মার্ক 5:40 - Chakma Bible

⁴⁰ এ কধাগান শুনিনে মানুচ্চুনে আযাআযি গরা ধুরিলাক্। সেক্কে যীশু তারারে বেক্কুনোরে ঘরত্তুন্ বারেদি যেবাত্তে কলঅ। সে পরেদি তে মিলেবোর্ মা-বাবরে আর তা সমারে শিচ্চ্যগুনোরে নিইনে মিলেবো যে ঘরানত্ এলঅ সেই ঘরানত্ সোমেল।

মার্ক 5:40 ပူးပေါင်းရင်းမြစ်များ

পত্থম 19:14

সেক্কে লোটে বারেন্দি যেইনে যিগুনে তার জামেই অবাক্‌ তারারে কলঅ, “তুমি যাদিমাদি এ জাগাগান্‌ ছাড়ি যগোই কিত্তে লগেপ্রভু এ শঅরান্‌ ভস্ত গুরিবাত্তে যুক্কোল ওই আঘে।” মাত্তর্‌ তারা মনে গুরিলাক তে বিগিদি গরের্‌।

২ রাজাবলী 4:33

সেক্কে তে গায় গায় সে ঘরত্‌ সুমিনে দোরান্‌ বানি দিলো আর লগেপ্রভু ইদু তবনা গুরিলো।

নহিমিয় 2:19

মাত্তর্‌ হোরণীয় সন্‌বল্লট, অম্মোনীয় মুরুব্বী টোবিয় আর আরবীয় গেশম্‌ এ কধাগান শুনিনে আমারে ঘিনা ধুরিলাক্‌। তারা কলাক্‌, “তুমি ইয়েন কি গরর্‌? তুমি কি রাজার বিরুদ্ধে উল্লোমি গুরিবা?”

ইয়োব 12:4

মুই গোজেনরে ডাগিদুঙ্‌ আর তে মরে জোব্‌ দিদো, তো মঅ সমাজ্যেগুনো ইদু মুই এক্কো আজিবার্‌ মানুচ্‌ ওইয়োং; গম্‌ আর নিদ্দুযি অলেয়ো মুই ইক্কিনে আজিবার্‌ মানুচ্‌ বাদে আর কিচ্ছু নয়।

গীতসংহিতা 22:7

যিগুনে মরে রিনি চান্ তারা বেক্কুনে মরে ঠাট্টা গরন্। তারা মরে মু ভেঙান্, আর মাধাবো লাড়েইনে কন্,

মথি লেখ্যে গম্ হবর্ 15:11

মুয়ো ভিদিরে যিয়েনি যায় সিয়েনি মান্‌জ্যরে অসিজি ন-গরে, মাত্তর্ মুয়ো ভিদিরেত্তুন্ যিয়েনি নিগিলি এজে সিয়েনি মান্‌জ্যরে অসিজি গরে।”

মথি লেখ্যে গম্ হবর্ 7:6

যিয়েন পবিত্র সিয়েন কুগুরোরে ন-দুয়ো। শুগোরো মুজুঙোত্ তমা মুক্তাবো ন-ছিত্য। অয়ত তারা সিগুন তারার্ টেঙত্ তলে ঊরিবাক্ আর ফিরিনে তমারে কট্টা কট্টা গুরি ছিনি ফেলেবাক্।

মার্ক 5:39

যীশু ভিদিরে যেইনে মানুচ্চুনোরে কলঅ, “তুমি কিত্তে কোল্-কোজ্যে আর কানাকুদি গরর্? মিলেবো ন-মরে, ঘুম্ যাত্তে।”

মার্ক 5:41

মিলেবোর্ বয়চ এলঅ বার বজর্। যীশু মিলেবো আঢ্‌তান ধুরিনে কলঅ, “টালিথা কুম্‌,” অত্তাৎ “চিজি, তরে কঙত্তে, উঠ্।” আর সেক্কেনে মিলেবো উদিনে আঢি বেড়া ধুরিলো। সেক্কে তারা অমকদ আমক্ ওই গেলাক্।

লূকে লেখ্যে গম্ হবর্ 16:14

এ বেক্‌ কধানি শুনিনে ফরীশীগুনে যীশুরে ঠাট্টা গরা ধল্ল্যাক্, কিয়া তারা টেঙা-পৌইজ্যে বেশ্ কোচ্‌পেদাক্।

প্রেরিত্‌ 17:32

মরণত্তুন্ আরঅ জেদা ওই উদিবার্ কধা শুনিনে মানুচ্চুনোত্তুন্ কয়েকজনে মুয়োনি বেঙা গুরিলাক্, মাত্তর্ অন্যগুনে কলাক্, “এ পৌইদ্যেনে তমা কধানি আমি আরঅ শুনিবোং।”