মার্ক 4:32 - Chakma Bible

³² মাত্তর্ লাগেবার পরেদি যেক্কে গাজ্ বাড়ি উদোন্ সেক্কে বেক্ শাক্-পাদ ভিদিরে সিবে বেগত্তুন্ দাঙর্ অয়, আর এমন্ দাঙর্ দাঙর্ ডেলা নিগিলোন্, পেগ্‌কুনেয়ো সিবের্ আন্দলে বাহ্ বানন্।”

মার্ক 4:32 ပူးပေါင်းရင်းမြစ်များ

গীতসংহিতা 104:12

পানি কায়-কুরে আগাজ পেক্‌কুনে ঘর্ বানান্, আর গাজ ডেলায় ডেলায় গীদ্ গান্।

গীতসংহিতা 91:1

দাঙর্ গোজেনর আশ্রয়ত্ যে বজত্তি গরে তে বেগত্তুন্ খেমতাবানর ছাবাত্ থায়।

গম্ উপদেজ্ 4:18

গোজেন ভক্তগুনোর্ পথ্‌তানি বেন্যেমাদান্ বেল পহ্‍‍র ধোক্ক্যেন্, যিবে দিবুজ্যে ন-অনা সং জোল্ জোল্যেত্তুন্ আরঅ জোল্ জোল্যে ওই থায়।

পরমগীত 2:3

ঝারর্ গাজ্‌পালাগুনো ভিদিরে যেধোক্ক্যেন্ আপেল গাজ্, সেধোক্ক্যেন্ গাবুজ্যেগুনো ভিদিরেত্তুন্ মর্ পরাণ্যে। মুই তা ছাবাবোত্ বোইনে গম্ পাং, মঅ মুয়োদি তা ফলুন্ মিদে লাগে।

যিশাইয় 11:9

মঅ পবিত্র মুড়োবোর কনঅ জাগাত্ কনজনে খেতিয়ো ন-গুরিবাক্, ভস্তয়ো ন-গুরিবাক্, কিত্তে বড়্ সাগরানে যেধোক্ক্যেন্ পানিলোই পেলেং পেলেং থায় সেধোক্ক্যেন্ লগেপ্রভুর পৌইদ্যেনে জ্ঞান্দোই পিত্‌থিমীগান পেলে পেলে অবঅ।‌‌

যিশাইয় 32:2

তারাত্তুন্ পত্তি জনে অবাক্কে যেন বোইয়্যেরত্তুন্ পোল্যেয়্যে জাগা আর ঝড়ত্তুন্ আশ্রয়জাগা, যেন ধূল্যেচরত্ গঙার পানি আর রোদ্ পোজ্যে ভূইয়োত্ দাঙর্ পাত্তর ছাবা।

আবিলেচ্ 4:20

যিবে লগেপ্রভুর বেঈ লোইয়্যে, যিবে আমার জিংকানির বোইয়্যের্, তে তারার ফালত্ ধরা পোজ্যে; মাত্তর্ আমি মনে গোজ্যেদে তা ছাবাত্ জাদ্‌তুনো ভিদিরে আমি বজত্তি গুরিবোং।

যিহিষ্কেল 17:23

ইস্রায়েলর অজল্ মুড়ো উগুরেত্তুন্ ডেলা নিগিলিনে ফল ধুরিবাক্; সিবে এক্কো বেগত্তুন দোল্ এরস গাজ্ ওই উদিবো। নানান্ বাবোত্যে পেগ্ তা ডেলাগুনো ভিদিরে ঘর্ বানেবাক্ আর তা ছাবাত্ বজত্তি গুরিবাক্।

মথি লেখ্যে গম্ হবর্ 13:32

বেক্ বীজিগুনো ভিদিরেত্তুন্ ঘেচ্চেকগুরি সিবে বেগত্তুন্ চিগোন্, মাত্তর্ গাজ্ দাঙর্ ওই উদিলে পরেদি সিগুন বেক্ শাক্-পাদ ভিদিরেত্তুন্ বেগত্তুন্ দাঙর্ অয়। সিবে এমন্ এক্কো দাঙর্ গাজ্ ওই উদে, পেগ্‌কুনে এইনে তা ডেলাগুনোত্ বাহ্ বানন্।”

মার্ক 4:31

সেই রেজ্যগান্ এক্কান সোজ্য-বীজি ধোক্ক্যেন। ভূইয়োত্ ফেলেবার অক্তত্ দেগা যায় যে, সিবে বেক্ বীজিগুনো ভিদিরে বেগত্তুন্ চিগোন্।

মার্ক 4:33

এবাবোত্যে আরঅ বোউত্ হিত্ত্যর্ মাধ্যমে যীশু গোজেনর্ কধা মানুচ্চুনো ইধু কদঅ। তারা যেত্তমান্ বুঝি পারিদাক্ সেত্তমান্ তে তারা ইধু কদঅ।