মার্ক 4:19 - Chakma Bible

¹⁹ মাত্তর্ সংসারর্ চিন্তে-ভাবনা, ধন-সোম্বোত্তির্ মেয়্যে আর অন্য জিনিজোর্ লুভ্ এইনে সেই কধানিরে চাপি রাগায়;

মার্ক 4:19 ပူးပေါင်းရင်းမြစ်များ

গম্ উপদেজ্ 23:4

ধন পেবাত্তে হিজে-হিচ্যে ন-ওইয়ো; এ পৌইদ্যেনে তঅ বুদ্ধিগান উগুরে বিশ্বেজ্ ন-গুরিচ্।

গম্ উপদেজ্ 23:5

ধন-সোম্বোত্তি ইন্দি একবার রিনি চেলে দেগিবে সিয়েনি আর্ নেই, কিয়া সিয়েনিত্ পুয়োর্ গেজেব আর ঈগল ধোক্ক্যেন আগাজত্ উড়ি যেবঅ।

উপদেশক 4:8

কনঅ এক্কো মানুচ্ এক্কুবারে গায় গায়-তার্ পুয়োও নেই, ভেইঅ নেই; তো তার্ কামর্ শেজ্ নেই আর ধন-সোম্বোত্তিলোই তা চোগ্ ন-ভরে। তে পুযোর্ গুরিলো, “কাত্তে মুই কাম্ গরঙর্? কিত্তে রঙ্গ-ফুত্তিত্তুন্ নিজোরে সোরেই রাগেয়োং?” ইয়েন্ বাহ্‌জে, অমকদ দুঘোর্ কধা।

যিশাইয় 5:2

তে জাগায়ান্ খুড়িনে বেক্ পাত্তরুন্ তুলি ফেলেল আর সিয়েনত্ লাগেল বেগত্তুন্ গম্ আংগুর লুদি। সিয়েন ভিদিরে বানেল এক্কান অজল্ চুগিদার-ঘর আর আংগুর মাড়িবাত্তে পাত্তর্ কাবিনে ঠিগ্ গুরি নেযেল। সে পরেদি তে সিয়েনত্ গম গম আংগুর ফলত্তে বাজ্জেই থেলঅ, মাত্তর্ সিয়েনত্ ধুরিলাক্ বানা ঝার্ আংগুর।

যিশাইয় 5:4

মঅ আংগুর খেদ্‌‌তানত্তে মুই যিয়েনি গোজ্যং সিয়েনত্তুন্ বেশ্ আর্ কি গরা যেদঅ? যেক্কে মুই গম্ গম্ আংগুরত্তে বাজ্জেই থেলুং সেক্কে কিত্তে সিয়েনত্ বানা ঝার আংগুর ধুরিলাক্?

মথি লেখ্যে গম্ হবর্ 13:22

কাদা ঝুবো ভিদিরে পোজ্যে বীজিগুনো মাধ্যমে তারা পৌইদ্যেনে কুয়ো ওইয়্যে যিগুনে সে কধানি শুনোন্, মাত্তর্ সংসারর্ চিন্তে-ভাবনা আর ধন-সোম্বোত্তির্ মেয়্যেলোই সেই কধাগানরে চাপি রাগায়। সেনত্তে সেক্কে কনঅ ফল ন-অয়।

মথি লেখ্যে গম্ হবর্ 19:23

সেক্কে যীশু তা শিচ্চ্যগুনোরে কলঅ, “মুই তমারে ঘেচ্চেকগুরি কঙর্, থাগোইয়্যে মান্‌জ্যর্ পক্ষে স্বর্গ-রেজ্যত্ সমানা আঘাত্যে অবঅ।

মথি লেখ্যে গম্ হবর্ 3:10

গাজ গড়াত্ কুড়োল্ বাজেয়্যে আঘে। যে গাজত্ গম্ ফল ন-ধরে সিবে কাবিনে আগুনোত্ ফেলে দিয়্যে অবঅ।

মার্ক 4:18

আরঅ কাদা ঝুবো ভিদিরে ফেল্যে বীজিগুনো মাধ্যমে তারা পৌইদ্যেনে কুয়ো ওইয়্যে যিগুনে সে কধানি শুনোন্,

লূকে লেখ্যে গম্ হবর্ 10:41

সেক্কে যীশু মার্থারে কলঅ, “মার্থা, মার্থা, তুই ভালোক্কানি পৌইদ্যেনে চিদে গরচ্ আর বেস্ত,

