মার্ক 5:34 - Chakma Bible

³⁴ যীশু তারে কলঅ, “মা, তুই বিশ্বেজ্ গোজ্যস্ বিলি গম্ ওইয়োচ্। সুগে-শান্দিয়্যে যাহ্, তর্ আর এ দুঘ্‌কান ন-ওক্।”

মার্ক 5:34 ပူးပေါင်းရင်းမြစ်များ

২ রাজাবলী 5:19

ইলীশায় কলঅ, “তুই মনর্ সুগে আদি যাহ্।” নামানে তার্‌ কায়-কুরেত্তুন্‌ কিজু দূরোত্‌ যানার্‌ পরেন্দি গোজেন মানুচ্‌ ইলীশায়র চাগর্‌ গেহসি মনে মনে কলঅ, “সে অরামীয় নামানে যিয়েন্‌ আন্যে সিয়েন্‌ গুজি ন-লোইনে মঅ গিরোজ্‌সো এমনেই তারে ইরি দিয়্যে। জেদা লগেপ্রভুর দিব্য, মুই তা পিজেন্দি ধাবা যেইনে তাত্তুন্‌ কিজু চেম্বোই।”

উপদেশক 9:7

সেনত্তে তুই যেইনে হুজিয়ে রাজিয়ে তঅ হানাগান্ হা আর মনঅ হুজিয়ে আংগুরো-রস্ হা, কিত্তে তর্ এ কামানি গোজেনে আগে এলাফেলা গোজ্যে।

লেবীয় 14:48

“মাত্তর্‌ সে ঘরান্‌ লিবি দেনার্‌ পরেদি ধর্মগুরুবো সিয়েন্‌ চাগি চেবাত্তে এইনে যুনি দেগেদে ফারাঙিগান ছিদিনে ন-পড়ে সালে ঘরান তে সুদ্ধো-সাংগ বিলি ফগদাঙ্‌ গুরিবো, কিত্তে সে ঘরান্‌ আর ফারাঙি-ধোজ্যে অবস্থায়্‌ নেই।

মথি লেখ্যে গম্ হবর্ 9:2

মানুচ্চুনে সেক্কে বিচ্ছোনত্ পড়ি থেইয়্যে এক্কো বেসৎ-পীড়েল্যেরে তাইধু আনিলাক্। সে মানুচ্চুনোর বিশ্বেজ্ দেগিনে যীশু সেই পীড়েল্যেবোরে কলঅ, “সাহচ গর্, ও গাবুজ্যে, তঅ পাপ্‌পান খেমা গরা অলঅ।”

মথি লেখ্যে গম্ হবর্ 9:22

যীশু ফিরিনে তারে দেগিনে কলঅ, “সাহস গর্, মা! তুই বিশ্বেজ্ গোজ্যস্ বিলি গম্ ওইয়োচ্।” সেই সময়ত্তুন্ ধুরি মিলেবো গম্ অলঅ।

মার্ক 10:52

যীশু তারে কলঅ, “যাহ্, তুই বিশ্বেজ্ গোজ্যস্ বিলি গম্ ওইয়োচ্।” সিয়েন্দোই মানুচ্চো সেক্কে লগে লগে চোগেদি দেগিলো আর পধেদি যীশুর পিজে পিজে যাহ্ ধুরিলো।

মার্ক 3:10

তে বোউত্ মান্‌‌‌‌জ্যরে গম্ গোজ্যে বিলি পীড়েল্যেগুনে তারে ধুরিবাত্তে ঠেলাঠিলি গত্তন্।

মার্ক 5:29

যীশুর কাবড়ান্ ধরানার্ লগে লগে তার মাসিক্ অনাগান্ বন্ধ অলঅ আর তে তার নিজো কিয়্যেগান ভিদিরে বুঝিলো তা অসুগ্‌কান গম্ ওই যেইয়্যে।

মার্ক 5:33

সে মিলেবোর্ যিয়েন্ ওইয়্যে সিয়েন্ বুঝিনে তে গির্‌গিরেদে গির্‌গিরেদে এইনে যীশুর্ টেঙত্ পড়িলো আর বেক্কানি জানেল।

