মার্ক 3:6 - Chakma Bible

⁶ সেক্কে ফরীশীগুনে বারেদি সমাজ-ঘরত গেলাক্ আর কিবাবোত্যেগুরি যীশুরে মারে ফেলা যায় সে পৌইদ্যেনে রাজা হেরোদ দল মানুচ্চুনো লগে সল্লা গরা ধুরিলাক্।

মার্ক 3:6 ပူးပေါင်းရင်းမြစ်များ

মথি লেখ্যে গম্ হবর্ 12:14

সেক্কে ফরীশীগুনে বারেদি গেলাক্ আর যীশুরে মারে ফেলেবাত্তে তা বিরুদ্ধে তেম্মাং গরা ধুরিলাক্।

মথি লেখ্যে গম্ হবর্ 22:16

তারা হেরোদ দলর্ কয়েক্কো মান্‌জ্য লগে নিজোর্ কয়েক্কো শিচ্চ্যরে যীশু ইধু পাধেলাক। তারা যীশুরে কলাক্, “মাষ্টরবাবু, আমি হবর্ পেই তুই এক্কো গম্ মানুচ্। গোজেন পথ্‌তান পৌইদ্যেনে তুই সত্য শিক্ষ্যে দি থাচ্। মান্‌জ্যে কি মনে গুরিবাক্ ন-গুরিবাক্ সিয়েনিলোই তর্ কি অয়, কিয়া তুই কারঅ মু চেইনে কিচ্ছু ন-গরচ্।

মার্ক 12:13

পরেদি সেই ধর্ম-নেতাগুনে যীশুরে তা কধালোই ফালত্ ফেলেবাত্তে কয়েক্কো ফরীশীরে আর হেরোদীয়রে পাধেই দিলাক্।

মার্ক 8:15

এ সময়োত্ যীশু কলঅ, “তুমি উজিয়ার থাগঅ, ফরীশীগুনোর্ আর হেরোদ সদাগানিত্তুন্ উজিয়ার্ অ।”

লূকে লেখ্যে গম্ হবর্ 22:2

আঝল্ ধর্মগুরুগুনে আর ধর্ম-মাষ্টরুনে মানুচ্চুনোরে দোরেদাক্, আর তারা যীশুরে ভিদিরে ভিদিরে মারে ফেলেবাত্যে পধ্ তগাদন্।

লূকে লেখ্যে গম্ হবর্ 6:11

সেক্কে তারা অমকদ রাগ্ গুরিলাক্ আর যীশুরে নিইনে কি গরা যায় সিয়েন্ নিজো ভিদিরে কুয়ো-কি গরা ধুরিলাক্।

যোহন 11:53

সে দিনোত্তুন্ ধুরি যিহূদী নেতাগুনে যীশুরে মারে ফেলেবাত্তে কুজুরোমি গরা ধুরিলাক্।

প্রেরিত্‌ 4:25

তুই পবিত্র আত্মালোই তঅ চাগর্ আমা পূরোণি মানুচ্ দায়ূদো মুয়োদি কোইয়োচ্, কিত্ত্যেই থিদেবর্ নেইয়্যে গুরি কিজিগ্-কাজাগ্ গরর্ বেক্ মানুচ্চুন? কিত্ত্যেই মানুচ্চুনে মিজে গুরিনে কুজুরোমি গত্তন্?