মার্ক 4:1 - Chakma Bible

¹ যীশু আরঅ গালীল সাগর পারত্ মানুচ্চুনোরে শিক্ষ্যে দিয়্যে ধুরিলো। তা চেরোকিত্তে বোউত্ মান্‌জ্যর্ ভিড়্ অলঅ; সেনত্তে তে সাগর সংমোধ্যে এক্কান্ নৌকোত্ উদিনে বুজিলো আর মানুচ্চুনে সাগর পারত্ থিয়্যেই রলাক্।

মার্ক 4:1 ပူးပေါင်းရင်းမြစ်များ

মার্ক 2:13

পরেদি যীশু আরঅ গালীল সাগর পারত্ গেলঅ। সেক্কে বোউত্ মানুচ্ তাইধু এলাক্, আর তে তারারে শিক্ষ্যে দিয়্যে ধুরিলো।

মার্ক 3:7

ইয়েনর পরেদি যীশু তা শিচ্চ্যগুনো সমারে সাগর পারত্ গেলঅ। গালীল রেজ্যর্ বোউত্ মানুচ্ তা পিজে পিজে যাহ্ ধুরিলাক্। যীশু যেদক্কানি কাম গোজ্যে সিয়েনির্ কধা শুনিনে যিহূদিয়াত্তুন, যিরূশালেমত্তুন, ইদোম চাগালাত্তুন্, যর্দন গাঙর্ উপারত্তুন আর সোর আহ্ সীদোন শঅরর্ চেরোকিত্তেত্তুন্ বোউত্ মানুচ্ তাইধু এলাক্।

মার্ক 3:9

যীশু নিজোত্তে এক্কান্ চিগোন নৌকো তা শিচ্চ্যগুনোরে ঠিগ্ গুরি রাগেবাত্তে কলঅ যেন ভিড়োর্ কারনে মান্‌‌জ্যে চাবাচাবি গুরিনে তা উগুরে ন-পড়ন্।

মার্ক 4:36

সেক্কে শিচ্চ্যগুনে মানুচ্চুনোরে ফেলেইনে যীশু যে নগানত্ এলঅ সে নগানত্ গুরি তারে নেযেলাক্। অবুচ্চ্যই সিয়েনত্ আরঅ অন্য নৌকোয়ো এলঅ।

মার্ক 5:2

যীশু নৌকোত্তুন্ লামানার লগে লগে ভান্ন্যেই আত্মায় পেইয়্যে এক্কো মানুচ্ কবরত্তুন্ নিগিলিনে তা মুজুঙোত্ এলঅ।

মার্ক 5:21

যীশু যেক্কে নৌকোত্ গুরিনে আরঅ সাগরর্ অন্য পারত্ গেলঅ সেক্কে তা চেরোকিত্তে বোউত্ মানুচ্ এইনে ঘেজাঘেস্যে গুরিলাক্। তে সেক্কেয়ো সাগর পারত্ এলঅ।