মার্ক 5:22 - Chakma Bible

²² সে অক্তত্ যায়ীর নাঙে যিহূদী সমাজ-ঘরর্ এক্কো নেতা সিয়েনত্ এলঅ আর যীশুরে দেগিনে তা টেঙ উগুরে মাঢা নিগিরি পড়িলো।

মার্ক 5:22 ပူးပေါင်းရင်းမြစ်များ

মার্ক 5:33

সে মিলেবোর্ যিয়েন্ ওইয়্যে সিয়েন্ বুঝিনে তে গির্‌গিরেদে গির্‌গিরেদে এইনে যীশুর্ টেঙত্ পড়িলো আর বেক্কানি জানেল।

মার্ক 5:38

পরেদি যায়ীর ঘরত্ এইনে তে দেগিলোদে অমকদ কোল্-কোজ্যে অর্। মানুচ্চুনে রঅ ছাড়ি ছাড়ি কানাকুদি গত্তন্।

লূকে লেখ্যে গম্ হবর্ 13:14

যীশু জিরেবার্ দিনোত্ গম্ গোজ্যে বিলি সমাজ-ঘর নেতাবো তোচ্চ্যে পেইনে মানুচ্চুনোরে কলঅ, “কাম্ গুরিবাত্যে দঅ ছয় দিন আঘে। সেনত্তে জিরেবার্ দিনোত্ ন-এইনে সেই ছয় দিনো ভিদিরে এইনে গম্ অ।”

লূকে লেখ্যে গম্ হবর্ 5:8

ইয়েন্ দেগিনে শিমোন-পিতরে যীশু মুজুঙোত্ মাঢা নিগিড়ি পুড়িনে কলাক্, “প্রভু, মুই পাপী; মত্তুন্ যাগোই।”

লূকে লেখ্যে গম্ হবর্ 8:28

যীশুরে দেগিনে তে রঅ ছাড়িনে উদিলো আর তা মুজুঙোত্ মাদিত্ পড়িনে রঅ ছাড়িনে কলঅ, “মহান গোজেনর্ পুয়ো যীশু, মঅ লগে তর্ কি সম্পর্ক? দোয়্যেগুরি তুই মরে যন্ত্রণা ন-দিচ্।”

প্রেরিত্‌ 13:15

পবিত্র বোইবোর্ রীতি-সুদোম আর ভাববাদীগুনোর্ বোইবোত্তুন্ পড়ানা থুম্ অলে পরেদি সমাজ-ঘরর্ নেতাগুনে তারারে কোই পাধেলাক্, “ভেইলগ্, মানুচ্চুনোরে উচ্চোমি দিবাত্যে যুনি কনঅ কধা থায় সালে কঅ।”

প্রেরিত্‌ 18:17

সেক্কে সেই যিহূদীগুনে বেক্কুনে মিলিনে সমাজ-ঘরর্ নেতা সোস্থিনীরে ধুরিনে কোদো মুজুঙোত্ পিদিলাক্; মাত্তর্ গাল্লিয়ো সিয়েন রিনিয়ো ন-চেলঅ।

প্রেরিত্‌ 18:8

সমাজ-ঘরর্ নেতা ক্রীষ্প আর তা ঘরর্ বেক্কুনে প্রভু উগুরে বিশ্বেজ্ গুরিলাক্। ইয়েন বাদে করিন্থীয়গুনো ভিদিরে ভালোকজনে পৌল কধা শুনিনে বিশ্বেজ্ গুরিলাক্ আর বাপ্তিষ্ম ললাক্।

ফগদাং পেইয়্যে 22:8

মুই যোহন ইয়েনি বেক্কানি শুন্ন্যং আর দেক্ক্যং। বেক্কানি শুনোনার্ আর চেবার পরেদি, যে স্বর্গদূত্‌তো মরে ইয়েনি দেগেল মুই তারে সালাম গুরিবাত্যে তা টেঙ উগুরে মাঢা নিগিরিলুং।