লূকে লেখ্যে গম্ হবর্ 17:19

সে পরেদি যীশু মানুচ্চোরে কলঅ, “উদিনে যাগোই। বিশ্বেজ্‌ গোজ্যচ্ বিলি তুই গম্ ওইয়োচ্।”

লূকে লেখ্যে গম্ হবর্ 18:42

যীশু তারে কলঅ, “ঠিগ্ আঘে, সিয়েনই ওক্‌। তুই বিশ্বেজ্ গোজ্যস্ বিলি গম্ ওইয়োচ্।”

লূকে লেখ্যে গম্ হবর্ 7:50

যীশু সেক্কে সেই মিলেবোরে কলঅ, “তুই বিশ্বেজ্ গোজ্যস্ বিলি পাপত্তুন্ উদ্ধোর্ পেইয়োচ্। সুগে-শান্দিয়্যে যাহ্।”

লূকে লেখ্যে গম্ হবর্ 8:48

সেক্কে যীশু সে মিলেবোরে কলঅ, “মা, তুই বিশ্বেজ্ গোজ্যস্ বিলি গম্ ওইয়োচ্। সুগে-শান্দিয়্যে যাহ্।”

প্রেরিত্‌ 14:9

তে পৌল কধা শুনের্। সেক্কে পৌলে সোজা তা ইন্দি রিনি চেলঅ আর গম্ অবাত্তে তা বিশ্বেজ্‌‌চান আঘে দেগিনে তারে দাঙর্ গুরি ডাগিনে কলঅ, “তঅ ঠেঙানিত্ ভর্ দিইনে থিয়্যে।” সেক্কে মানুচ্চো ফাল্ মারি উদিনে আঢি বেড়া ধোল্ল্য।

প্রেরিত্‌ 15:33

আন্তিয়খিয়াত্ তারা কয়েক দিন কাদেলাক্। যিরূশালেমর্ যিগুনে যিহূদা আর সীলরে আন্তিয়খিয়াত্ পাধেয়োন, আন্তিয়খিয়ার্ ভেইয়ুনে তারারে ভালেদি জানেইনে যিহূদা আর সীলরে আরঅ তারা ইধু ফেরৎ পাধেই দিলাক্,

প্রেরিত্‌ 16:36

সেক্কে জেল-চুগিদার্‌বো পৌলরে কলঅ, “তরে আর সীলরে ইরি দিবাত্যে শাসনগুরিয়্যেগুনে কোই পাধেয়োন। তুমি ইক্কিনে নিগিলি এজঅ আর গমেডালে যগোই।”

যাকোব 2:16

এ অবস্থায় যুনি তমাত্তুন্ কেঅ তারে কয়, “তর্ মংগল ওক্‌, হেইনে-পিনিনে গম থাগঅ,” অদচ তার্ অভাব্‌পান কাদেবার কনঅ বেবস্থা ন-গরে সালে সিয়েন্দোই তার্ কি উপকার অবঅ?

১ শমূয়েল 1:17

সেক্কে এলি কলঅ, “তর্‌ মনান্‌ শান্ত ওক্। ইস্রায়েলীয়গুনোর গোজেন ইদু তুই যিয়েনি চেয়োচ্‌ সিয়েনি যেনে তে তরে দে।”

১ শমূয়েল 20:42

যোনাথনে দায়ূদোরে কলঅ, “তুই নিচিদেগুরি আদিচ্‌, কিত্যে আমি লগেপ্রভুর নাঙে একজন আরেকজন ইদু শমক্‌ গুরিনে কোইয়্যেই, ‘লগেপ্রভু তর্‌ আর মঅ ভিদিরে আর তর্‌ আহ্‌ মর্‌ বংশধরুনো ভিদিরে জিংকানিবর্‌ সাক্ষী থেবঅ।’ ” ইয়েনর পরেন্দি দায়ূদে বিদায় নেযেল আর যোনাথনে শঅরত্‌ যেইনে ফিরি গেলঅ।