মার্ক 6:34 - Chakma Bible

³⁴ যীশু নৌকোত্তুন্ লামিনে সয়-সাগোজ্যে মানুচ্ দেগিলো। এ মানুচ্চুনোত্তে যীশুর ভারী মেয়্যে অলঅ কিয়া ইগুনোর দশাগান গরক্ নেইয়্যে ভেড়া ধোক্ক্যেন এলঅ। যীশু তারারে ভালোক্কানি পৌইদ্যেনে শিক্ষ্যে দিয়্যে ধুরিলো।

মার্ক 6:34 ပူးပေါင်းရင်းမြစ်များ

১ রাজাবলী 22:17

জোবত্‌ মীখায় কলদে, “মুই চেলুং, ইস্রায়েলীয়গুনে বেক্কুনে গরক্‌নেইয়্যে ভেড়া ধোক্ক্যেন্ মুড়োবো উগুরে ছিদি পোজ্যন্‌। সেনত্তে লগেপ্রভু কলঅ, ‘ইগুনোর্‌ কনঅ গিরোজ্‌ নেই, সেনত্তে তারা গমেডালে যে যার্‌ ঘরত্‌ যাদোক্‌।’”

২ বংশধর 18:16

জোবত্‌ মীখা কলঅ, “মুই দেগিলুং, ইস্রায়েলীয়গুনে বেক্কুনে গরক্‌নেইয়্যে য়েমান ধোক্ক্যেন মুড়োমুড়ি উগুরে ছিদি পোজ্যে। সেনত্তে লগেপ্রভু কলঅ, ‘ইগুনোর্‌ কনঅ গিরোজ্‌ নেই, সেনত্তে তারা সুগে-শান্দিয়্যে যে যার্‌ ঘরত্‌ যাদোক্‌।’ ”

যিশাইয় 13:14

শিগের্ গুরিবাত্তে লড়া হেইয়্যে উরিঙো ধোক্ক্যেন্, গরক্ বাদে ভেড়া ধোক্ক্যেন্ পত্তিজনে তার নিজো মানুচ্চুনো ইদু ফিরি যেবাক্, পত্তিজনে তার্ নিজো দেজত্ ধেই যেবাক্।

যিরমিয় 50:6

মঅ মানুচ্চুন আড়েয়্যে ভেড়া ধোক্ক্যেন্ ওইয়োন; তারার গরগ্‌‌কো তারারে ভান্ন্যেই পধেদি নেযেয়্যে। সে গরগ্‌‌কুনোর কারনে তারা মুড়ো-মুড়ি ঘুরি বেড়েয়োন আর নিজো জিরেবার জাগান কধা ভুলি যেইয়োন।

যিহিষ্কেল 34:5

পালক নেই বিলিনে তারা ছিদি পোজ্যন্ আর ঝার য়েমানর্ হানা ওইয়োন।

সখরিয় 10:2

মূত্তিগুনে ছলনার কধা কন্, গোণোক্ক্যেগুনে মিজে দর্শন দেগান; তারা যে স্ববনর কধাগান কন্ সিয়েন মিজে, আর তারা মিজে সান্তনা দুয়োন। সেনত্তে মানুচ্চুনে অত্যেচারিত্ ওইনে ভেড়া ধোক্ক্যেন ঘুরি বেড়ান্, কিত্যে তারার্ গরক্ নেই।

মথি লেখ্যে গম্ হবর্ 14:14

যীশু নৌকোত্তুন্ লামিনে সয়-সাগোজ্যে মানুচ্ দেগিলো আর মেয়্যে লাগিনে তারা ভিদিরে যিগুনে অসুগ্ এলাক্ তারারে গম্ গুরিলো।

মথি লেখ্যে গম্ হবর্ 15:32

ইয়েনর্ পরেদি যীশু তা শিচ্চ্যগুনোরে ডাগিনে কলঅ, “এ মানুচ্চুনোত্তে মর্ মেয়্যে লাগের্, কিয়া এচ্চ্যে তিন দিন অলঅ ইগুনে মঅ লগে লগে আগন্, আর ইগুনো ইধু কনঅ হানা নেই। এ অবস্থায় মুই ইগুনোরে বিদেয় দিবাত্তে ন-চাং; অয়ত বা তারা পদথ্ অজ্ঞান্ ওই পড়িবাক্।”

মথি লেখ্যে গম্ হবর্ 9:36

মানুচ্চুনোর গেজাঘেস্যে দেগিনে তারাত্তে তার্ মেয়্যে অলঅ, কিয়া তারা গরক্ নেইয়্যে ভেড়া ধোক্ক্যেন্ অরান্ আর অসহায় এলাক্।

মার্ক 6:33

তারারে যাদে দেগিনে ভালোক্কুন্ মান্‌জ্যে তারারে চিনি পারিলাক্ আর কায়কুরে আদামত্তুন্ দাবা যেইনে তারার্ আগেদি সিয়েনত্ লুমিলাক্।

মার্ক 6:35

যেক্কে দিন্নো থুম্ ওই এলঅ সেক্কে শিচ্চ্যগুনে এইনে যীশুরে কলাক্, “জাগায়ান্ নিরিবিলি, বেলান্ পেরায় ডুপ্পেগোই।

মার্ক 8:1

পরেদি আরঅ একদিন্যে বোউত্ মান্‌জ্যর্ ভিড় অলঅ। এই বেক্ মানুচ্চুনো ইধু কনঅ হানা ন-এলঅ বিলি যীশু তা শীচ্চ্যগুনোরে ডাগিনে কলঅ,

মার্ক 8:2

“এ মানুচ্চুনোত্তে মর্ চিৎ পুরের্, কিয়া এইচ্চ্যে তিনদিন অলঅ ইগুনে মঅ লগে লগে আগন্, আর ইগুনো ইধু কনঅ হানা নেই।

লূকে লেখ্যে গম্ হবর্ 9:11

সেই হবরান্ হবর্ পেইনে বোউত্ মানুচ্ যীশু পিজে পিজে গেলাক্। তে সেই মানুচ্চুনোরে মানি ললঅ আর তারা ইধু গোজেন রেজ্যর্ কধা কলঅ। ইয়েনি বাদেয়ো যিগুনোর্ গম্ অবার্ দরকার এলঅ তে তারারে গম্ গুরিলো।

ইব্রীয় 2:17

সেনত্যে যীশুত্তুন্ বেক্কানিন্দি তা ভেইয়ুনো ধোক্ক্যেন উয়ো পল্ল, যেনে তে এক্কো দোয়্যেলু আর বিশ্বেজি দাঙর্ ধর্মগুরু ইজেবে গোজেনর্ সেবা গুরি পারে। ইয়েনর উদ্দেচ্চ্যগান অলঅ, তে যেন নিজোর্ মরণানরে দিইনে মান্‌জ্যর পাপ্পানি দূর্ গুরিনে গোজেনরে হুজি গরে।

ইব্রীয় 4:15

আমা দাঙর্ ধর্মগুরুবো এমন্‌ কেঅ নয় যিবে আমা বল্‌পোজ্যেগানিত্যে আমা সমারে পিড়ে ন-পায়, কিয়া আমা ধোক্ক্যেন গুরি তেয়ো বেক্কানিত্তুন্ পাপ পোরোক্ষ্যে মুজুঙোত্ থিয়্যেইয়্যে অদচ পাপ ন-গরে।