লূকে লেখ্যে গম্ হবর্ 21:34

“তুমি উজিয়ার্ থেয়ো যেন তমা মনানি ওলোমোত্ত্য, মাত্তলে ধুরিনে আর সংসারর্ চিদেলোই লুঙি ন-পড়। সিয়েন ন-অলে ফাল্ যেবাবোত্যেগুরি অদাদত্ বানা যায় সেবাবোত্যেগুরি অদাদত্ সে দিন্নো তমা উগুরে, এমন কি, পিত্‌থিমীর বেক্ মানুচ্চুনো উগুরে এইনে পুড়িবো।

যোহন 15:2

মর্ যিদুক্কুন্ ডেলাত্ গুলো ন-ধরন্ সিগুন তে কাবি ফেলায়, আর যিদুক্কুন্ ডেলাত্ গুলো ধরন্ সিগুন তে ছাজিনে সাব্ গরে যেন আরঅ ভালোক্কুন্ গুলো ধুরি পারন্।

রোমীয় 12:2

ইধুগোর্ ভান্ন্যেই জগদর্ চালচলন ভিদিরে তুমি নিজোরে ন-জোরেয়ো, বরং গোজেনরে তমা মনানি নুয়ো গুরিবাত্তে দিইনে পুরোপুরি নুয়ো ওই উদো, যেন তুমি গোজেনর্ আওজ্‌‌চান জানি পারঅ। গোজেনর্ আওজ্‌‌চান গম্, পুরোপুরি ঠিগ্ আর সেক্কে গোজেনে হুজি অয়।

ইফিষীয় 2:2

জগদর্ চিন্তেধারা অনুসারে তুমিয়ো এক সময় সেই অবাধ্যত্যে আর পাপে আঢাউদো গত্তা। যে আত্মাগান আগাজর্ খেমতাবলাগুনোর রাজা সেই পাজি আত্মাগানে গোজেনর্ অবাধ্য মানুচ্চুনো ভিদিরে কাম গরের্, আর তুমি সেই আত্মাগানর্ পিজে পিজে চলিদা।

ইফিষীয় 6:12

আমার্ এ যুদ্ধোগান দঅ কনঅ মান্‌জ্যর বিরুদ্ধে নয়, বরং সিয়েন আন্ধার রেজ্যর্ বেক শাসনগুরিয়্যে আর খেমতার্ অধিকারীগুনোর বিরুদ্ধে, আন্ধার জগদর্ খেমতাবলা আত্মাগুনোর্ বিরুদ্ধে, আর আগাজর্ বেক ভান্ন্যেই আত্মাগুনোর বিরুদ্ধে।

ফিলিপীয় 4:6

কনঅ বেপার্‌লোই চিন্তিত ন-ওইয়ো, বরং তমার বেক্‌ মাগানার্ বেপারানি ভালেদি জানেইনে গোজেনরে জানঅ।

১ তীমথিয় 6:17

যিগুনে এ জগদত্ থাগোইয়্যে তারারে এ উগুমান দে যেন তারা দেমাগ্ ন-গরন আর কানগ্‌‌কন্ন্যে ধন উগুরে নির্ভর ন-গুরিনে গোজেন উগুরে নির্ভর গরন। তেয়ই ভোগ্ গুরিবাত্যে বেক্ জিনিস্‌‌চানি খুলো আঢে আমারে দান গরে।

২ তীমথিয় 4:10

কিয়া দীমা ইধুগোর্ জগদ্‌তানরে কোচ্‌পেইনে মরে ফেলেইনে থিষলনীকীত্ যেয়্যেগোই। ইয়েনবাদে ক্রীষ্কেন্ত গালাতিয়াত্ আর তীতে দালমাতিয়াত্ যেয়্যে;

২ পিতর 1:8

যুনি তমার এই বেক্‌ গুণানি থায় আর উগুড়ি পড়ি থায়, সালে আমার প্রভু যীশু খ্রীষ্টরে মূড়োত্ গুরি জানিবার কামত্ তুমি ভালেদ্ অবা।

যিহূদা 1:12

এ মানুচ্চুনে যেক্কে দুঘ্ সাহচ্‌‌সোই তমার কোচ্‌পানার-হানাত মিলোন্ সেক্কে তমার সেই হানা ভিদিরে তারা কাজর ধোক্ক্যেন অন্। ইগুনে বানা নিজো পৌইদ্যেনে চিন্তে গরন্। ইগুনে বৈয়্যেরত্ ভাজেই নেযেইয়্যে পানি-নেইয়্যে মেঘ ধোক্ক্যেন। গুলোগুলি পাড়িবার অক্তত্ গুলোগুলি নেই বিলিনে শিঙোর্ সুদ্ধো উগুরেই ফেল্ল্যে গাজ ধোক্ক্যেন ইগুনে দ্বি'কিত্যেদি মরা।