মার্ক 5:12 - Chakma Bible

¹² আত্মাগুনে যীশুরে কোজোলী গুরি কলাক্, “সেই শূগোড় পাল ভিদিরে আমারে পাধেই দে; সিগুনো সংমোধ্যে আমারে সোমেবাত্তে দে।”

মার্ক 5:12 ပူးပေါင်းရင်းမြစ်များ

ইয়োব 2:5

তুই আঢ্ বাবেইনে তা কিয়্যেত্‌ আঘাত্‌ গর্‌, তে হামাক্কাই তঅ মুজুঙোত্‌ তঅ‌ বিরুদ্ধে অগমান কধা কবঅ।”

মথি লেখ্যে গম্ হবর্ 4:24

গোদা সিরিয়া দেজত্ তা কধা ছিদি পড়িলো। যিদুক্কুন মান্‌জ্যে নানান্ বাবোত্যে পীড়েত্ আর অমকদ যন্ত্রনাত্ দুঘ্ পাদন্, যিগুনোরে ভান্ন্যেই আত্মায় ধোজ্যে আর যিগুনে মির্‍‍‍গি আর অবস্ রুগোত্ ভুগোদন, মানুচ্চুনে তারারে যীশু ইধু আনিলাক্। তে তারারে বেক্কুনোরে গম্ গুরিলো।‍

মথি লেখ্যে গম্ হবর্ 7:6

যিয়েন পবিত্র সিয়েন কুগুরোরে ন-দুয়ো। শুগোরো মুজুঙোত্ তমা মুক্তাবো ন-ছিত্য। অয়ত তারা সিগুন তারার্ টেঙত্ তলে ঊরিবাক্ আর ফিরিনে তমারে কট্টা কট্টা গুরি ছিনি ফেলেবাক্।

মার্ক 5:11

সে অক্তত্ সে জাগান ইধু মুড়োবোত্ দাঙর্ এক্‌পাল শুগোড়্ চড়দন্।

মার্ক 5:13

যীশু অনুমতি দেনার্ পরেদি সেই ভান্ন্যেই আত্মাগুনে নিগিলিনে শূগোরুনো ভিদিরে গেলাক্। সেক্কে বেক্ শূগোরুনে লেদান্যেগান্ পার্ ওইনে জুরে ধাবা গেলাক্ আর সাগর সংমোধ্যে পড়িনে ডুবিনে মুরিলাক্। সে পাল ভিদিরে পেরায় দ্বি আজার্ শূগোর্ এলাক্।

২ করিন্হীয় 2:11

যেন শদানে আমা উগুরে কনঅ সুযোগ-সুবিধে ন-পায়। তার্ ফন্দির্ কধা দঅ আমার্ অজানা নয়।

১ পিতর 5:8

নিজোরে দোঙেই রাগঅ আর সজাক্ থাগঅ, কিয়া তমার শত্রু শদানে গুজুরি উঠ্যে সিংহ ধোক্ক্যেন গুরি কারে হেই ফেলেব তারে তোগেইনে বেড়ার্।