মার্ক 4:34 - Chakma Bible

³⁴ হিত্ত্য বাদে তে তারারে শিক্ষ্যে ন-দিদো, মাত্তর্ শিচ্চ্যগুনে যেক্কে তা সমারে গায় গায় থেদাক্ সেক্কে তে বেক্কানি তারারে বুঝেই দিদো।

মার্ক 4:34 ပူးပေါင်းရင်းမြစ်များ

মথি লেখ্যে গম্ হবর্ 13:34

যীশু হিত্ত্যবোর্ মাধ্যমে মানুচ্চুনোরে এই বেক্ শিক্ষ্যেনি দিলো। তে হিত্ত্য ন-কোইনে কনঅ শিক্ষ্যে তারারে ন-দিদো।

মার্ক 4:10

যেক্কেনে যীশু গায় গায় এলঅ, কয়েক্কো মানুচ্ যিগুনে শুনিলাক্ আর তার বারজন শিচ্চ্য সেই হিত্ত্যবো পৌইদ্যেনে তারে পুযোর্ গুরিলাক্।

মার্ক 4:33

এবাবোত্যে আরঅ বোউত্ হিত্ত্যর্ মাধ্যমে যীশু গোজেনর্ কধা মানুচ্চুনো ইধু কদঅ। তারা যেত্তমান্ বুঝি পারিদাক্ সেত্তমান্ তে তারা ইধু কদঅ।

লূকে লেখ্যে গম্ হবর্ 24:27

ইয়েন পরেদি তে মোশির আর বেক্‌ ভাববাদীগুনোর্ লেগাত্তুন্ আরাম্ব গুরিনে গোদা পবিত্র বোইবো ভিদিরে তা নিজো পৌইদ্যেনে যিয়েনি যিয়েনি লেগা আঘে সিয়েনি বেক্কানি তারারে বুঝেই কলঅ।

যোহন 10:6

সেই ফরীশীগুনোরে শিক্ষ্যে দিবাত্যে যীশু এ কধাগান্ কলঅ মাত্তর্ তে যে কি কোইয়্যে সিয়েন্ তারা ন-বুঝিলাক্।

যোহন 16:25

“এ বেক্‌ শিক্ষ্যের্ কধানি মুই তমা ইধু তুলোনা দিইনে কলুং। মাত্তর্ এমন্‌ অক্‌ত এজের্ যেক্কে মুই আর তুলোনা দিইনে তমা ইধু কধা ন-কোম্, মাত্তর্ খুলোমেলা গুরি বাবা পৌইদ্যেনে কোম্।

প্রেরিত্‌ 28:23

তারা পৌল সমারে এগত্তর্ অবাত্যে এক্কো দিন ঠিগ্ গুরিলাক্। পৌলে যিধু থেদঅ সিধু তারা বাদে আরঅ ভালোক্জনে এলাক্। সেক্কে পৌলে বেন্ন্যেত্তুন্ ধুরি সাজোন্যে অয় সং গোজেন রেজ্যর্ পৌইদ্যেনে তারারে জানেল আর বুঝেল। মোশির আইন-কানুন্ আর ভাববাদীগুনোর্ বোইয়ো ভিদিরেত্তুন্ যীশু পৌইদ্যেনে দেগেইনে তা পৌইদ্যেনে তারারে বিশ্বেজ্ গোরেবাত্তে চেষ্টা গুরিলো।