মার্ক 5:24 - Chakma Bible

²⁴ সেক্কে যীশু তা সমারে গেলঅ। বোউত্ মানুচ্ যীশুর্ লগে লগে যাদন্ আর তা চেরোকিত্তে ঠেলাঠিলি গত্তন্।

মার্ক 5:24 ပူးပေါင်းရင်းမြစ်များ

মার্ক 3:20

যীশু ঘরত্ এযানার্ পরেদি আরঅ এদক্ মানুচ্ তা মুজুঙোত্ তুবেলাক্ যে, তে আর তা শিচ্চ্যগুনে কিজু হেবাত্তেয়ো ন-পেলাক্।

মার্ক 5:23

তে যীশুরে কোজোলী গুরি কলঅ, “মঅ ঝিবো মুরি যেবার্ অক্ত ওইয়্যে। তুই এইনে তা উগুরে তঅ আঢ্‌তান রাগা; সেক্কে তে গম্ ওই উদিবো।”

মার্ক 5:25

সেই ভিড়ো ভিদিরে এক্কো মিলে এলঅ যে বার বজর্ ধুরিনে মিলেপীড়েত্ ভুগের্।

মার্ক 5:31

তা শিচ্চ্যগুনে কলাক্, “তুই দঅ দেখ্যচ্ মান্‌‌জ্যে তঅ চেরোকিত্তে ঠেলাঠিলি গত্তন্, আর তো তুই কত্তে, কন্না তরে ধুরিলো?”

লূকে লেখ্যে গম্ হবর্ 11:29

আরঅ মানুচ্ যীশুর্ চেরোকিত্তে থুবো ধুরিলাক্। সেক্কে যীশু কলঅ, এ কালর্ মানুচ্চুনে বজং। তারা অামক্ অবার চিহ্নো তগান্ মাত্তর্ ভাববাদী যোনার্ আমক্ অবার্ চিহ্নোগান বাদে আর কনঅ চিহ্নো তারারে দেগা ন-অবঅ।

লূকে লেখ্যে গম্ হবর্ 12:1

এ ভিদিরে আজার্ আজার্ মানুচ্‌ এমন্‌ গুরি থুবেলাক্ যে, তারা ঠেলাঠেলি গুরি একজন অন্যজন উগুরে পত্তন্। সেক্কে যীশু পত্তমে তা শিচ্চ্যগুনোরে কলঅ, ফরীশীগুনোর্ সদাগানিত্তুন্ উজিয়ার্ অ। সেই সদাগান্ অলঅ তারার্ ভন্ডামী।

লূকে লেখ্যে গম্ হবর্ 19:3

যীশু কন্না, সিয়েন তে চেবাত্তে চেষ্টা গরের্, মাত্তর্ বাদি এলঅ বিলি ভিড়োত্তে তারে দেগা ন-যার্।

লূকে লেখ্যে গম্ হবর্ 7:6

সেক্কে যীশু তারা সমারে গেলঅ। তে সেই ঘর কায়কুরে লুমোনার্ পরেদি সেই সেনাপতিবো তা সমাজ্যেগুনোরে দিইনে কোই পাধেল, “প্রভু, আর্ দুঘ্ ন-গুরিচ্, কিয়া তুই যে মঅ ঘরত্ সোমেবে সিয়েনর্ যগাজ্যে মুই নয়।

লূকে লেখ্যে গম্ হবর্ 8:42

তে যীশুরে তা ঘরত্ এবাত্তে কোজোলী গরা ধুরিলো, কিয়া তার বার বোজোজ্যে এক্কোগুরি ঝি মরং মরং ওইয়্যে। যীশু যেক্কে যার্ সেক্কে মানুচ্চুনে তা চেরোকিত্তেদি ভিড়্ গুরিনে ঠেলাঠিলি গত্তন্।

লূকে লেখ্যে গম্ হবর্ 8:45

সেক্কে যীশু কলঅ, “কন্না মরে ধুরিলো?” বেক্কুনে অস্বীগের্ গরানার্ পরেদি পিতর আর তা সমাজ্যেগুনে যীশুরে কলাক্, “গুরু, মানুচ্চুনে তঅ চেরোকিত্তে চাপাচাপি গুরি তঅ উগুরে পত্তন্।”

প্রেরিত্‌ 10:38

তুমি ইয়েন-অ কোই পারঅ যে, গোজেনে নাসরতর্ যীশুরে পবিত্র আত্মালোই আর খেমতালোই অভিষেগ্ গোজ্যে। গোজেনে তা সমারে এলঅ বিলিনে তে গম্ কাম গুরিনে বেড়েদ আর শদান আঢত্ যিগুনে দুঘ্ পেদাক্ তারারে বেক্কুনোরে গম্ গুরিদো।