মার্ক 5:35 - Chakma Bible

³⁵ যীশু সেক্কেয়ো কধা কর্, এমন্ সময়োত্ সেই সমাজ-ঘরর্ নেতাবো যায়ীর ঘরত্তুন্ কয়েক্কো মানুচ্ এইনে যায়ীররে কলাক্, “তঅ ঝিবো মুরি যেইয়্যে; প্রভুরে আর দুঘ্ ন-দিচ্।”

মার্ক 5:35 ပူးပေါင်းရင်းမြစ်များ

মথি লেখ্যে গম্ হবর্ 26:10

যীশু এ কধাগান্ বুঝি পারিনে শিচ্চ্যগুনোরে কলঅ, “তুমি এ মিলেবোরে দুঘ্ দুয়োর্ কিত্যে? তে দঅ মত্তে গম্ কাম্ গোজ্যে।

মথি লেখ্যে গম্ হবর্ 26:18

যীশু তারারে কলঅ, “শঅর ভিদিরে যেইনে সে মানুচ্চোরে কঅ, মাষ্টরবাবু কত্তে, ‘মঅ সময়ান্ কায়কুরে লুম্মেগি। মঅ শিচ্চ্যগুনো সমারে মুই তঅ ঘরত্ উদ্ধোর্-পরব্ পালন্ গুরিম্।’ ”

মথি লেখ্যে গম্ হবর্ 9:18

যীশু মানুচ্চুনো ইধু যেক্কে এই বেক্ কধানি কর্ সেক্কে এক্কো যিহূদী নেতা তাইধু এলঅ আর তারে সালাম্ গুরিনে কলঅ, “মঅ ঝিবো ইক্কিনে মুরি গেলঅ। মাত্তর্ তুই এইনে তা উগুরে আঢ্‌তান থঅ, সিয়েন্দোই তে জেঁই উদিবো।”

মার্ক 10:17

যীশু পধেদি আরঅ যেক্কে যাহ্ ধুরিলো সেক্কে এক্কো মানুচ্ দাবা দাবা তাইধু এলঅ আর তা মুজুঙোত্ আঢু পাড়িনে পুযোর্ গুরিলো, “ও মাষ্টরবাবু, উমর জিংকানি পেবাত্তে মুই কি গুরিম্?”

মার্ক 5:22

সে অক্তত্ যায়ীর নাঙে যিহূদী সমাজ-ঘরর্ এক্কো নেতা সিয়েনত্ এলঅ আর যীশুরে দেগিনে তা টেঙ উগুরে মাঢা নিগিরি পড়িলো।

লূকে লেখ্যে গম্ হবর্ 8:49

যীশু সেক্কেয়ো কধা কর্ এমন সময় সেই সমাজ-ঘরর্ নেতাবো ঘরত্তুন্ একজনে এইনে কলঅ, তঅ ঝিবো মুরি যেইয়্যে; প্রভুরে আর দুঘ্ ন-দিচ্।

যোহন 11:21

মার্থা যীশুরে কলঅ, “প্রভু, তুই যুনি ইধু থেদে সালে মঅ ভেইবো মুরি ন-যেদঅ।

যোহন 11:25

যীশু মার্থারে কলঅ, “মুয়ই পুনরুত্থান্ (জেই উত্তোং) আর জিংকানিগান্। যে মঅ উগুরে বিশ্বেজ্ গরে, তে মল্লেয়ো জেদা অবঅ।

যোহন 11:28

এ কধাগান্ কোইনে মার্থা যেইনে তা বোন মরিয়মরে চুবেচুবে ডাগিনে কলঅ, “মাষ্টরবাবু ইয়েনত্ আঘে আর তরে ডাগের্।”

যোহন 11:32

যীশু যিয়েনত্ এলঅ মরিয়মে সিয়েনত্ গেলঅ আর তারে দেগিনে তা টেঙ উগুরে পুড়িনে কলঅ, “প্রভু, তুই যুনি ইধু থেদে সালে মঅ ভেইবো ন-মত্ত।”

যোহন 11:39

যীশু কলঅ, “পাত্তর্‌বো সরঅ।” যে মুরি যেয়্যে তা বোন মার্থা যীশুরে কলঅ, “প্রভু, ইক্কিনে পচাবাচ্‌ ওইয়্যে, কিয়া চের্ দিন অলঅ তে মুরি যেয়্যে।”

যোহন 5:25

মুই তমারে ঘেচ্চ্যেক্‌গুরি কঙর্, এন্ অক্ত এজের্, বরং ইক্কিনে এচ্চ্যে, যেক্কে মরাগুনে গোজেন পুয়োবোর্ কধা রঅ শুনিবাক্ আর যিগুনে শুনিবাক্ সিগুনে জেদা অবাক্।