মার্ক 4:41 - Chakma Bible

⁴¹ ইয়েন্দোই শিচ্চ্যগুনে অমকদ দোরেলাক্ আর নিজো ভিদিরে কুয়ো কি গরা ধুরিলাক্, “ইবে কন্না যে, বৌইয়্যের্ আর সাগরান্অ তা কধা শুনে?”

মার্ক 4:41 ပူးပေါင်းရင်းမြစ်များ

ইয়োব 38:11

মুই কোইয়োংগে; ইদ্দুর্ সং, আর নয়; ইয়েনত্ তর্ তুবোলুনোরে থামা পুরিবো।

গীতসংহিতা 89:7

পবিত্র দূত্‌তুনোর তেম্মাঙত্ বেক্কুনে গোজেনরে দরান্ আহ্ ভোক্তি গরন্; তার চেরোকিত্যে বেক্কুনোত্তুন্ তেয়ই বেশ্ ভোক্তিবলা দর্ জাগায়।

মালাখি 2:5

তারাত্তে মুই যে সুদোমান থিদেবর্ গোজ্যং সিয়েন অলঅ জিংকানি আর ভালেদির্ সুদোম। এ সুদোমান মুই তারারে দুয়োং। এনেবাদে ইয়েন দর্‌গরেপারা সুদোম ধোক্ক্যেন, যেন তারা মরে ভোক্তিগুরিনে দরান্; ঘেচ্চেকগুরি তারা আমারে ভোক্তিগুরিনে দোরেদাক্।

মথি লেখ্যে গম্ হবর্ 14:32

যীশু আর পিতরে নৌকোগানত্ উদোনার্ পরেদি বৌইয়্যেরান্ থামেল। যিগুনে নৌকো ভিদিরে এলাক্ তারা যীশুরে গোজেনর সর্মান দিইনে সালাম গুরি কলাক্, “ঘেচ্চেকগুরি তুই গোজেনর্ পুয়ো।”

মথি লেখ্যে গম্ হবর্ 8:27

ইয়েন্দোই শিচ্চ্যগুনে আমক্ ওইনে কলাক্, “ইবে কিবাবোত্যে মানুচ্, বোইয়্যের্ আর সাগরানেয়ো তা কধা শুনে!”

মার্ক 4:40

তে শিচ্চ্যগুনোরে কলঅ, “তুমি দরর্ কিত্তে? এজঅ কি তমার্ বিশ্বেজ্ ন-অয়?”

মার্ক 5:1

সে পরেদি যীশু আর তা শিচ্চ্যগুনে গালীল সাগরান্ পার্ ওইনে গেরাসেনীগুনোর চাগালাত্ গেলাক্।

মার্ক 5:33

সে মিলেবোর্ যিয়েন্ ওইয়্যে সিয়েন্ বুঝিনে তে গির্‌গিরেদে গির্‌গিরেদে এইনে যীশুর্ টেঙত্ পড়িলো আর বেক্কানি জানেল।

মার্ক 7:37

এ ঘটনাগান্দোই মানুচ্চুনে অমকদ আমক্ ওইনে কলাক্, “ইবে বেক্ কামানি কদক্ গমেডালে গরে। ইবে বহ্‌‌রাগুনোর্ শুনিবার বল্ আর ববাগুনোর্ কধা কবার খেমতা দে।”

লূকে লেখ্যে গম্ হবর্ 4:36

ইয়েনত্ বেক্কুনে আমক্ ওইনে নিজো ভিদিরে কুয়ো কি গরা ধুরিলাক্, “ইয়েন কিবাবোত্যে কধা! অধিকার আর খেমতালোই তে ভান্ন্যেই আত্মাগুনোরে উগুম্ দে আর তারা নিগিলি যান্!”

লূকে লেখ্যে গম্ হবর্ 8:25

তে শিচ্চ্যগুনোরে কলঅ, তমা বিশ্বেজ্‌চান কুদু? শিচ্চ্যগুনে ভোক্তিবলা দরে আমক্ ওইনে নিজো ভিদিরে কুয়ো কি গরা ধুরিলাক্, “ইবে কন্না, যিবে বোইয়্যের্ আর পানিগানরে উগুম্ দিলে পর তারায়ো তা কধা শুনোন্?”

ইব্রীয় 12:28

সেনত্যে যে রেজ্যগানরে লাড়া ন-যায় আমি যেক্কে সে রেজ্যগান পেবাত্যে যের্ সেক্কে এজঅ, আমি গোজেন ইধু ভালেদি জানেই। সালে গোজেনে যেধোক্ক্যেন গুরি হুজি অয় সেধোক্ক্যেন গুরি আমি ভোক্তি আর দরে তার্ সেবা গুরি পারিবোং।

ফগদাং পেইয়্যে 15:4

প্রভু, কন্না বা তরে ন-দোরেব? কন্না বা তর্ নাঙানর্ বাঈনী ন-গুরিবো? বানা তুয়ই দঅ পবিত্র। বেক্‌ জাদ্‌তুনে তইধু এবাক্, বেক্কুনে তর্ উবোসনা গুরিবাক্; কিয়া তর্ ন্যায় বিচেরানি ফগদাং ওইয়্যে।”

১ শমূয়েল 12:24

তুমি বানা লগেপ্রভুরে ভোক্তি গুরিনে দোরেবা আর তমার বেক্‌ মনানি দিইনে বিশ্বেজ্ গুরিনে তার সেবা গুরিবা। চিন্তে গুরি চঅ, তে তমাত্তে কদক্কানি দাঙর্‌ দাঙর্‌ কাম্‌ গোজ্যে।