মার্ক 2:24 - Chakma Bible

²⁴ সেক্কে ফরীশীগুনে যীশুরে কলাক্, “ধর্মর সুদোম্ মজিম্ জিরেবার দিনোত্ যিয়েন্ গরানা উচিত্ নয় সিয়েন তারা কিত্ত্যে গত্তন্?”

মার্ক 2:24 ပူးပေါင်းရင်းမြစ်များ

যাত্রা 20:10

মাত্তর্‌ সাত্‌ দিন্নো অলঅ‌ তমার গোজেন লগেপ্রভুর্‌ নাঙে জিরেবার্‌ দিন। সেদিন্যে তুমি, তমার ঝি-পূঅগুন, তমা চাগর্‌-চাগরানিগুন, তমার য়েমানুন্ বা তমার শঅরত্‌ আর আদামত্‌ বজত্তি গোজ্যে অন্য জাদর্‌ মানুচ্চুন, আজল্‌ কধা, কনজনে কনঅ‌ কাম্‌ গরানা ন-চুলিবো।

যাত্রা 31:15

তুমি সাপ্তায়্‌ ছয়দিন কাম্‌ গুরিবা মাত্তর্‌ সাত্‌ দিনোত্‌ অবদে জিরেবার্‌ দিন, আর লগেপ্রভুর নাঙে সিবে এক্কো ফারক্‌ গুরি রাগেয়্যে দিন। যুনি কনজনে এ দিন্নোত্‌ কাম্‌ গরন্‌ সালে তারে মারে ফেলা পুরিবো।

যিশাইয় 56:2

বর্ পেইয়্যে সেই মানুচ্চো, যে এ কামানি গরে; বর্ পেইয়্যে সেই মানুচ্চো, যে সিয়েনি গুরিবাত্তে মনান্ দে। জিরেবার দিন্নোরে অসিজি ন-গুরিনে যে মানুচ্চো সিবে পালায় আর ভান্ন্যেই কামত্তুন্ তা আঢ্‌তান সোরেই রাগায়, তে বর্ পেইয়্যে।”

যিশাইয় 56:4

কিত্তে লগেপ্রভু এ কধাগান কত্তে, “আঢুরুনে যুনি মর্ জিরেবার দিন্নোরে পালান্, মুই যিয়েন গম্ পাং সিয়েন বেঈ লন্ আর মর্ সুদোমান গমেডালে ধুরি রাগান্,

যিশাইয় 56:6

ইয়েনি বাদেয়ো যে বিদেশিগুনে মর্ সেবা কামত্তে আর মর্ চাগর্ অবাত্তে মইদু এচ্চ্যন্ আর যিগুনে জিরেবার দিন্নোরে অসিজি ন-গুরিনে সিয়েনি পালান্ আর মর্ সুদোমানি গমেডালে ধুরি রাগান্,

যিশাইয় 58:13

“যুনি তুমি জিরেবার দিন্নো পালঅ আর মর্ সুদ্ধো-সাংগ দিন্নো নিজোরে হুজি ন-গরঅ, যুনি জিরেবার দিন্নোরে ফুত্তিবলা ন-গরঅ আর লগেপ্রভুর দিন্নোরে সর্মানর যগাজ্যে মনে গরঅ, যুনি নিজো হুজি ধোক্ক্যেন ন-চলিনে সেই দিন্নোর সর্মানান্ রাগঅ আর যিয়েন হুজি সিয়েন ন-গরঅ বা বাজে কধা ন-কঅ,

মথি লেখ্যে গম্ হবর্ 12:2

যেক্কে ফরীশীগুনে সিয়েন দেগিলাক্ তারা যীশুরে কলাক্, “ধর্মর সুদোম্ মজিম্ জিরেবার দিনোত্ যিয়েন্ গরানা উচিত নয়, চাহ্, তঅ শিচ্চ্যগুনে সিয়েনই গত্তন্।”

মার্ক 2:16

ফরীশী দলর্ ধর্ম-মাষ্টরুনে যেক্কে দেগিলাক্ যীশু খাজানা-তুলিয়্যে আর বজং মানুচ্চুনো সমারে হার্ সেক্কে তারা তা শিচ্চ্যগুনোরে কলাক্, “তে খাজানা-তুলিয়্যে আর বজং মানুচ্চুনো সমারে হানা-দানা গরের্ কিত্ত্যে?”

মার্ক 2:25

যীশু জোব্ দিলো, “অবিয়াথরে যেক্কে দাঙর্ ধর্মগুরু এলঅ সেই অক্তত্ দায়ূদ আর তা সমাজ্যেগুনোর একপল্লা পেট পুজ্যে, মাত্তর্ তারা সমারে কনঅ হানা ন-এলঅ। সেক্কে দায়ূদে যিয়েন গোজ্যে সিয়েন কি তুমি কনদিনঅ ন-পড়অ? তে দঅ গোজেনর্ ঘরত্ সুমিনে মুজুঙো-রুটি খেইয়্যে আর ধর্মগুরুগুনে বাদে কারর্ কনঅ হানার্ সুদোম ন-এলঅ।”

মার্ক 2:7

“মানুচ্চো এবাবোত্যে কধা কর্ কিত্ত্যে? তে দঅ গোজেনরে অগমান্ গরের্। বানা এক্কো গোজেন বাদে কন্না পাপ খেমা গুরি পারে?”

ইব্রীয় 12:3

যিবে পাপীগুনোর্ এত্তমান কুজুরোমি সোজ্জ্য গুরিলো তুমি তা পৌইদ্যেনে চিন্তে গরঅ, যেন তমার্ মনানি মন্‌মরা আর আজানেইয়্যে ন-অয়।