মার্ক 2:27 - Chakma Bible

²⁷ যীশু তারারে আরঅ কলঅ, “মান্‌‌জ্যত্তে জিরেবার্ দিন্নো গরা ওইয়্যে, মাত্তর্ জিরেবার দিন্নোত্তে মান্‌‌জ্যরে বানা ন-অয়।

মার্ক 2:27 ပူးပေါင်းရင်းမြစ်များ

যাত্রা 23:12

তুমি সাপ্তায় ছয়দিন কাম্‌ গুরিবা মাত্তর্‌ সাত দিনোত্‌ কনঅ‌ কাম্‌ ন-গুরিবা। সেক্কে তমার্‌ গোরু আর গাধাগুনে জিরেন্‌ পেবাক্‌ আর তমা ঘরত্‌ জোর্মেয়োন এধোক্ক্যেন চাগর্‌ বা চাগরানী আর অন্য জাদর্‌ মানুচ্চুনেয়ো কামত্তুন্‌ জিরেন পেবাক্‌।

যিশাইয় 58:13

“যুনি তুমি জিরেবার দিন্নো পালঅ আর মর্ সুদ্ধো-সাংগ দিন্নো নিজোরে হুজি ন-গরঅ, যুনি জিরেবার দিন্নোরে ফুত্তিবলা ন-গরঅ আর লগেপ্রভুর দিন্নোরে সর্মানর যগাজ্যে মনে গরঅ, যুনি নিজো হুজি ধোক্ক্যেন ন-চলিনে সেই দিন্নোর সর্মানান্ রাগঅ আর যিয়েন হুজি সিয়েন ন-গরঅ বা বাজে কধা ন-কঅ,

যিহিষ্কেল 20:12

মর্ আর তারা ভিদিরে চিহ্নো ইজেবে জিরেবার দিনুন্‌অ তারারে দিলুং যেনে তারা হবর্ পান, মুই লগেপ্রভু মর্ নাঙে তারারে যুদো গুরিলুং।

যিহিষ্কেল 20:20

তারা যেন মর্ দিয়্যে জিরেবার দিনুনোর পবিত্রতাগান রোক্ষ্যে গরন; সেক্কে মর্ আর তারা ভিদিরে সিয়েন এক্কান চিহ্নো ওই থেবঅ, আর তারা হবর্ পেবাক্ যে, মুয়ই তারার্ গোজেন লগেপ্রভু।

মার্ক 2:28

সেনত্তে মান্‌‌জ্য পুয়োবো জিরেবার দিন্নোর্ গিরোজ্।”

লূকে লেখ্যে গম্ হবর্ 6:9

সে পরেদি যীশু তারারে কলঅ, “মুই তমারে পুযোর্ গরং, জিরেবার্ দিনোত্ কিজু গরানা আমা আইনে কি কয়? সাহায্য গরানা না হি ক্ষতি গরানা? কারর্ জিংকানিগান্ রোক্ষ্যে গরানা উচিত, না ভস্ত গরানা উচিত্?”

যোহন 7:23

ভারী গম্, মোশির সুদোমান্ ন-ভাঙিবাত্যে যুনি জিরেবার্ দিনোত্-অ পুয়োগুনোরে চুনু মাঢা কাবা যায়, সালে মুই জিরেবার্ দিনোত্ এক্কো মান্‌জ্যরে পুরোপুরি গম্ গোজ্যং বিলি তুমি মঅ উগুরে রাগ্ গরর্ কিত্ত্যে?

২ করিন্হীয় 4:15

বেক্কানি তমার্ উপকারত্যে ওইয়্যে, যেন গোজেনর্ যে দোয়্যে ভালোক্কুন্ মান্‌জ্য উগুরে ঢালি দিয়্যে ওইয়্যে সেই দোয়্যেনত্যে ভালোকজনে গোজেনরে আরঅ বেশ্ গুরি ভালেদি জানান্ আর এবাবোত্যেগুরি গোজেনর্ বাঈনী অয়।

দ্বি’লম্বর বিররণ 5:12

তমা গোজেন লগেপ্রভু তরে যেধোক্ক্যেন উগুম্‌ গোজ্যে সেধোক্ক্যেন গুরি তুমি জিরেবার্‌ দিন্নোরে মর্‌ নাঙে যুদো গুরি রাগেবা আর সিবে পালন গুরিবা।

দ্বি’লম্বর বিররণ 5:14

মাত্তর্‌ সাত দিন্নো অলদে তমা গোজেন লগেপ্রভুর নাঙে জিরেবার্‌ দিন। সেদিন্যে তুমি, তমা ঝি-পূঅগুন, তমা চাগর আর চাগরানীগুন, তমা গোরু আর গাধাগুন বা অন্য কনঅ য়েমান বা তমা আদামত্‌ বা শঅরত্‌ বজত্তি গোজ্যে অন্য জাদর্‌ মানুচ্‌-কনজনে কনঅ কাম্‌ গরানা ন-চলিবো। সেক্কে তমা চাগর্‌ আর চাগরানীগুনেয়ো তমা ধোক্ক্যেন জিরেই পারিবাক্।

কলসীয় 2:16

সেনত্যে হানা-দানা বা ধর্মীয় কনঅ পরব্ বা আঙোচ্চ্যা বা জিরেবার দিন্নোলোই তমারে দুষ্ দিবার্ অধিকার কারর্ নেই।