মার্ক 6:21 - Chakma Bible

²¹ শেজদি হেরোদিয়া সুযোগ্‌কো পেলঅ। ইবে অলদে এক্কো হেরোদর জর্মদিন, যেক্কেনে তে রেজ্যর্ উগুরে কত্তাগুন, সেনাপতি আর গালীল রেজ্যর্ আজল্ নেতাগুনোত্তে এক্কো হানা দিলো।

মার্ক 6:21 ပူးပေါင်းရင်းမြစ်များ

পত্থম 27:41

যাকোবে তা বাবত্তুন্‌ বর্ পেইয়্যে বিলিনে এষৌ তারে ইংসে গরা ধুরিলো। তে মনে মনে কলঅ, “আমা বাপ্পোত্তে আবিলেজ্ গুরিবার দিনুন ঘোনেই এজের্‌। সে পরেদি মুই মঅ ভেই যাকোবরে মারে ফেলেম।”

পত্থম 40:20

এই তিন্‌ দিনোত্‌ ফরৌণে তা তলেদি যে মানুচ্চুনে কাম্‌ গুরিদাক্‌ তারারে এক্কো হানা হাবেল। সেদিন্যে এলঅ তার্‌ জর্মদিন। ফরৌণে সেদিন্যে তার্‌ পানীয় ভাগগুরি দিয়্যেগুনোর নেতাবোরে আর রুটি বানেয়্যেগুনোর নেতাবোরে নিগিলেনে সে মানুচ্চুনো মুজুঙোত্ আনিলো।

ইষ্টের 2:18

সে পরেন্দি রাজা তার্‌ দাঙর্‌ পোজিশনর্‌ মানুচ্চুনোরে আর তার্‌ কামর্‌ সদ্দারুনোত্তেই ইষ্টেরর্ হানা নাঙে এক্কো দাঙর্‌ হানা দিলো। তে বেক্‌ জাগানির্‌ মানুচ্চুনোত্তে ছুটি ফগদাং গুরি দিলো আর খুলো আত্তোই বোউত্‌ দান গুরিলো।

ইষ্টের 3:7

রাজা অহশ্বেরশর রাজাগিরর্‌ বার বজরর্‌ পত্তম্ মাজত্‌, অত্তাৎ নীষণ মাজত্‌ এক্কো দিন আর মাস বেঈ লবাত্তে মানুচ্চুনে হামনর মুজুঙোত্‌ পূর, অত্তাৎ চাম্বা চাহ্ ধুরিলাক্‌। সেক্কে বার মাজর্‌, অত্তাৎ অদর মাজ বেপারে চাম্বা উদিলো।

হোশেয় 7:5

রাজার উৎসব দিনোত্ রাজার্ কামগুরিয়্যেগুনে আংগুর-রস হেইনে উচ্চোমী ওইয়োন আর রাজা সেই ঠাট্টা-ঘিনেয়্যেগুনো লগে আত্ মিলেয়োন।

লূকে লেখ্যে গম্ হবর্ 3:1

রোম-সম্রাট তিবিরিয় কৈসরর্ রাজাগিরির্ পনর বজরত্ যিহূদিয়া রেজ্যর্ আজল্ শাসনগুরিয়্যে এলদে পন্তীয় পীলাত। সেক্কে হেরোদে গালীল রেজ্যত্ আর তা ভেই ফিলিপে যিতূরিয়া রেজ্যত্ আর ত্রাখোনীতিয়াত্ শাসন গুরিদাক্। লুষানিয়া এলদে অবিলীনীর শাসনগুরিয়্যে,

প্রেরিত্‌ 25:23

তার্ কেল্যে রাজা আগ্রিপ্প আর বর্ণীকী আজল্ সেনাপতিগুনোরে আর শঅরর্ আজল্ আজল্ মানুচ্চুনোরে লোইনে সয়-সাগোজ্যে গুরি সভা-ঘরত্ সোমেলাক্। ফীষ্টর্ উগুমে পৌলরে সিধু আনা অলঅ।

১ পিতর 4:3

যিগুনে গোজেনরে ন-জানন্ তারা ধোক্ক্যেন তুমিয়ো আগে পর্‌‌পাগোল্যে ওইনে, ভান্ন্যেই কামনা-বাসনালোই থেইনে, মাত্তল্ গুরিনে, হৈ-হল্লা গুরি মদ খেইনে আর হানা-দানা গুরি আর জঘন্য মুত্তি-পূজো গুরিনে বোউত্ সময় কাদেয়ো।

ফগদাং পেইয়্যে 11:10

তারা সিগুনোর্ কিয়্যেগানি গোরত্ দিবাত্যে ন-দিবাক্। তারা মুরি যেয়োন বিলিনে যিগুনে এ পিত্‌থিমীর সিগুনে হুজি অবাক্ আর ফুত্তি গুরিবাক্। মানুচ্চুনে একজন আরেকজনরে বক্‌শিজ্ পাধেবাক্, কারন যিগুনে এ পিত্‌থিমীর তারা এই দ্বিজন ভাববাদীত্যে দুঘ্ পেইয়োন।