মার্ক 5:23 - Chakma Bible

²³ তে যীশুরে কোজোলী গুরি কলঅ, “মঅ ঝিবো মুরি যেবার্ অক্ত ওইয়্যে। তুই এইনে তা উগুরে তঅ আঢ্‌তান রাগা; সেক্কে তে গম্ ওই উদিবো।”

মার্ক 5:23 ပူးပေါင်းရင်းမြစ်များ

২ রাজাবলী 5:11

মাত্তর্‌ নামানে অমকদ রাগ গুরিনে সিয়োত্তুন্‌ আঢি গেলগোই আর কলঅ, “মুই মনে গোজ্যংগে তে হামাক্কাই নিগিলি এইনে মইদু এবঅ আর থিয়্যেইনে তার্‌ গোজেন লগেপ্রভুরে ডাগিবো আর ফারাঙিগানর্‌ উগুরে তা আঢ্‌তান্‌ বাজেইনে মর্‌ ফারাঙিগান্‌ গম্‌ গুরি দিবো।

গীতসংহিতা 107:19

দজাত্ পুরিনে তারা লগেপ্রভুর ইদু কানাকুদি গুরিলাক্, সেক্কে দুঘোত্তুন্ তে তারারে রোক্ক্যে গুরিলো।

গীতসংহিতা 50:15

তর্ দযার্ দিনুনোত্ তুই মরে ডাগিচ্; মুই তরে উদ্ধোর্ গুরিম আর তুই মরে সর্মান গুরিবে।”

মথি লেখ্যে গম্ হবর্ 8:3

যীশু আঢ্ বাড়েইনে তারে ধুরিনে কলঅ, “মুই সিয়েনই চাং, তুই সিজি অ।” সেক্কেনে মানুচ্চোর্ ফারাঙি পীড়েগান গম্ ওই গেলঅ।

মার্ক 16:18

তারা আঢ উগুরে সাপ তুলি ধুরিবাক্, যুনি তারা অমকদ বিষাক্ত কিজু খান্ সালে তারার্ কনঅ ক্ষতি ন-অবঅ, আর তারা পীড়েল্যেগুনো কিয়্যেত্ আঢ্ দিলে পীড়েল্যেগুনে গম্ অবাক্।”

মার্ক 5:24

সেক্কে যীশু তা সমারে গেলঅ। বোউত্ মানুচ্ যীশুর্ লগে লগে যাদন্ আর তা চেরোকিত্তে ঠেলাঠিলি গত্তন্।

মার্ক 6:13

তারা বোউত্ ভান্ন্যেই আত্মা ধাবেলাক্ আর বোউত্ পীড়েল্যে মান্‌জ্যর্ মাঢাত্ তেল্ দিইনে তারারে গম্ গোরেলাক্।

মার্ক 7:32

সিয়েনত্ কয়েক্কো মান্‌জ্যে এক্কো বহ্‌রা আর হন্ মান্‌জ্যরে যীশু ইধু আনিলাক্ আর কোজোলী গরা ধুরিলাক্ যেন তে সে মিলেবো উগুরে তা আঢ্‌তানি বাজায়।

মার্ক 8:23

যীশু সেই কান্ মানুচ্চোরে আঢত্ ধুরিনে আদামর বারেদি নেযেল। সে পরেদি মানুচ্চোর্ চোগোত্ চেফ্ দিলো আর তা কিয়্যেত্ আঢ্ দিইনে পুযোর্ গুরিলো, “তুই কি কিজু দেগর্?”

লূকে লেখ্যে গম্ হবর্ 13:13

এ কধাগান্ কোইনে যীশু তা উগুরে আঢ্‌তান্ থলঅ, আর সেক্কেনে তে উজু ওইনে থিয়্যেল আর গোজেনরে বাঈনী গরা ধুরিলো।

লূকে লেখ্যে গম্ হবর্ 4:38

ইয়েনর্ পরেদি যীশু সমাজ-ঘরান্ ফেলেনে শিমোন ঘরত্ গেলঅ। শিমোন শুড়িবোর্ অমকদ জ্বর্ ওইয়্যে। তারে গম্ গুরিবাত্তে যীশুরে কোজোলী গরা অলঅ।

লূকে লেখ্যে গম্ হবর্ 4:40

বেলান্ ডুবিবার্ অক্তত্ মানুচ্চুনে বেক্ পীড়েল্যেগুনোরে যীশু ইধু আনিলাক্। তারা নানান্ বাবোত্যে পীড়েত্ ভুগোদন্। যীশু তারারে পত্তিজন কিয়্যেত্ আঢ্ দিইনে তারারে গম্ গুরিলো।

লূকে লেখ্যে গম্ হবর্ 7:12

যেক্কে তে সেই আদাম গেদো ইধু লুমিলো সেক্কে মানুচ্চুনে এক্কো মরা মান্‌জ্যরে বারেদি নেযাদন্। যে মানুচ্চো মুরি যেইয়্যে তে এলদে তা মাবোর্ এক্কোগুরি পুয়ো, আর সেই মাবোয়ো রানী মিলে এলঅ। আদামর্ বোউত্ মানুচ্ সেই রানী মিলেবো সমারে এলাক্।

যোহন 11:3

ইয়েনত্যে তা বোনুনে যীশুরে এ কধাগান্ কোই পাধেলাক্, “প্রভু, তুই যিবেরে কোচ্‌পাজ্ তার্ অসুগ্ ওইয়্যে।”

প্রেরিত্‌ 28:8

সেক্কে পুব্লিয় বাব্‌পো জ্বর্ আর সাং পিড়ে বিচ্চোনত্ পড়িনে ভুগের্। পৌলে ভিদিরে তাইধু যেইনে তবনা গুরিলো আর তা কিয়্যেত্ আঢ্ দিইনে তারে গম্ গুরিলো।

প্রেরিত্‌ 6:6

পরেদি তারা এ মানুচ্চুনোরে প্রচারক্কুনো ইধু নেযেলাক্। সেক্কে প্রচারক্কুনে তবনা গুরিলাক্ আর কামত্ নেযেবাত্তে তারা উগুরে আঢ্ রাগেলাক্।

প্রেরিত্‌ 8:17

সেক্কে পিতর আর যোহনে তারা উগুরে আঢ্‌‌‌তানি থলাক্, আর তারা পবিত্র আত্মাগান পেলাক্।

প্রেরিত্‌ 9:17

সেক্কে অননিয় যেইনে সেই ঘর ভিদিরে সুমিলো আর শৌল কিয়্যেগানত্ আঢ্ দিইনে কলঅ, “ভেই শৌল, ইধু এবার্ পধত্ যে তরে দেগা দিয়্যে তে প্রভু যীশু। তেয়ই মরে পাধেয়্যে যেন তুই তর্ দেগিবার খেমতাগান্ ফিরি পাজ্ আর পবিত্র আত্মায় পরিপুরোণ অচ্।”