মার্ক 3:20 - Chakma Bible

²⁰ যীশু ঘরত্ এযানার্ পরেদি আরঅ এদক্ মানুচ্ তা মুজুঙোত্ তুবেলাক্ যে, তে আর তা শিচ্চ্যগুনে কিজু হেবাত্তেয়ো ন-পেলাক্।

মার্ক 3:20 ပူးပေါင်းရင်းမြစ်များ

মার্ক 1:45

মাত্তর্ সে মানুচ্চো বারেদি যেইনে বেক্‌ জাগানিত্ এ হবরান্ কুয়ো ধুরিলো। সিয়েনত্যে যীশু আর্ কনঅ আদামত্ খুলোমেলা গুরিনে যেই ন-পারিলো। তাত্তুন্ নিরিবিলি জাগাত্ থা পল্ল; তো মানুচ্চুনে নানান্ জাগাত্তুন্ তা ইধু এজা ধুরিলাক্।

মার্ক 2:1

কয়েকদিন পরেদি যীশু আরঅ কফরনাহূমত্ গেলঅ। মানুচ্চুনে শুনিলাক্ তে ঘরত্ আঘে।

মার্ক 3:19

আর যিহূদা ইষ্কারিয়োৎ, যে যীশুরে শত্রুগুনো আঢত্ ধুরি দিয়্যে।

মার্ক 3:7

ইয়েনর পরেদি যীশু তা শিচ্চ্যগুনো সমারে সাগর পারত্ গেলঅ। গালীল রেজ্যর্ বোউত্ মানুচ্ তা পিজে পিজে যাহ্ ধুরিলাক্। যীশু যেদক্কানি কাম গোজ্যে সিয়েনির্ কধা শুনিনে যিহূদিয়াত্তুন, যিরূশালেমত্তুন, ইদোম চাগালাত্তুন্, যর্দন গাঙর্ উপারত্তুন আর সোর আহ্ সীদোন শঅরর্ চেরোকিত্তেত্তুন্ বোউত্ মানুচ্ তাইধু এলাক্।

মার্ক 3:9

যীশু নিজোত্তে এক্কান্ চিগোন নৌকো তা শিচ্চ্যগুনোরে ঠিগ্ গুরি রাগেবাত্তে কলঅ যেন ভিড়োর্ কারনে মান্‌‌জ্যে চাবাচাবি গুরিনে তা উগুরে ন-পড়ন্।

মার্ক 6:31

সে অক্তত্ বোউত্ মানুচ্ সিয়েনত্ যানা-এযানা গত্তন্ বিলি শিচ্চ্যগুনে কিজু হেবার সুযোগ্অ ন-পেলাক্। সেনত্তে যীশু তারারে কলঅ, “তুমি মঅ সমারে কনঅ এক্কান নিরিবিলি জাগাত্ এইনে কানক্কন্ জিরো।”

মার্ক 7:17

ইয়েনর্ পরেদি যীশু যেক্কে মানুচ্চুনোরে ফেলেইনে ঘরত্ সোমেল, সেক্কে শিচ্চ্যগুনে সে কধাগানর্ অত্তগান্ তাত্তুন্ পুযোর্ গুরিলাক্।

মার্ক 9:28

ইয়েনর্ পরেদি যীশু ঘর ভিদিরে গেলঅ। সেক্কে শিচ্চ্যগুনে ভিদিরে ভিদিরে তারে পুযোর্ গুরিলাক্, “আমি তারে কিত্তে ধাবেই ন-পারিলোং?”

লূকে লেখ্যে গম্ হবর্ 6:17

যীশু তা শিচ্চ্যগুন্ সমারে লোইনে মুড়োত্তুন্ লামিনে এক্কান্ সং জাগাত্ যেইনে থিয়্যেল। সিয়েনত্ তার ভালোক্কুন্ শিচ্চ্য এগত্তর্ ওইয়োন্। ইগুন বাদেয়ো যিহূদিয়াত্তুন্, যিরূশালেমত্তুন্ আর সোর আহ্ সীদোন নাঙে সাগর পারর্ দ্বিয়েন্ শঅর চাগালাত্তুন্অ বোউত্ মানুচ্ সিয়েনত্ এলাক্।