মার্ক 3:22 - Chakma Bible

²² যিরূশালেমত্তুন্ কয়েক্কো ধর্ম মাষ্টরে এইনে কলাক্, “তা ভিদিরে বেল্‌সবূলে আঘে। ইবেয়ই সেই ভুদ্‌‌‌‌‌তুনোর নেতা যিবে ভুদ্‌‌‌‌‌তুনোরে ধাবেবার খেমতা দিয়্যে।”

মার্ক 3:22 ပူးပေါင်းရင်းမြစ်များ

২ রাজাবলী 1:2

অহসিয় শমরিয়াত্‌ তা ঘরর্‌ উগুরে তালাত্‌ গুদিবোর্‌ জানালাবোন্দি তলে পড়িনে দুঘ্ পেইয়্যে। সেক্কে তে কয়েকজন মান্‌জ্যরে ইয়েন্‌ কোইনে পাধেই দিলো, “তুমি যেইনে ইক্রোণর দেবেদা বাল্‌-সবূবর ইদু পুযোর্‌ গরঅ, এ দুঘ্ পেয়্যেগানত্তুন্‌ মুই গম্‌ ওই পারিম্‌ নাকি।”

গীতসংহিতা 22:6

মাত্তর্ মুই দঅ বানা এক্কো পুগো ধোক্ক্যেন্, মানুচ্ নয়; মানুচ্চুনে মরে ঈচ্ গরন্ আর মান্‌‌জ্যে মরে ঈচ্ গুরিদাক্।

মথি লেখ্যে গম্ হবর্ 10:25

ছাত্র পক্ষে মাষ্টর ধোক্ক্যেন্ অনা আর চাগর পক্ষে গিরোজ ধোক্ক্যেন্ অনা যদেষ্ট। ঘর গিরোজরে যেক্কে তারা বেল্‌সবূল কোইয়োন সেক্কে ঘরর্ অন্য বেক্কুনোরে আরঅ কদক্ বেশ্ গুরি না বেল্‌সবূল কবাক্।

মথি লেখ্যে গম্ হবর্ 11:18

যেক্কে যোহনে এলঅ; তে উবোস আর আংগুর-রস ন-হেলঅ, সেক্কে বেক্কুনে কদন্, ‘তারে ভুদে পেইয়্যে।’

মথি লেখ্যে গম্ হবর্ 12:24

যেক্কে ফরীশীগুনে এ কধাগান শুনিলাক্, তারা জোব্ দিলাক্, “তে দঅ বানা অসিজি আত্মাগুনোর্ রাজা বেল্‌সবূল বলে অসিজি আত্মাগুনোরে ধাবাই।”

মথি লেখ্যে গম্ হবর্ 15:1

যিরূশালেমত্তুন্ কয়েক্কো ফরীশী আর ধর্ম-মাষ্টর যীশু ইধু এইনে কলাক্,

মথি লেখ্যে গম্ হবর্ 9:34

মাত্তর্ ফরীশীগুনে কলাক্, “তে ভুদ্‌তুনোর রাজার সাহায্যলোই ভুদ্‌তুনোরে ধাবেই দি পারে।”

মার্ক 7:1

যিগুনে যিরূশালেমত্তুন্ এচ্চ্যন্ এমন্ কয়েক্কো ফরীশী আর ধর্ম-মাষ্টর যীশুর চেরোকিত্যে এগত্তর্ অলাক্।

লূকে লেখ্যে গম্ হবর্ 11:15

মাত্তর্ কয়েকজনে কলাক্, “ইবেয়ই বেল্‌সবূল, অসিজি আত্মাগুনোর নেতা, যিবেরে অসিজি আত্মাগুনোরে ধাবেবার খেমতা দিয়্যে ওইয়্যে।”

লূকে লেখ্যে গম্ হবর্ 5:17

একদিন্ন্যে যীশু যেক্কে শিক্ষ্যে দের্ সেক্কে ফরীশীগুনে আর ধর্ম-মাষ্টরুনে সিয়েনত্ বুয়োই এলাক্। গালীল রেজ্যর্ নানান্ আদামত্ আর যিহূদিয়া রেজ্যত্ আহ্ যিরূশালেম শঅরত্তুন্ ইগুনে এচ্চ্যন্। পীড়েল্যেগুনোরে গম্ গুরিবাত্তে প্রভুর খেমতাগান্ যীশু ভিদিরে এলঅ।

যোহন 10:22

ইয়েন পরেদি যিরূশালেমত্ উবোসনা-ঘর তুলোনার্ পরব্ এলঅ। সেক্কে জার্‌‌কাল্।

যোহন 7:20

মানুচ্চুনে জোব্ দিলাক্, “তরে ভূদে পেয়্যে; কন্না তরে মারে ফেলেবার্ চেষ্টা গরের্?”

যোহন 8:48

সেক্কে যিহূদী নেতাগুনে যীশুরে কলাক্, “আমি কি ঠিগ্ ন-কোই, তুই এক্কো শমরীয় আর তরে ভুদে পেইয়্যে?”

যোহন 8:52

যিহূদী নেতাগুনে তারে কলাক্, “এবেরা আমি ঘেচ্চ্যেক্‌গুরি বুঝিলোং যে, তরে ভূদে পেইয়্যে। অব্রাহাম আর ভাববাদীগুনে মুরি যেয়োন্, আর তুই কত্তে, ‘যুনি কেঅ মঅ কধা মজিম চলে তে কনদিন্অ ন- মুরিবো।’ তুই কি বাবা অব্রাহামত্তুন্অ বেশ্ দাঙর্?