজ-ঘরত্ শিক্ষ্যে দিবাত্তে আর স্বর্গ-রেজ্যর্ গম্ হবর্ ফগদাং গরা ধুরিলো। ইয়েনি বাদেয়ো তে মানুচ্চুনোর্ নানান্ বাবোত্যে পীড়েয়ো গম্ গুরিলো।

মার্ক 10:1

পরেদি যীশু সে জাগায়ান্ ফেলেইনে যিহূদিয়া রেজ্যত্ আর যর্দন গাঙর্ অন্য পারত্ গেলঅ। বোউত্ মানুচ্ আরঅ তাইধু এইনে তুবেলাক্। সেক্কে তে তার সুদোম্ মজিম্ মানুচ্চুনোরে শিক্ষ্যে দিয়্যে ধুরিলো।

লূকে লেখ্যে গম্ হবর্ 13:22

আদামে আদামে আর শঅরে শঅরে শিক্ষ্যে দেদে দেদে যীশু যিরূশালেম ইন্দি যাহ্ ধুরিলো।

লূকে লেখ্যে গম্ হবর্ 4:31

পরেদি যীশু গালীল রেজ্যর্ কফরনাহূম শঅরত্ গেলঅ আর জিরেবার্ দিনোত্ মানুচ্চুনোরে শিক্ষ্যে দিলো।

লূকে লেখ্যে গম্ হবর্ 4:44

ইয়েনর্ পরেদি তে যিহূদীগুনো দেজর্ নানান্ বাবোত্যে সমাজ-ঘরত্ ফগদাং গরা ধুরিলো।

যোহন 9:30

সেক্কে সে মানুচ্চো তারারে জোব্ দিলো, “কি আমক্ অবার্ কধা! তুমি কোই ন-পারঅ তে কুত্তুন্ এচ্চ্যে অদচ তেয়ই মঅ চোগ্‌কুন্ মেলি দিয়্যে।

প্রেরিত্‌ 10:38

তুমি ইয়েন-অ কোই পারঅ যে, গোজেনে নাসরতর্ যীশুরে পবিত্র আত্মালোই আর খেমতালোই অভিষেগ্ গোজ্যে। গোজেনে তা সমারে এলঅ বিলিনে তে গম্ কাম গুরিনে বেড়েদ আর শদান আঢত্ যিগুনে দুঘ্ পেদাক্ তারারে বেক্কুনোরে গম্ গুরিদো।