মার্ক 3:28 - Chakma Bible

²⁸ মুই তমারে ঘেচ্চেকগুরি কঙর্, মান্‌‌‌‌জ্যর্ বেক পাপ্পানি আর গোজেনর্ বিরুদ্ধে অগমানর্ কধানি খেমা গরা অবঅ,

মার্ক 3:28 ပူးပေါင်းရင်းမြစ်များ

লেবীয় 24:16

ভান্ন্যেই নাঙে যে লগেপ্রভুর নাঙ্‌ নিবো তারে মারে ফেলা অবঅ। ইস্রায়েলীয়গুনে তারে পাত্তর মেলা দিইনে মারে ফেলেবাক্। ইস্রায়েলীয় ওক্‌ বা তারা ভিদিরে বজত্তি গোজ্যে অন্য জাদর মানুজোই ওক্‌, যে কনজনে ভান্ন্যেই নাঙে লগেপ্রভুর নাঙান্‌ নিবাক্‌ তারে মারে ফেলা অবঅ।

মথি লেখ্যে গম্ হবর্ 9:3

ইয়েন্দোই কয়েক্কো ধর্ম-মাষ্টরে মনে মনে কুয়ো ধুরিলাক্, “এ মানুচ্চো গোজেনরে অগমান্ গরের্।”

লূকে লেখ্যে গম্ হবর্ 12:10

মান্‌জ্যপুয়োবোর্ বিরুদ্ধে কেঅ কনঅ কধা কলে তারে ক্ষেমা গরা অবঅ, মাত্তর্ যুনি কেঅ পবিত্র আত্মার্ বিরুদ্ধে অগমানর্ কধা কয় তারে ক্ষেমা গরা ন-অবঅ।

১ যোহন 5:16

যুনি কেঅ তা ভেইয়োরে এন্‌ গুরি পাপ গত্তে দেগে যিয়েন মরেদে ধোক্ক্যেন নয়, মাত্তর্ তে গোজেন ইধু মাগি চেবঅ আর সেক্কে তে তারে বাজেই রাগেব। মুই ইয়েনত্ তারা কধা কঙর্ যিগুনে পাপ গত্তন্ অদচ তারার্ পাপ্পানি মরেদে ধোক্ক্যেন নয়। মাত্তর্ মরেদে ধোক্ক্যেন পাপ্অ আঘে। সে পৌইদ্যেনে কোজোলি গুরিবার কধা মুই তমারে ন-কঙর্।