মার্ক 4:39 - Chakma Bible

³⁹ যীশু উদিনে বোইয়্যেরানরে ধমক্ দিলো আর সাগরানরে কলঅ, “থাম্, জুরঅ অ।” সেক্কে বৌইয়্যেরান্ থামেল আর বেক্কানি জদবদে জুরঅ ওই গেলঅ।

মার্ক 4:39 ပူးပေါင်းရင်းမြစ်များ

ইয়োব 38:11

মুই কোইয়োংগে; ইদ্দুর্ সং, আর নয়; ইয়েনত্ তর্ তুবোলুনোরে থামা পুরিবো।

গীতসংহিতা 107:29

তে ঝড় থামেই দিলো, সেক্কে দোজ্যে সাগর তুবোলানি থামেল।

গীতসংহিতা 148:8

ও ঝিমিলেনিগান আর শিলুন, তুষার আর কুয়োগানি আর তা উগুমান পালেয়্যে ঝড় বোইয়্যেরান্, গোজেনরে নাঙ্ গিনো।

গীতসংহিতা 29:10

দাঙর্ বান পানিগান লগেপ্রভুর অধীনোত্ এলঅ; তে উমরর্ রাজা, তে সিংহাসনত্ আঘে।

গীতসংহিতা 65:7

তুই দোজ্যে সাগরর্ গুজুরোনিগান অলর্ গুরি দুয়োচ্, অলর্ গুরি দুয়োচ্ তার তুবোলর্ গুজুরোনিগান আর জাদ্‌তুনোর বেজালানি।

গীতসংহিতা 89:9

ফুলি উঠ্যে সাগরর তুবোলানে তর্ শাজনত্ থায়; তার তুবোলান্ উদিলে তারে তুয়ই বুঝোচ্।

যাত্রা 14:16

তুই তর্‌ লুদিক্কো তুলি নেযা আর বড়গাঙ উগুরে তর্‌ আত্তান্‌ বাড়েই দিইনে বড়গাঙানরে দ্বিভাগ গর্‌। সেক্কে বড়গাঙ ভিদিরে শুগুনো জাগার্‌ উগুরেদি ইস্রায়েলীয়গুনে আঢি যেবাক্‌।

যাত্রা 14:22

ইস্রায়েলীয়গুনে বড়গাঙর্‌ সংমোধ্যেদি শুগুনো মাদির্‌ পথতান্‌ বেইনে আঢা মারিলাক্। তারার্‌ ডেনে-বাঙেদি বড়গাঙর্‌ পানিগান দেবাল ধোক্ক্যেন ওইনে দ্বিডাগেদি ঠিয়্যেই রলঅ‌।

গম্ উপদেজ্ 8:29

তে যেক্কেনে সাগর দুযিগান থির্ গোজ্যে যেন পানিগান তা পরিমান বারেদি পার্ ওই ন-এজে, যেক্কেনে তে পিত্‌থিমীর গড়াগান ঠিগ্ গোজ্যে,

যিরমিয় 5:22

তুমি কি মরে ন-দোরেবা? মঅ মুজুঙোত্ কি তুমি গির্‌ ন-গিরেবা? মুয়ই এক্কান উমরর্ মানা ইজেবে কোরোলিলোই সাগর দুযিগান ঠিগ্ গোজ্যং, যেনে সাগরানে সিয়েন পার্ ওই ন-পারে। সিয়েনর তুবোলুন্ জোরে এলেয়ো সিয়েন ফোলেই ন-পারিবো; সিয়েন গুজুরি উদিলেয়ো পার্ ওই যেই ন-পারে।‌‌‍

আবিলেচ্ 3:31

প্রভু দঅ উমরত্তে মান্‌‌‌জ্যরে ধাবেই ন-দে।

নহূম 1:4

তে সাগরানরে ধমক্ দিইনে শুগেই ফেলায়; বেক্ গাঙানিরে তে পানি নেইয়্যে গুরি দে। বাশন আর কর্মিলান্ শুগেই যায় আর লেবাননর্ বেক ফুলুন্ শুগেই যান।

মথি লেখ্যে গম্ হবর্ 8:26

সেক্কে তে তারারে কলঅ, “কম্-বিশ্বেসীগুন, কিত্তে তুমি দরর্?” ইয়েনর্ পরেদি তে উদিনে বোইয়্যের্ আর সাগরানরে ধমক্ দিলো। সেক্কে বেক্কানি অলর্ ওই গেলঅ।

মার্ক 4:38

মাত্তর্ যীশু নৌকো পিজেদি এক্কো বালোজ উগুরে মাঢাবো রাগেনে ঘুম যার্। শিচ্চ্যগুনে তারে জাগেইনে কলাক্, “গুরু, আমি যে মুরি যের্ সিন্দি কি তর্ খিয়েল্ নেই?”

মার্ক 9:25

ভালোক্কুন্ মানুচ্ দাবা এত্তন্ দেগিনে যীশু সেই ভান্ন্যেই আত্মাবোরে ধমক্ দিইনে কলঅ, “ও কাল্ আর ববা আত্মাবো, মুই তরে উগুম্ দুয়োঙর্, ইবে ভিদিরেত্তুন নিগিল্; আর কনদিন্অ ইবে ভিদিরে ন-সোমেচ্।”

লূকে লেখ্যে গম্ হবর্ 4:35

যীশু সেই ভান্ন্যেই আত্মাবোরে ধমক্ দিইনে কলঅ, “জুরো অ, তা ভিদিরেত্তুন্ নিগিলি যাহ্।” সেই ভান্ন্যেই আত্মাবো সেক্কে মানুচ্চোরে বেক্কুনো সংমোধ্যে সলা মারি থলঅ আর তারে কনঅ ক্ষতি ন-গুরিনে তা ভিদিরেত্তুন্ নিগিলি গেলঅ।

লূকে লেখ্যে গম্ হবর্ 4:39

সেক্কে যীশু শিমোন শুড়িবো কায়কুরে থিয়্যেইনে জ্বরানরে ধমক্ দিলো। সেক্কে তা জ্বরান্ গম্ অলঅ, আর তে সেক্কেনে উদিনে তারারে হানা-দানার্ বেবস্থা গরা ধুরিলো।

লূকে লেখ্যে গম্ হবর্ 8:24

তারা যীশু ইধু যেইনে তারে জাগেইনে কলাক্, “প্রভু, প্রভু, আমি দঅ মল্লং!” সেক্কে যীশু উদিনে বোইয়্যের্ আর পানির্ তুবোলানরে ধমক্ দিলো। সেলক্কে বোইয়্যের্ আর তুবোলান্ থামেল আহ্ বেক্কানি জুরঅ ওই গেলঅ।